¹ Ntangu emikum na mvwe owua n'iwua, Yaweh apwe nda Abrama, okaba ndenden: "Ndi Nzeam, Nkea biu. Kien ne nteang eme, mpi yia wur emikug. ² Ayakie me alien ame ti yie, ayopura me aman tii kaku nsuka." ³ Abrama alog ne nkuu inde; mby Nzeam s'atubinde nda nde ndenden: ⁴ "Yen alien akieme ti yie. Ayayiayie tea aman entsign ne okiri. ⁵ Wapayovie diaka ve Abrama, kansi dzin iyie ayayiawo Abraam, djwi ntotsug yie tea e vear a ntn i buu entsign. ⁶ Ayakum yie wur eyawur tii kaku nsuka, ayapur me vear okiri entsign ya yie, ti wa vwi ayapwe wo ya yie. ⁷ Ayakieme alien ame ti yie, ti aman ayasawowur ne mby eyie, ndwong na ndwong: enagn ayayiawo alien ali kaku nsuka, enagn ayayiame Nzeam eyie, mpi Nzeam e aman ayasayia mby eyie. ⁸ Okiri epier yie neti ene, ayopeame yie ti aman ayasayia mby eyie, djwi yie, oli kamsi ongingien ne buu enkeankum e Kanaana ene. Ayapeame wog otshwag-otshwag, mby me, ayayiame Nzeam ewo." ⁹ Nzeam atuba nda Abraam ndenden: "Yie, ayasawum yie ko alien ame, yie ti aman aysayia mby eyie, ndwong na ndwong. ¹⁰ Ene alien ame ayawum gnu, djwi na me ti gnu, ti aman ayasayia mby eyie: mon enkeankum e wum, ayobag wo djuung. ¹¹ Ayabagakagnu djuung ignu, enagn, enagn wog kidimu alien ame tie gnu. ¹² Mon ompeam enkeankum esiwur wo, ne nshuu iniani, wofwetw ombag djuung, ne ndwong na ndwong, ata watowur ne evuru, ata mon eyishum wo n'ekri ya ongingien, ata apa ali n'epuy e djuung imog ti yie. ¹³ ofwetw mbagakagni mon emiwur wo n'evuru ti mon emishum wo n'ekri, mby alien ame ayayiakawo ne djuung ignu, ayasawo tsuga otshwag. ¹⁴ Mon ompeam etobag wo djuung, yug wakobag djuung inde ve, ayodjag wo ne kati atwung ande: enagn atipiy alien ame." ¹⁵ Nzeam atuba nda Abraam ndenden: "Wear yie Sarai, opafovie Sarai ve, kansi dzin inde itikum Sara. Ayosakumuna me, mpi ya nde, ayopeame mon ompeam, mpi ayakum nde mea e vear okiri entsign, wa vwi i buu ayapwewo ya nde." ¹⁷ Abraam alogo elung ne buu, ayue two, mby atuba ne etura ende ndenden: 'Wur e mvwe nkama asikug nde ngwur diaka mon ompeam? Sara ko ndean na mvwe owua, asikug nde ngwur?" ¹⁸ Mby Abraam atuba nda Nzeam ndenden: "Oh, Ismael ayii na luzingu ne nteang eyie!" ¹⁹ Nzeam atuba ndenden: "Vii-a-vii, wear yie Sara ayowura nde mon ompeam, ayopea yie dzin inde Izaak. Ayakieme alien ame ti nde, ayayiawo alien otshwag-otshwag, ti ya aman ayayia mby ende. ²⁰ djwi na Ismael, ntivey otuba oyie. Ayosakumuna me, ayawur nde, ayakum wo entsign tii kaku nsuka; ayawur nde aman a vwi djum n'ipe, mby ayakum nde tea aman okiri eninen. ²¹ Ayakiem alien ame ti izaak, sara ayowura nde yie mvwe e mby, ko ne eli su ene." ²² Ntangu emishir nde n'onkaba, Nzeam s'avean nde ne dzug i Abraam. ²³ Abraam s'avey nde mon nde Ismael, vear ankeankum ayiwur wo ne evuru ende, ti vear ayishum nde n'ekri, ampeam ankeankum ne ati e vear ali ne evuru Abraam, mby s'abag nde djuung ko eshuu enagn, oshin eyokabi nzeam na nkie. ²⁴ Abraam ayinde na mvwe owua n'iwua ntangu eyobag wo nde djuung. ²⁵ Mon nde Ismael ayiwo atikug mvwe djum n'isar ntangu eyobag wo djuung. ²⁶ Abraam ti mon nde Ismael abag wo djuung ko eshuu enagn. ²⁷ Ti vear ankeankum ali ne evuru ende, ayiwur wo ne evuru, to ayishum nde n'ekri ya angingien, abag wo djuung ti nde.