¹ Abraama akum nde ognugn, mpi Yaweh osakumuninde ne vim ankeankum. ² Abraama atuba nda wur ende otshia elenga n'intsuru n'evuru ende, wur eyilirike vim ande ankeankum ndenden: "Ndawigna ya yie, tsug ewuo eyie ne ngie ompfuy ekuu eme; ³ mby oleki lusilu ne nteang e Yaweh Nzeam eli n'olung, eli ti ne buu, opikug mveye mon me wear ve ne kati e ankear ali ne Kanaana, ondi i copier me ene, ⁴ kansi otsi ne buu eme, ne wiya me oveyi mon me Izaak wear neti." ⁵ Wur otshia okeara ndenden: "Mbala emuu onkear owo apayaleang ndana me ne buu ene, enagn ayakug me mvara mon yie ne buu eyim yie?" ⁶ Abraama okeara ndenden: "Osug, opikug mvara mon me mpiog ve! ⁷ Yaweh Nzeam eli n'olung, ndug eyimpur me ne evuru e tea me, tii ne wiya me, aminkaba, mpi amisila nda me ndenden: 'Ayapeame buu ene ya aman ayie', ndemie ayatum nde wanzio ende ne nteang eyie, enagn wog ondii oyavey yie onkear djwi na mon me. ⁸ Yug onkear owo akaleang na ngyia nda yie ve, enagn lusilu omotum me yie na nkie ene epakir ya yie ve. Ko vim emog, opayavara mon me mpiog ve." ⁹ Wur otshia s'atsug nde ewuo ne ngie ompfuy ekuu e nkum ende Abraama, asila na nkie ko vii amituba nde. ¹⁰ Wur otshia avey wampunda djum ondii oli wampunda i nkum ende, mby s'akien nde; ndug wur eyisaliraka vim ankeankum à nkum ende. Ayima, atsa ne Mezopotami, ne oluu o wiya e Nashor. ¹¹ Asaky wampunda nelien e wiya, wasayor ne abong, mbeama na ibulu i vay amog kog, ayiwo epiyekwo, ntangu etsampwe ankear na ntog vay. ¹² Mby atuba ndenden: "Yaweh, Nzeam e nkum eme Abraama, ndawigna ya yie, sianga ngyen lwo ene, vim eleang me, kie iwuo ya nkum eme Abraama! ¹³ Y'en, mean ntiyima mbeama n'etog e vay, mpi aman ankear ayim oluu o wiya ene asipwewo na ntog vay. Sianga osig onkear esituba me ya ¹⁴ nde même: " Yeg iwung iyie n'ikri, me ntognua vay", mpi yug amituba ndenden: 'Gnua', mpi asipeame vay a gnua ya wampunda iyie, ayi ndug onkear emintum yie djwi na wur eyie otshia Izaak. Enagn wog ondii osiyen me memen otikie iwuo djwi nw nkum eme." ¹⁵ Atoshir ntuba mpi ve, Révéla ko ndean alepwi, na iwung inde n'ipag, mon e Betuel, mon e Milka, wear e Nashor, otwung e Abraama. ¹⁶ Ayinde entieng e mon onkear, na wuo ende n'elung, Ayinde ko osig, atoji ata ompeam ve. ¹⁷ Wur otshia atsa n'iveang ne nteang ende, ndenden: "Ndawigna ya yie, ompi ivim i vay a gnua n'iwung iyie." ¹⁸ Wakeara ndenden: "Nkum eme, gnua", mpi akagn nkeya iwung n'ewuo ende djwi n'ompea nde vay a gnua. ¹⁹ Ntangu emishir nde n'ompea vay a gnua, atuba ndenden: "Ndatog vay mpi djwi na wampunda iyie, tii ko esiyur wo wankeankum." ²⁰ Ntangu emishir nde n'ompea vay a gnua, akim n'ibulu i vay djwi na nkea ntog vay amuu, atog vay mpi djwi na wampunda inkeankum. ²¹ Wur enagn ayen ngituka, pour ko na vy apitubi ata djwi, soir yug Yaweh asopeande lunungu n'ekien ende to apanunga ve. ²² Ntangu emishir gnua wampunda, wur