¹ Ne mby e vii ane, ekum eshuu emuu, nkum emog ayinde kapita elir veana agnua vwi, ti emuu ayinde kapita elir vim anda a vwi, akiwo vii apwo ya nkum ewo, vwi e Ejipiti. ² Faraon ayug nkier nda ankum ape anagn, nkum elir veana ti elir vim anda a vwi. ³ Mby atsug vear anagn n'evuru e nkum ayer-nkuu atsankwung vwi, ne bolog, ondii oyitsug wo Yozefo. ⁴ Nkum ayer-nkuu atsug vear anagn kog djwi Yozefo alirike wo, ndug wur eyilirike otshia nda wo; mpi wakie ebuu e nshuu ne bolog. ⁵ Ko otshuu omog, nkum etsa ndir veana ti etsandir oliu e vwi e Ejipiti eyitshung wo ne bolog, wankeape wayen ndoy emog, kansi wur na wur na ndoy ende, eling ko wur esatendula wog wuo. ⁶ Ntangu emiyia Yozefo ne suka etay eli wo, alir, ayen watikum ko ngy-ngy. ⁷ Mby s'ayuinde vear otshia e faraon ayike ti nde ne bolog e nkum ende ndenden: "Djwi na nge ilung ignu lwo ene ipa ili wuo ve?" ⁸ wokeara wuwun: "Sitiyen ndoy emog ksnsi kaku wur e tendula ndoy ewo ve." Yozefo atuba ndenden: "Na ntendula ndoy, epa eli ko ya Nzeam ve? Onkabagni ndoy ewo." ⁹ Nkum elir veana a vwi abana nkaba Yozefo ndoy ende, ndenden: "Ne ndoy eme, ayen me oshung ne nteang eme. ¹⁰ Oshung owo ayinde na atag asar. Ntangu emifuye oshung owo, bintuntu iwo imingam, mby imita atub a ngitie. ¹¹ Ikob i Faraon ayiwo n'ewuo eme. Mivey atub anagn, miyama vay awo n'ikob i Faraon, mby mipea ikob iwo n'ewuo e Faraon." ¹² Yozefo atuba nda nde ndenden: "Yug ntendula ewo. Atab asar anagn eli nshuu isar. ¹³ Esatsuga nshuu isar, Faraon asikeande nsiang ote oyie, asokeara nde n'ekub eyie, asitsug yie ikob n'ewuo e Faraon, ko oshin omiziga yie na nkie ntabgu eyiki yie nkum elir veana ande. ¹⁴ Kansi, oyajing ve, ntangu esikea yie nkum n'osiang oyie, ndawigna ya yie, yegne wuo oyie etay eme; tuba ya Faraon angyug ngy, mpi ompuragni n'evuru ene. ¹⁵ Djwi, andimi wo me ne buu e waYuda, mpi nendien, kaku ata djwi imikie me ve, esikug wo ntsug me ne bolog. ¹⁶ Nkum soir vim anda a vwi emiyen nde Yozefo atitendula vii à wuo, atuba ndenden: "Yugaka ndoy eme: 'Ayiwo na isag isar, i mampa i siy-siy n'ôte eme. ¹⁷ Ne esag eyi dzug- dzug, ayiwo na vim a nda a Faraon eshin n'eshin neti, emifum wo n'ondii oie wo mampa, mby wamfuru s'alikiwo vim awo alevari me ne esag n'ote ome.'" ¹⁸ Yozefo akeara ndenden: "Yug mpi ntendula ewo. Isag isar inagn ili nshuu isar. ¹⁹ Esatsuga ko nshuu isar, Faraon asilima nde ote oyie ne dzug iyie, ayoler nde okor ne oshung, mby wamfuru ayala wo djuung iyie." ²⁰ Eshuu otatu, eshuu eyiwur wo Faraon, akie okina, avie vear ande otshia, mby asiang ote e nkum elir veana a vwi ti ote e nkum elir vim a nda a vwi ne nteang e vear ande otshia. ²¹ Akeara nkum elir veana ande ne otshia onde, djwi akey ntsugaka ikb n'ewuo e Faraon; ²² kansi nkum elir vim ande a nda, oler okor ne nking, ko oshin oyitenduli Yozefo. ²³ Nkum elir veana a vwi akafikea nkana Yozefo ve, ojing.