¹ Abraam alim kog, atsa etay e sudi, atsa gneme etitign e Kades ti Shur; akie mpi ivim i nshuu ne Gerar. ² Abraam atubikinde nda Sara ndenden: "Oli nkignam me." Mby Abimelek, nkum e Geraratum vear wakama Sara. ³ Mby Nzeam apwe Abimelek ne ndoy otshuu onkum, ndenden: "Yen, asiwayie djwi n'onkear onkagn emikamayie ene, djwi ali nda wum nde." ⁴ Abimelek mpi ayiwo atovangi mbeama na nde ve, avura ndenden: "Nkum, asidjag yie ata okiri o vear a wuo? ⁵ Epa ndug wur eyinkabi ndenden: 'Ali nkignam me?' Ata onkear ndemie akatuba ndenden : 'Ali nkignam me ompeam? Ntikie n'etura e wuo ti ne mbwo ili kaku ipwo." ⁶ Nzeam okaba ne ndoy ndenden: "Ndajia memen otikie n'etura e wuo, me mpi ntotshung yie mbug djwi okalog ne disumu ne nteang eme. Wog enagn nkapea mbug ve djwi yie okir nde ne djung. ⁷ Opeane, keara onkear onagn ya wum nde, djwi nde, ali ngunsa, asipeande bisamu djwi na yie, mby asiyia yie na luzingu. kansi yug okakeara onkear one ve, jia yeyen asiwa yie, na yie, na vim ayie ankeankum." ⁸ Abimelek ayima ne suka-suka, avie vear ande otshia ankeankum, mby akaba vii abnkum anagn, mpi vear anagn wayug womo entsign. ⁹ Abimelek avie mpi Abraam, atuba nda nde ndenden: "Nge emikie yie djwi na su? Mpi ipwo nge imokie me yie djwi yie ontum ne disumu eninen, ti me, ti vear a buu eme? Otikie vii amog apikug wo nkie ve etay eme." ¹⁰ Mby Abimelek atuba nda Abraam ndenden: "Nginu nge eyiyie na wo djwi na nkie oshin onagn?" ¹¹ Abraam okeara ndenden: "Aletubikime memie memen ne buu ewo ene kaku wo na womo o Nzeam ve, asikug wo ndjag me djwi na wear me. ¹² Nde mpi, e vii-a-vii, ali nkignam me, mon e tea me, kansi apa ali mon e mea me ve, mpi amikum wear me. ¹³ Nzeam ntangu eyintum nde, ndekien etey epivag na evuru e tea me, atubime ma Sara memen: 'yen ngrasia esikieyie ya me, endii enkeankum eletshisu, kaba vear yeyen me ndi nkignam yie.'" ¹⁴ Abimelek s'avey nde wangombe , vear otshia ampeam ti ankear, apea ya Abraam,; okeara mpi ti wear nde Sara. ¹⁵ Abimelek atuba ndenden: "Yen, okiri ome wean ne nteang eyie. tshwag ognemi ondii onkeankum esileang yie." ¹⁶ Mpi atuba nda Sara ndenden: "Yen, mean ndapea ya nkignam yie iwug imog ekri e ewuu, enagn ayayiawo djwi na yie, vim eyadzub vy a vear ali ti yie, ti vear ankeankum ayoyen yie wur e wuo." ¹⁷ Abraam asama Nzeam, mby Nzeam s'avuginde Abimelek, wear nde, ti vear otshia ankear; mby s'akeywo ngwur aman. ¹⁸ Ogniang Yaweh atsug nde ekuba ya vear ankeankum ali ne evuru e Abimelek djwi na Sara, wear Abraam.