¹ Izaak watikum ognugn, vy ande mpi atilem, apikafiyen ve. Avis Ezau, mon nde e nsom eteang, okaba ndenden: "Mean!" ² Izaak ndenden: "Yen, me mean ntignugn, mpijia ve eshuu nge eyawa me. ³ Ndawigna ya yie, opeane, vey ota ti vign iyie, tshwag okwun, odjag gnam djwi na me. ⁴ Ondeami oshin otsame ndeang enagn, mby onji wog ntola, djwi moyo eme osakumuni yie ne nteang me na ngwa." ⁵ Rebeka ayug vii amituba Izaak ya mon nde Ezau. Ezau mpi atsa okwun djwi na njag gnam esojie nde. ⁶ Mby Rebeka atuba nda mon nde Yakob ndenden: "Yen, ntiyug tea yie atuba nda jii yie Ezau ndenden: ⁷ :'Onji gnam mpi Ondeami, asila me mby amosakumuna me ne nteang e me na ngwa.' ⁸ Opeane, mon me, yug otuba ome, oshin otum yie yie ene. ⁹ Tshwag ne otwung i wagnam, omveyi eman e mbur ipe i wuo; asileama me tea yie oshin atsande ndeang; ¹⁰ mby asitsa yie ompea, ale, djwi osakumuni yie ne nteang ende na ngwa." ¹¹ Yakob avura mea nde ndenden: "Yen, jii me Ezau ali na afur ne djuung, , mby me, kaku afur ve. ¹² Mbala emuu tea me asinkir nde, kog ne vy ande asipwe me nkea oyang, mpi asibin me nkuu ne djuung, kansi epa lusakumuna ve." ¹³ Mea nde atuba nda nde ndenden: "Mon me, nkuu inagn isalog ya me! Yie yug ko otuba ome, tshwag ovey ko wagnam inagn, onji." ¹⁴ Yakob s'awinde mvey wambug iwo, ajie etay eli mea nde, s'aleam nde oshin otsame ndeang tea nde. ¹⁵ Ne mby ewo, Rebeka avey ileama i Ezau, mon nde enteang, ileama i wuo-wuo iyike n'evuru, aller Yakob, mon nde e nsuka. ¹⁶ Alwer epuy e mbur ne mbwo inde, ti ne nking ende djwi ekayia na afur ve. ¹⁷ Mby atsug gnam emileam nde ne mbwo i mon nde Yakob. ¹⁸ Ayia etay e tea nde, ndenden: "Tea me!" Izaak okeara: "Mean, mon me, yie nagn?" ¹⁹ Yakob avura tea nde ndenden: "Eli mug mon yie e nsom eteang, Ezau, ntikie vim eyitubi yie. Ndawigna ya yie, biy, gneme, otolaka gnam enkiyi, mby moyo eyie ansakumuni." ²⁰ Izaak atuba nda mon nde ndenden: "Nge, otiveavgnam ewo, mon me?" Mby Yakob okeara ndenden: "Eli Yaweh Nzeam eyie atintuma wog ne nteang eme." ²¹ Izaak atuba nda Yakob ndenden: "Tovanga nendien mokir, mon me, djwi na njia yug oli mon me Ezau to epa nde ve." ²² Yakob avantages mbeama na Izaak, tea nde, okir, mby atuba ndenden: "Otuba , eli otuba e Yakob, kansi mbwo, ili mbwo i Ezau." ²³ Akoojia ve, djwi mbwo inde ayiwo na afur kamsi mbwo i jii nde Ezau, mby s'osakumuni nde. ²⁴ Oyuwe ndenden: "Eli yog mon me Ezau?" Mby Yakob okeara ndenden: "Eli mug." ²⁵ Izaak atuba ndenden: "Ompi, ndala gnam eyim ya mon me, djwi moyo eme osakumuni yie." Yakob mpi opea vim a nda, s'apinde; ojie mpi veana, s'gnwinde. ²⁶ Mby tea nde Izaak atuba nda nde ndenden: "Mon me, vanga mbeama na me , Ompi mwaa." ²⁷ Yakob avanga mbeama na nde, mpi opea mwaa. Izaak ayug nsuu ileama inde, mby s'osakumuni nde, ndenden: "Yug nsuu e mon me, aliwo kamsi nsuu okwun eli Yaweh amisakumuna. ²⁸ Nzeam opii yie vay ayim dzug olung, ti vir a buu, anti ti veana entsign. ²⁹ Vear ayolemfuka wo yie, mpi veana okiri wakr abong ne nteang eyie. Wur eyoshing yie ayavey nde nkuu, mpi wur eyosakumuna yie, ayavey nde lusakumuna." ³⁰ Ko ntangu emishir Izaak na nsakumuna Yakob, mpi ko ne ntangu emilim Yakob etay e tea nde Izaak, jii nde Ezau mpi akea yim iyu.