¹ Yakob asiang vy dzug, alir, ayenEzau ndign aleye na vear ande nkama inign. Yakob atsugikinde akab-akab ne mbwo i Lea, Rashel ti vear otshia ankear ape. ² Atsugikinde vear otshia ankear ape anagn nteang ti aman awo, mby Lea ti aman ande, e nsuka Rashel ti Yozefo. ³ Nde ndemie aleg ne nteang ewo wankeankum, akra ne buu mbala ishambia tii ko eyivangi nde mbeama na jii nde. ⁴ Ezau akim iveang na nsanga ti nde; oyama, alog ne nking ende, mby opea mwaa. Mby waliye. ⁵ Ezau, emisiang nde vy, ayen ankear ti aman, mby Ayue ndenden: ''Âne waagn elinyie ya wo ene?'' Yakob avura ndenden: ''Eli aman amipea Nzeam ya wur eyie otshia.'' ⁶ Vear otshia ankear ape anagn ti aman awo, wavanga mpi wababa ne buu; v 7 Lea ti aman ande mpi wavanga, wababa ne buu, mby Yozefo ti Rashel wavanga mpi, wababa ne buu. ⁸ Ezau atuba ndenden: ''Olampea vim ankeankum amifanga me na wo enagn djwi na nge?'' Yakob avura ndenden: ''Djwi na mvea ngrasia ne vy ayie nkum eme.'' ⁹ Ezau atuba ndenden: ''Ndi na wo entsign, okwom me, wum enagn djwi na yie.'' ¹⁰ Mby Yakob akeara ndenden: ''Kaku, ndawigna ya yie, yug Asikug me mvea ngrasia ne vy ayie, vey makabu iyim n'ewuo eme; ognianga eli djwi na wo eyilirikime elung eyie kamsi etsawo ndir elung e Nzeam, mpi otingyama me wuo-wuo. ¹¹ Vey makabu imopeawo enagn, djwi Nzeam amingyura na wangrasia, mpi kaku vim ekwon me ve." Atsug inaagn etay ende, mby Ezau s'avey nde. ¹² Ezau atuba ndenden: "Sikir mbug, sikien, me asiyia me nteang eyie." ¹³ Yakob okeara ndenden: "Nkum eme ajia ndenden aman wali mfunu entsign, mpi ndi na ameme ti wangombe aveari ilepi aman aviyo, yug simabin na nkien eveang-eveang eshuu emog, itwung inkeankum asiwawo. ¹⁴ Nkum emeatsu nteang e wur ende otshia, mby me, ndesedjii okwog-okwog, n'ekien e wagnam une isiyia nteang eme, ti n'ekien e aman tii ko eyakum me etay e nkum eme ne Seir.'' ¹⁵ Ezau atuba ndenden: "Ndaleang wuo mososugni ikab i vear ame.'' Mby Yakob avura ndenden: ''Djwi na nge ngean? Mviy ko ngrasia ne vy a nkum eme!'' ¹⁶ Ko eshuu enagn mpi, Ezau s'akey nde nkir mbug e Seir. ¹⁷ Yakob s'atshinde Sukot. Atwung evuru djwi na nde, mpi akie aman atsug djwi na wagnam inde. Wog enagn eyivikiwo ondii onagn ne dzin i Sukoth. ¹⁸ Emikra nde yim Padan Aram, Yakob Akea ne wiya d'en e Sishem n'osiang onkeankum, ne buu e Kanaana. Agneme ne nteang e wiya d'en. ¹⁹ Ashum etay okwun, atwung nde evuru ende e kapo, Ashum nde ya aman a Amor, tea e Sishem, ne akutu nkama e ekri. ²⁰ Ne kog enagn, s'atwung nde kunda emog, apea dzin iwo El Eloe Israel.