¹ Ne mby e vii anagn, nzeam s'atesi nde Abraama, atuba nda Abraama ndenden: "Abraama!" Mby nde akeara: "Mean!" ² Nzeam atuba ndenden: "Vey mon yie emog enagn, etsa yie ndeang enagn, oletsu nkie empeab ne dzug ombimi emog esokaba me." ³ Abraama ayima ne suka-suka, atshung mpuda ende oshing, avey mpi vear ande otshia ape ti mon nde Izaak. Avey ekugn djwi na nkie empeab, mby s'atshinde ne ondii eyokabi Nzeam. ⁴ Eshuu otatu, Abraama asiang vy dzug, ayen ondii owo etey. ⁵ Mby Abraama akaba vear ande otshia ndenden; "Satsugagni nendien ti mpunda, me ti mon onkwo one, siletsu nompign djwi na mfukimina, mby asikea su. ⁶ Abrama avey ekugn djwi n'empeab, apea wog ya mo nde Izaak, mby nde, avara tshiya ti ompien. Watsa ndwong emog wankeape. ⁷ Mby Izaak atuba nda tea nde Abraama ndenden: "Tea me!" Mby nde akeara ndenden: "Mean, mon me! Izaak akeantuba ndenden: "Ndayen tshiya ti ekugn, kansi imeme ili nonkagn djwi n'empeab ewo?" ⁸ Abraama okeara ndenden: "Mon me, Nzeam ndemie asiwong nde imeme iwo djwi n'empeab." S'akien wo wankeape ndwong emog. ⁹ Ntangu emikum wo ne ondii eyokabi Nzeam, Abraama awong kunda, awong ti ekugn. Atshung mon nde Izaak nkori, mby oky ne dzug i kunda, ne dzug ekugn. ¹⁰ Mby Abraama ashima ewuo, avey ompien, djwi na mbag mon nde nking. ¹¹ Mby wanzio e Yaweh avie yim ko dzug olung, ndenden: "Abraama! Abraama!" Akeara ndenden: "Mean!" ¹² Wanzio atuba ndenden: "Oyavanga ewuo eyie ve ne dzug i mon, mpi oyakie ata vim emog ve; djwi ntijia memen atsa yie ndur Nzeam, mpi ottun na mpea me mon yie ve, ko mon yie emog enagn." ¹³ Abraama asiang vy, ayen imeme i wum ne mby ende, ne okwun, atikama ne asig; mby Abraama atsa mvey imeme iwo, s'apinde empeab ne ondii o mon nde. ¹⁴ Abraama apea ondii onagn dzin iwo Jéhovah Jire. Wog enagn etsawo ntuba tii luo ene wuwun: "Ne ombimi e Yaweh wamiwong." ¹⁵ Wanzio e Yaweh akeamvie Abraama mbala ozole yim dzug olung, ¹⁶ ndenden: "Ndasila memie, otuba o Yaweh! N'oshin omikie yie ene, mpi okatun na mpea me mon yie ve, ko mon yie emog enagn, ¹⁷ ayosakumuna me mpi ayopea me aman entsign, kamsi weer ne dzug, kamsi zelo ili n'ikri i nzey; aman ayie mpi ayasawo yia n'epfug e wambeni iwo. ¹⁸ Vear okiri enkeankum ne buu ayavey wo lusakumuna ya aman ayie, djwi otilemfuka n'otuba ome." ¹⁹ Abraama emikeande nkum ondii oli vear ande otshia, s'ayimiwo wankeankum, watsa Beer Shebe. ²⁰ Ne mby e vii anagn, wakaba Abraama wuwun: "Yen, Milka ndean amiwur aman ampeam nda otwung oyie Nashor. ²¹ Mon enteang Uts, mby Buz okwom nde, ti Kamuel tea e Aram, ²² Kesed, Azo, pildash, Jidlaf ti Betuel." ²³ Betuel awur nde Rebeka. Wog anagn, aman ampeam iniani iyiwur Milka nda Nashor, otwung Abraama. ²⁴ Wear nde ozole dzin inde Reuma, awur nde mpi Tebash, Gaam, Taash ti Maaka.