enagn avey epete e solo, odzuru ewo eli ndamune kilo, ti ayag ape a wolo, na ndwer ne mbwo; odzuru ewo eli kilo djum. ²³ Mby atuba ya nde ndenden: "Yie, oli mon e nagn?Ndawigna ya yie, onkabi. N'evuru e tea yie e!i n'ondii o mvur?" ²⁴ Mon onkear ndenden: "Ndi mon e Betuel, e mon e Milka ti e Nashor." ²⁵ Akea ntuba ndenden: "Etay esu, eli n'elieng ti adjiu entsign, ti ondii o mvur mpi." ²⁶ Mby wur enagn ababa, akra abong ne nteang e Yaweh, ²⁷ ndenden: "Lokumu ya Yaweh, Nzeam e nkum eme Abraama, atolimi ntete ve ngy ende ti masonga inde etay nkum eme !" Memie mpi, Yaweh ndean atimvara etay e atwung a nkum eme." ²⁸ Osig onkear onagn akim, atsa nkab vii anagn n'opeang o mea nde. ²⁹ Rebeka ayinde na nkignam emog dzin inde Laban. Mby Laban apwe n'iveang, atsa etay eli wur enagn, mbeama n'etog e vay. ³⁰ Ayen nde epete ti ayag anagn, ne mbwo i nkignam nde, mpi ayug nde otuba o nkignam nde Rebeka, ndenden: "Enagn vii ayinkabi wur enagn." Mby ayia etay eli wur ewo eyike ti wampunda ondii oli etog e vay. ³¹ Mby atuba ndenden: "Yag, osantu e Yaweh, djwi na nge emisayie tsuga nelien e wiya? Ntiwong evuru ti ondii omg djwi na wampunda." ³² Wur ewo s'akum nde n'evuru. Laban atum vear na mvara vim alevarike wampunda, mby apea elieng ti adjiu a nda ya wampunda, ti vay djwi na wur enagn ti vear ayinde ti wo wasuy nkuu. ³³ Mby s'opinde vim a nda. Kansi nde, atuba ndenden: "Me, mpatola ve, yug ntotubi djwi iyime na wo." Laban ndenden: "Tubaka." ³⁴ Mby atuba ndenden: "Me, ndi wur otshia e Abraama. ³⁵ Yaweh amisakumuna nkum ne vii ankeankum, amikum nkea biu. Amopea nde ameme ti wangombe, etiempar ti wolo, wampunda, vear otshia ti ankear ti ampeam. ³⁶ Sara, wear e nkum eme, amowura mon ompeam n'ognugn, amopea vim ankeankum alinde na wo. ³⁷ Nkum eme amituba nda me na nkie lusilu, ndenden: "Opayaveye mon me wear ve ne kati aman ankear ali ne Kanaana, ondii opier me ene; ³⁸ kansi ayatsayie n'evuru e tea me, ne opeang osu, otsi mveye mon me wear neti." ³⁹ Atubi me ya nkum eme memen: "Mbala emuu onkear owo apaleang ndana me ve." ⁴⁰ Mby nde ankeara ndenden: "Me, alekienikime ne nteang e Yaweh, ayatum nde wanzio ende etay eli yie, mpi ayanunga yie n'ekien eyie; mpi ayaveye yie mon me wear n'opeang osu ti n'evuru e tea me. ⁴¹ Lusilu eyie epayakira ya yie ve, yug otikum n'opeang osu, wakopea onkear ve, enag otilim ne lusilu enkie yie ene." ⁴² Ntikum lwo ene n'etog e vay, mby mituba memen: "Yaweh, Nzeam e nkum eme Abraama, yug omikie minunga n'ekien eme ene, ⁴³ yen, mean ndi mbeama n'etog e vay, mpi osig onkear esipwe djwi na ntog vay, yug mituba ya nde memen: 'Ndawigna ya yie, ompi ivim i vay a gnua n'iwung iyie', mpi yug amikeara ndenden: ⁴⁴ 'Gnua yemie, asipeame mpi vay ya wampunda iyie', mon onkear onagn ayii wear emiwong Yaweh djwi na mon e nkum eme! ⁴⁵ Ntoshiri otuba onagn n'etura eme mpi ve, yen, Rebeka ko