¹ Olung na buu ashir wo oshin onagn, ti vim awo ankum. ² Nzeam ashirinde otshia onde eyikinde ne nshuu isom; ne eshuu ishambia, s'ayor nde na etshia eyikinde. ³ Nzeam asakumuni nde esuu ishambia enagn, atsug wog eshuu e santu djwi eli eshuu eyiyor nde n'otshia onde eyikinde vim ankum. ⁴ Yenagni itsin oluung na buu, ntangu eyikii Nzeam. ⁵ Ntangu eyikii Nzeam buu ti oluung, ekayia ata n'imon oshung omog eyike ne buu ve, ata idjiu imog ne evur ekayia ve: djwi Nzeam ayiwo atoteangi ata mvuye emog ne buu ve, ekayia mpi ata na wur emog ve djwi na mfuy vim ne buu. ⁶ Kansi edjinga emog epwe yim ne buu, emwang vay ne buu opfugn. ⁷ Nzeam s'akiinde wur na mfanga i buu, afebe opepe ne mbwom e wur, mby wur s'akum nde na luzingu. ⁸ Mby Yaweh Nzeam, afuy eshung ne opeang o Edeni, etay epwe vuna, mby atsug wur eyikiinde djwi na mpieraka mpiog. ⁹ Yaweh Nzeam s'apur nde eshung eshin na eshin ne buu, intieng eshung yug olir na vy, nsa mpi yug otila; atsug ti oshung o luzingu ne ngnina opeang onagn, ti oshung o njia iwuo na ipwo. ¹⁰ Nzey emog apwikiwo yim opeang e Edeni, epea vay ande ne opeang onagn, yim kog, vay awo epwe empay enign. ¹¹ Ompay onteang dzin iwo Pishom, eli ompay omitshim buu enkum e Havila, ondii oli wolo. ¹² Wolo e buu enagn kaku mbin ve, ne buu enagn eli mpi na Bidelium ti itari i Onikisi. ¹³ Ompay o nzey ozole, dzin iwo Gihon, enagn emitshim buu enkum e Kush. ¹⁴ Dzin ompay otatueli Hidekel; vay ande eyim asiriya, eletsu etay epwe vuna. Ompay oya eli Efrate. ¹⁵ Yaweh Nzeam s'avey nde wur, otsug ne opeang o Edeni djwi afuy, mpi djwi alirike. ¹⁶ Yaweh Nzeam atuba nda wur ndenden: "Asikug yie nda vim ankum ali neti opeang one; ¹⁷ kansi oshung o njia iwuo na ipwo ene, oyala wog ve, djwi, eshuu eyala yie wog, ayawa yie." ¹⁸ Yaweh Nzeam atuba ndenden: "Epa eli wuo ve ompeam ayii ko ndemie, ayokieme wur emuu, ayii oshin omog ti nde. ¹⁹ Yaweh Nzeam avey buu, akie wagnam inkum ili ne okwun ti wamfuru inkum ili ne dzug, ajie wankeankum etay eli wur, djwi na ndir oshin osavie nde, djwi konso vim avey dzin isopea wur. ²⁰ Mby wur s'apinde vn ya wagnam inkum, wamfuru ne dzug ti wagnam ne okwun, kansi wur akayen ata vim emog ve eli kamsi nde, esikug na onsarisa. ²¹ Yaweh Nzeam s'apiinde lwong emog e biu ya wur, wur s'avur nde, Nzeam avey mpaagn inde, akea nzdub itwunu ne ondii onagn. ²² Yaweh Nzeam s'akiinde onkear na epaagn eyivey nde ya wur enagn, ojie etay eli ompeam. ²³ Mby ompeam atuba ndenden: "Yenaka mbala ene, wur eli wuyu e viyu ime, djuung e djuung ime! Ayoviaka me Onkear, djwi opur wo ne kati e ompeam." ²⁴ Wog enagn, ompeam ayalimaka nde ne ondii oli tea nde na mea nde, anabi ti wear nde, mby wakum ko djuung imog. ²⁵ Wum ti wear wakayiaka na ileam ne djuung iwo ve, kansi wakayugaka mpi nsogn ve.