¹ Abraama akeamvey wear emuu dzin inde Ketura. ² Owura aman: Zimran, Yokshan, Medan, Yishbak ti Shuash. ³ Yokshan awur Seba ti Dedan. Aman a Dedan ayiwo vear a Ashurim, vear a Letushim, ti vear à Leumim. ⁴ Aman a Madian ayiwo: Efa, Efer, Henok, Abida ti Eldaa. Wankeankum anagn ankean a Ketura. ⁵ Abraama apinde vim ande ankeankum ya Izaak. ⁶ Apinde makabu ya aman a aveari ande a mby anagn ntangu eyikinde ne luzingu. Atum nde aman anagn etay epwe vuna, etey na mon nde Izaak. ⁷ Y'en nshuu i luzingu Abraama: papier nde mvwe nkama emog na oshambia n'itean. ⁸ Abraama s'asug nde egnim, s'awinde, n'osiang n'ognugn onde, akum nde intsuru mpi ayur nde nshuu inde ne buu, mpi oyamiwo etay eatwung ande. ⁹ Aman ande, Izaak ti Ismaël s'opfugn wo ne mpuy e Makpela,ne okwun o Efron, mon e Tsoshar, wur e Heth, elira na Mamre. ¹⁰ Eli okwunoyishum Abraama ya aman a Heth. Neti, apfugn wo Abraama ti wear nde Sara. ¹¹ Ne mby emiwa Abraama, Nzeam asakumuninde mon nde Izaak. Apierikinde mbeama n'ibulu i vay i Lashai-Vwi. ¹² Y'en aman ayisawur Ismaël, mon Abraama, eyiwur nde ti Agar, wur otshia e Sara eyiyim Ejipiti. ¹³ Y'en vn aman à Ismaël, ne ndwong eyawur wo: Nebayoth, mon e nteang Ismaël, mby Kedar, Adbeel, Mibsam, ¹⁴ Mishma, Duma, Massa, ¹⁵ Hadad, Tema, Jetur, Nafish ti Kedma. ¹⁶ Enagn wog aman a Ismael, enagn vn à,o ne ndwong i ekwun ewo ti enduu e buu ewo. Ayiwo ankum djum n'ipe ne okuu owo. ¹⁷ Y'en mvwe I luzingu Ismaël: mvwe nkama emog n'osar n'ishambia. Asug egnim mpi s'awinde. ¹⁸ Aman ande apierikiwo yim Havila tii ko Shur, elira na Ejipiti, yug oletsu etay e Asiria. Ayikinde kog ne vy a atwung ande ankeankum. ¹⁹ Y'en aman ayisawur Izaak, mon Abraama. ²⁰ Abraama awur Izaak. Izaak ayinde na mvwe onign ntangu eyitsug nde wear nde Rebeka, mon e Betuel eyii Arameena, mon e Padan Aram, mpi nkignam e Laban eyii Arameena. ²¹ Izaak awigna biu ya Nzeam djwi na wear nde, djwi ayinde ekuba, mpi Yaweh ayug nde iluu inde: wear nde Rebeka avey nde djim. ²² Aman alwikiwo mbaagn n'ipfugn inde; mby atuba ndenden: "Yug eli ko oshin one, djwi na nge élimé na djim?" S'atshinde ngwe Yaweh. ²³ Mby Yaweh okaba ndenden: "Ekiru ipe wali n'ipfugn iyie, mpi vear a ekiru ipe ayanam wo ntangu eyapwewo n'ipfugn iyie, emog ayalenga nde emuu na biu, mpi intsuru ayayiande mpfumi e okwom nde." ²⁴ Nshuu iwur nde itikug; Y'en, ayiwo aman a mapasa n'ipfugn inde. ²⁵ Enteang apwe opfugn onde ankeankum, na afur ne djuung kamsi kazag e afur, wopea dzin inde Ezau. ²⁶ Mby otwung onde asapwe, ewuo ende atikie ibuu ekuu e Ezau, mby wopea dzin inde Yakob. Izaak akum nde na mvwe osom ntangu emiwur wo aman anagn. ²⁷ Aman awo wafuye. Ezau akum biu na ndjagaka wagnam, wur ekir ivur, kansi Yakob ayinde wur emog eli pwoo, asayia ko ne ngie e nseam. ²⁸ Izaaka aleangikinde Ezau entsign djwi na wagnam iyilikinde, mby Rebeka aleangikinde Yakob. ²⁹ Yakob aleamikinde eshuu emuu, Ezau atikea yim evur, atilem. ³⁰ Mby Ezau atuba nda Yakob ndenden: "Sianga me ntola ileam i kwi imileam yie ene, ntilem na nziya." ³¹ Yakob atuba ndenden: "Tonsara ntete lwo ene, ekub eyie intsuru." ³² Ezau Wakeara ndenden: "Y'en, mean Ndetsu ewa, ekub intsuru enagn ko otshia ewo nge?" ³³ Mby Yakob atuba ndenden: "Tosila ntete." Nde mpi asila, mby s'avarinde ekub ende intsuru ya Yakob. ³⁴ Mby Yakob s'apinde Ezau mampa ti vim amileam nde ne mpuug. À la mpi agnua, mby s'akien nde. Enagn wog oshin oyipiy Ezau ekub ende intsuru.