ndean amipwe, na iwung inde n'ipag; amikra n'etog e vay, amivey mpi vay. Mituba ma nde: 'Ndawigna ya yie, ompi vay a gnua.' ⁴⁶ Amikie eveang, amikeya iwung iyike n'ipag inde, ndenden: 'Gnua, mby asipea me mpi wampunda iyie vay asignuawo.' Mignua, mby s'apinde vay ya wampunda ime. ⁴⁷ Moyue memen: "Oli mon e nagn?" Aminkeara ndenden: "Ndi mon e Betuel, e mon e Nashor ti Milka. S'atsug me epete ne mbwom ende, ti ayag ne mbwo inde. ⁴⁸ Mibaba, mpi mikra abong ne nteang e Yaweh, mipea Yaweh lokumu, Nzeam e nkum eme Abraama, ndug wur emimvara na masonga enkeankum djwi mvey mon onkear e otwung o nkum eme ayii wear e mon nde. ⁴⁹ Opeane, yug olingagni nkie iwuo ti masonga djwi na nkum eme, onkabagni; yug mpi kaku, onkabagni, asitsame ntshim etay e wum ewuo, to wear ewuo." ⁵⁰ Laban ti Betuel wokeara wuwun: "Vii awo ayim ya Yaweh; su, sipokaba ata vii apwo ata vii a wuo ve. ⁵¹ Yen, Rebeka ndean ne nteang eyie; vey nde, tshwag ya nde. akum wear e mon e nkum eyie, oshin omituba Yaweh." ⁵² Wur otshia Abraama ntangu emiyug nde otuba onagn, ababa ne nteang e Yaweh. ⁵³ Mby wur otshia enagn apur vim amikiewo n'etiempar ti imikiewo na wolo, ti ileama s'apinde Rebeka apea mpi makabu i vim isuu ya nkignam nde ti ya mea nde. ⁵⁴ Ne mby ewo, s'aliwo, s'agnuiwo, nde ti vear Ayinde ti wo.,Mby s'agit wo otshuu onagn. Ne suka, Ntangu emibiy wo, wur otshia atuba ndenden: "Siangagni nkey nkien etay eli Nkum eme.". ⁵⁵ Nkignam nde ti mea nde watuba wuwun: " Osig onkear atokasayia nda su ivim i nshuu, ata nshuu djum, mby okien." ⁵⁶ Atuba nda wo ndenden: "Oyankiragni etean ve, wogniangi Yaweh atikie, ntinunga ne ekien eme; onsiangagni nkey ntsa etay e Nkum eme." ⁵⁷ Wakeara wuwun: "Sitoyue mon onkear ndemie." ⁵⁸ S'ayuiwo Rebeka, woyue wuwun: "Oleang na ntsa ti wur ene?" Wakeara ndenden: "Ndetsu." ⁵⁹ Mby s'asiangiwo Rebeka na ntsa, wopea ti ndeer ende mon onkear. S'akien nde ti wur otshia e Abraama, ti vear Ayinde ti wo. ⁶⁰ Wasakumuna Rebeka, watuba ya nde wuwun: "Nkignam su, okum mea aman entsign, mpi aman ayie wasavey ipfug i wambeni iwo!" ⁶¹ Rebeka s'ayiminde ti vear ande otshia ankear, wakwuna ne wampunda, mby wasadjie wur enagn. Wur otshia s'avarinde Rebeka, s'akien wo. ⁶² Ntangu enagn, Izaak atikea yim ibulu i vay i Lakai-Vwi. Apierikinde ne buu e sudi. ⁶³ Epiyekwo emog, Izaak apwinde, atsa ngyindula ne evur ende, asiang vy dzug, ayen wampunda wean itikum. ⁶⁴ Rebeka mpi asiang vy, ayen Izaak, d'air nde ne mpunda ende. ⁶⁵ Atuba nda wur otshia enagn ndenden: "Wur eli ne evur eleye nsanga nda su ene eli nagn?" Mby wur otshia okaba ndenden: "Eli Nkum eme." Mby Rebeka avey elama, s'adzub nde djuung inde inkeankum. ⁶⁶ Wur otshia akaba Izaak vii ankeankum amikiende. ⁶⁷ Izaak s'avarinde Rebeka ne evur e kapo eyi mea nde Sara, s'avey nde Rebeka wear nde, mpi oleang nde. Wog enagn Izaak s'akeyi nde etura ne mby emiwa mea nde.