¹ Luzingu e Sara ayiwo mvwe nkama emog n'omab n'ishambia. Enagn mvwe i luzingu e Sara. ² sara awinde ne kirjat Arba, eli Ebron ne buu e Kanaana. Abraama atshinde nkie okio mpi na ndiye Sara. ³ Abraama ayima ne nteang e odjuu mby s'atubikindenda amna a Heth ngean: ⁴ "Ndi ongingien épier ne kati egnu, ompiagni buu entsug aluma ne kati egnu, djwi na mfugn odjuu one, molimi ne nteang eme." ⁵ Aman à Heth wakeara Abraama wuwun: ⁶ "Nkum, oteyug su! Oli Nkum, wur e Nzeam ne kati esu; mfugn odjuu oyie ne aluma amog raison yie' ne kati esu, kaku wur esopum yie aluma na mfugn odjuu oyie ve." ⁷ Abraama ayima, ababa ne nteang e vear okiri onagn, ne nteang e aman à Heth. ⁸ Mby atuba nda wo ngean: "Yug otimpeagni me mbug na mfugn odjuu ome djwi molimi ne nteang eme, ongyugagni, wignagni ya Efron, mon e Tsoshar, ⁹ ansari ibulu ili ne atari à Makpela, n'ikri evur ende, djwi esakum ondii ome djwi nsakie aluma ame." ¹⁰ Efron ayinde ngigneme ne kati e aman a Heth. Mby Efron, wur e Heth, s'akeari de Abraama ne nteang e aman a Heth ti ne nteang e vear ankeankum ayishwi ne epfug e wiya d'en, ndenden: ¹¹ Kaku ve, Nkum eme, ongyugagni me! Ndopea okwun, ndopea mpi mpuy eli neti enagn. Ndopea wog ne vy à aman okiri ome, mfugn odjuu oyie." ¹² Abraama ababa ne nteang e vear okiri enagn. ¹³ Mby atuba nda Efron, ne vy a vear okiri enagn ndenden: "Ongyugagni, ndawigna ya yie, ndopea isuu ekri djwi na okwun onagn, djwi me mpfugn odjuu ome." ¹⁴ Mby Efron wakeara Abraama ndenden: ¹⁵ "Nkum eme, ongyugagni me! Buu e isuu ekri nkama inign eli vim nge ne kati eme ti yie? Mfugn odjuu oyie." ¹⁶ Abraama ajia nge emituba Efron; mby Abraama ayer odzuru ekri emituba Efron ne nteang aman a Heth nkama inign, ekri elekir vear alesar n'ilaga ne nshuu inagn. ¹⁷ Okwun o Efron ne Makpela, doit mbeama na Mamre, okwun onagn ti mpuy ewo neti, ti eshung ankeankum eli n'okwun onagn, ti n'ondii owo ankeankum, ¹⁸ esakum okwun e Abraama, ne vy aman à Heth ti vear ankeankum ayishwi le n'epfug e wiya nde enen. ¹⁹ Ne mby ewo, Abraama s'apfugn nde wear nde Sara ne mpuy okwun o Makpela, soir mbeama na Mamre, eli wog Hébron ne buu e Kanaana. ²⁰ Okwun onagn ti mpuy ewo asawotsuga ko ya Abraama djwi na nkie aluma ande, aviynde wog ya aman a Heth.