¹ Ne mby e vii anagn, otuba o Yaweh eyia ne atii a Abrama ne ndoy, ndenden: "Abrama, oyalur ata vim ve; me, ndi ebaay elodzub yie, mpi ifutu iyie ayayia wo ininen." ² Abrama akeara ndenden: "Nkum Yaweh, vim nge eyampea yie? Mean ndetsu kaku ata mon, oleama-nzo e evuru eme, wur eyasavey eli Eliezer eyim Damasi." ³ Mby Abrama atuba ndenden: "Yenaka, onkampea ata aman ve, ko mon emiwur wo n'evuru eme asavey oleama-nzo eme." ⁴ Mby otuba o Yaweh ekea ntuba ya nde ngean: "Epa ndug wur eyasavey oleama-nzo eyie ve, kansi eli mon yie eyapwe ne ipfugn iyie wur eyasavey oleama-nzo eyie." ⁵ Mby ntangu emopur nde nelien, atuba ndenden: "Lir olung, tanga isuu i weer, yug asikug yie." Mby okaba ndenden: "Ene eli oshin oyayia aman ayie." ⁶ Abrama atsug ekaagn ya Yaweh, mby s'otsug nde wur e wuo eminunga. ⁷ Yaweh okea onkaba ndenden: "Me, ndi Yaweh, eyopur yie ne Urdjwi na ntsa Shaldea, djwi n'ompea buu enagnesakum eyie." ⁸ Abrama akeara ndenden: "Nkum Yaweh, oshin onkagn esijia me memen ayasame vey wog?" ⁹ Mby Yaweh atuba ndenden: "Vey imon i ngombe i mvwe isar, mbur e wear e mvwe isar, imeme i wum e mvwe isar, embengo emog ti imon i nkodima." ¹⁰ Abrama s'avey nde wagnam inagn inkeankum, abag itign ipe ne ngnina, atsug etign emog ekeandir etign emuu, kansi akabag wamfuru inagn ve. ¹¹ Wamfuru itsandaeky wayia nkr n'ondii oli wagnam inagn; Abrama akma. ¹² Ntangu emijie vuna, Abrama avur lwong emog e biu; yenaka womo ti mpib emog e biu eyia onkir. ¹³ Mby Yaweh atuba nda Abrama ndenden: "Jia yeyen aman ayie ayakum wo angingien ne buu emog eyayia epa ewo ve; ayakum wo ampfumi, mpi ayapeakawo mpay tii mvwe nkama inign. ¹⁴ Kansi ayabag me ewu e vear ayavey wo ampfumi enagn, mby ayakeawo mpwe n'otsun entsign. ¹⁵ Mby yie, ne mby eyawung yie gnugn, ayatsa yie etay e atea yie na ngemba. ¹⁶ Aman ayawur wo ne ndwong inign, ayakea wo nendien, djwi ipwo ilekii vear a Amore etokum ne nsuka ewo ve." ¹⁷ Ntangu emijie vuna, mpib emog e biu elog, yenaka, tshiya emog ne akea a tshiya ti edjinga, ti ekb e tshiya epiey, wean eleleg ne ngnina e itign i wagnam iyibag. ¹⁸ Eshuu enagn, Yaweh s'akiinde alien nda Abrama, ndenden: "Ndapea buu ene ya aman ayie, yim ko nzey e Ejipiti tii ko nzey eninen, tii ko nzey e Efrata, ¹⁹ buu e vear a Kene, e vear a Kenizia, e vear a Kadmonia, ²⁰ e vear a Heti, e vear a Ferezi, e vear a Refaim, ²¹ e vear a Amore, e vear a Kanaana, e vear a Girgazia ti e vear a Yebuzia."