¹ Ne ntangu eyii Amrafel ali vwi e Shinear, Arjok, vwi e Elasar, e Kedorlaomer, vi e Elam, ti e Tideal, vwi e Gojim, ² alwiwo mbaagn eshuu ti Bera, vwi e Sodomo, ti Birsha vwi e Gomore, ti Shinab vwi e Adma, ti Shemeber vwi e Tseboim, ti Tsoar vwi e Bela (oviikiwo mpi Zoar). ³ Wankeankum ene wasanga ne obuu e Sidim, eli na nzey okwa. ⁴ Mvwe djum n'ipe, walemfuka ko ya Kedorlaomer, mby ne mvwe djum n'isar, s'kiiwo ote biu. ⁵ Kansi ne mvwe djum n'inign, Kedorlaomer ti wavwi imuu iyii ti nde, wakien, watsa ndjag vear a Refaim ne Ashteroti Karnaim, wadjag vear a Zuzim ne Ham, wadjag vear a Emim ne Shave Kiriyatam, ⁶ ti vear a Hori ne ombimi ewo e Seir, tii ko oshung oninen e Paran eli mbeama na buu e zelo. ⁷ Mby s'akey wo ntshim, wayia ne En-Mishpat, eli wog Kadesi, mby s'adjag wo wa Amalesiti ne buu ewo enkeankum, ti vear a Amore ayiike ne Atsatson Thamar. ⁸ Mby vwi e Sodomo, vwi e Gomore, vwi e Adma,vwi e Tseboim ti vwi e Bela, ndug Tsoar eviewo mpi Zoar), s'ayimiwo wankeankum ne ndwong, yim wear ewuo tii ko wum ewuo, djwi na ngya ntag wo na mbaagn, ne obuu o Sidim. ⁹ Mbaagn iwo ti Kedorlaim vwi e Elam, Tideal vwi e Gojim, Amrafel vwi e Shinear, ti Arjok vwi e Elasar. Etay ene wavwi inign, walua ti wavwi itean. ¹⁰ Obuu o Sidim ayiwo emidzuba na abulu ayitsumikiwo atari a por-por, mby vwi e Sodomo ti e Gomores'akim wo, walog ne abulu anagn, amuu ayisatsuga s'akim wo etay e ombimi. ¹¹ Vear ayinungi s'alimiwo otsun okeankum eyii ne Sodomo ti ne Gomore, ti vim ankeankum ayiwum wo na nda, mby s'akien wo. ¹³ Wur emog eyilur s'ayinde nkaba Abrama, oyuda, eyipierike ne ngnina eshung enen-enen e Mamre, wur e Amoreeyii otwung o Eshkol ti e Aner, akiiwo alien ti Abrama. ¹⁴ Ko ntangu emijia Abrama ndenden watitshung otwung onde, atikum wur e bolog, s'avey nde vear ande otshia a biu, nkama isar na djum n'iniani, iyiwur wo ne evuru ende, apea vign na akwong, wasadjie wavwi inagn tii ko ne Dan. ¹⁵ Atsug vear ande akab-akab djwi watag mbaagn inagn otshuu onkum, nde ti vear ande otshia, wadjag vear anagn, wasadjie ne Shoba, eli ne wear ewuo e Damasi. ¹⁶ Akea n'otsun owo onkum, akea ti otwung onde loti, ti vim ande, ti ankear ti vear ankum. ¹⁷ Ntangu emikea Abrama eminunga nde Kedorlaomer ti wavwi iyii wa nde, vwi e Sodomo ayia nsanga ti nde ne obuu e Shave (etsawo mvie obuu o vwi). ¹⁸ Melshisedeki, vwi e Salem, atum mampa ti veana: ayinde wur epea empeab ya Nzeam eli ne dzug. ¹⁹ Asakumuna Abrama, atuba ndenden: "Nzeam eli ne dzug osakumuni yie Abrama, ndug eli Nkum olung na buu! ²⁰ Nzeam eli ne dzug avey lokumu, ndug emopea yie wambeni iyie ne mbwo iyie!" Mby Abrama s'opiinde ikab imog ne akab djum i vim ande ankeankum. ²¹ Vwi e Sodomo atuba nda Abrama ndenden: "Ompi ko vear, yie savey otsun onkeankum." ²² Abrama akeara nda vwi e Sodomo ndenden: "Ntijir ewuo eme dzug etay e Yaweh, Nzeam eli ne dzug, Nkum olung na buu: ²³ kaku vim eyie emog esivey me ve, kaku ata ifur, ata oshing o antwum ve, djwi okatuba yeyen: 'Ntipea Abrama otsun.' Kaku ata vim emog esivey me ve. ²⁴ Eli vim amila enkwo ene, ti ikab i vim asivey vear amikien me ti wo ene: Aner, Eshkol ti Mamre: wog anagn asivey wo ikab iwo."