1
Luzingu e Sara ayiwo mvwe nkama emog n'omab n'ishambia. Enagn mvwe i luzingu e Sara.
2
sara awinde ne kirjat Arba, eli Ebron ne buu e Kanaana. Abraama atshinde nkie okio mpi na ndiye Sara.
3
Abraama ayima ne nteang e odjuu mby s'atubikindenda amna a Heth ngean:
4
"Ndi ongingien épier ne kati egnu, ompiagni buu entsug aluma ne kati egnu, djwi na mfugn odjuu one, molimi ne nteang eme."
5
Aman à Heth wakeara Abraama wuwun:
6
"Nkum, oteyug su! Oli Nkum, wur e Nzeam ne kati esu; mfugn odjuu oyie ne aluma amog raison yie' ne kati esu, kaku wur esopum yie aluma na mfugn odjuu oyie ve."
7
Abraama ayima, ababa ne nteang e vear okiri onagn, ne nteang e aman à Heth.
8
Mby atuba nda wo ngean: "Yug otimpeagni me mbug na mfugn odjuu ome djwi molimi ne nteang eme, ongyugagni, wignagni ya Efron, mon e Tsoshar,
9
ansari ibulu ili ne atari à Makpela, n'ikri evur ende, djwi esakum ondii ome djwi nsakie aluma ame."
10
Efron ayinde ngigneme ne kati e aman a Heth. Mby Efron, wur e Heth, s'akeari de Abraama ne nteang e aman a Heth ti ne nteang e vear ankeankum ayishwi ne epfug e wiya d'en, ndenden:
11
Kaku ve, Nkum eme, ongyugagni me! Ndopea okwun, ndopea mpi mpuy eli neti enagn. Ndopea wog ne vy à aman okiri ome, mfugn odjuu oyie."
12
Abraama ababa ne nteang e vear okiri enagn.
13
Mby atuba nda Efron, ne vy a vear okiri enagn ndenden: "Ongyugagni, ndawigna ya yie, ndopea isuu ekri djwi na okwun onagn, djwi me mpfugn odjuu ome."
14
Mby Efron wakeara Abraama ndenden:
15
"Nkum eme, ongyugagni me! Buu e isuu ekri nkama inign eli vim nge ne kati eme ti yie? Mfugn odjuu oyie."
16
Abraama ajia nge emituba Efron; mby Abraama ayer odzuru ekri emituba Efron ne nteang aman a Heth nkama inign, ekri elekir vear alesar n'ilaga ne nshuu inagn.
17
Okwun o Efron ne Makpela, doit mbeama na Mamre, okwun onagn ti mpuy ewo neti, ti eshung ankeankum eli n'okwun onagn, ti n'ondii owo ankeankum,
18
esakum okwun e Abraama, ne vy aman à Heth ti vear ankeankum ayishwi le n'epfug e wiya nde enen.
19
Ne mby ewo, Abraama s'apfugn nde wear nde Sara ne mpuy okwun o Makpela, soir mbeama na Mamre, eli wog Hébron ne buu e Kanaana.
20
Okwun onagn ti mpuy ewo asawotsuga ko ya Abraama djwi na nkie aluma ande, aviynde wog ya aman a Heth.