Aleam mpi ajie vim awo etay e tea nde, atuba nda tea nde ndenden: "Tea me abiy, ale gnam i mon nde, djwi moyo eyie ansakumuni me." ³² Tea nde Izaak atuba ndenden: "Yie nagn?" Wakeara ndenden: " Mug Ezau, mon yie e nsom eteang." ³³ Izaak ayug eturaesug biu mpenza, atuba ndenden: "Mby wur emiyia nendien nagn, atidjag gnam, atimpea?" Ntishir nda enkeankum ne nteang eyie na ngyia nkum nendien, mpi ntosakumuna. Ativey mpi lusakumuna ewo." ³⁴ Ezau, ntangu emiyug nde otuba o tea nde, waliye biu, ayug mpay n'etura, mby atuba nda tea nde ndenden: "Tea me, onsakumuni ti me mpi!" ³⁵ Izaak atuba ndenden: "Okwom yie atiyia ndjim me nendien, atinkuma lusakumuna eyie." ³⁶ Ezau atuba ndenden: "Eli djwi wamopea dzin i Yakob mby s'amondenga nde mbala ipe? Aminkuma ntete ekub eme intsuru, liraka ndean atiyia nkuma lusakumuna eme." Mby ayiwe ndenden: "Mby okasawum ata lusakumuna emuu ve djwi na me?" ³⁷ Izaak avura Ezau ndenden: "Yen, ntotsug nde atikum nkum eyie, ndopea nde atwung ande ankeankum wayii vea ande otshia, ndopea nde antu na veana; nge emuu esifikieme djwi na yie, mon me?" ³⁸ Ezau atuba nda tea nde ndenden: "Oli ko na lusakumuna emog enagn, tea me? Onsakumuni ti me, tea me! " Mby Ezau adzama iluu na biu. ³⁹ Tea nde Izaak Wakeara ndenden: "Yen, n'evuru eyie, opayayia na vir à buu ve, ti vay ayim dzug olung. ⁴⁰ Ayazinga yie ko n'ompyen oyie e vur epe, mpi ayayiande yie mpfumi e okwom yie; kansi ntangu eyakienaka yie etay n'etay, ayomogo yie ekub ende ne dzug i nking eyie." ⁴¹ Ezau Ayia na l'Impala djwi n'okwom nde Yakob, djwi na lusakumuna eyopii tea nde; mby Ezau s'atubikinde n'etura ende ndenden: "Nshuu iyokiesu isaga i tea me mpi wean ilevangi, ayadjag me okwom me Yakob." ⁴² Watsa nkaba Rebeka otuba o mon nde e nsom eteang Ezau. Mby avie mon nde okobo, Yakob, okaba ndenden: "osug jii yie Ezau aling onkeara yie mbela, aling n'ondjag yie. ⁴³ Opeane, mon me, yug otuba ome! Yima, kim etay e Nkignam me Laban ne Sharan. ⁴⁴ Toyia ntete mpiog ivim i nshuu, ⁴⁵ tii ko yug nkier i jii yie itikra, ko yug nkier inde itilim etay eyie, yug atijing vii ayokiyie nde ene, mby ayokeara me nendien. Oshin onkagn esowuoagni me gnankeape eshuu emog?" ⁴⁶ Rebeka atuba nda Izaak ndenden: "Ntilem luzingu, djwi na aman ankear a Heth. Yug Yakob amivey wear kamsi aman ankear a Heth, ne kati e aman ankear ali ne wiya ene, mfunu e luzingu eme eli nonkagn?"