¹ Ibwunu i vear a Galatia ane ! Wur nagn emoshingagni ? Oyegnagniwo ne viy agnu oshin oyiwi Yezu Kristu ne kulunsi. ² Nding njia ko vim emog ya gnu: Aviiy gnu Mpeve Santu djwi n'etshia e wansiku to djwi na lukwikilu n'along ayiyug gnu? ³ Olagni ibwunu ngean ? Gnu vear ayibani na Mpeve, olingagni nshira opean n'osugn ? ⁴ Mpay inkum iyiyen gnu ayiwo ko mpama ? - yug vi-a-vii ayiwo kaku mfunu? ⁵ Wur eyopeagni Mpeve mpi eyiki bidimu ne kati egnu akiinde wog ne mbug etshia e nsiku to ne mbug e lukwikilu ? ⁶ Oshin "oyikwikili Abrahama ya Nzeam mpi aviy nde ifutu inde " ⁷ jiagni gnugnun vear akwikila wali aman a Abrahama. ⁸ Masonama etuba wuwun Nzeam ayabag nde ewu e empaagn ne mbug e lukwikilu. Oshwong o wuo one, akabiwo nteang ya Abrahama, wuwun: "Ne mbug eyie, ekiri enkum i buu ayavey wo lusakumunu." ⁹ Wog enagn, vear ali na lukwikilu wavey lusakumunu ondii omog wa Abraham, wur e lukwikilu. ¹⁰ Vear atsug etura ne n'etshia e nsiku wali na nkuu ne djuung iwo, djwi wamifugn wuwun: "Wur enkum epizingi ve oshin oling vii ankum amifugn wo n'onkean o nsiku mpi epikii vii awo ve, ankum anagn wali na nkuu." ¹¹ Opean, eli vi-a-vii, nde Nzeam apayabag ewu e wur emog ve ne mbug onkwon, djwi: "Wur e wuo asizingande ne mbug e lukwikilu. ¹² Onkwon opitsu ngyum ne lukwikilu ve, kansi "Wur elemfuka ne nsiku asizingande na nsiku." ¹³ Kristu akeynde nteshum ne nkuu i nsiku ntangu eyikum nde ndemie nkuu djwi na su, djwi wamifugn ngean: "Wur emilerwo ne mpagn oshung ali na nkuu ne djuung inde". ¹⁴ Itsin i djwi ili nde lusakumunu eyi ya Abrahama ekum ko etay empaagn ne mbug e yezu Kristu, djwi su siyii n'oshin o mvea, ne mbug e lukwikilu, Mpeve Santu eyitubi Nzeam. ¹⁵ Atwung ame, seangagni ntubi kamsi oshin otsantuba vear. Oshin omog na alien atsankie vear kamsi ekiewo ne nsiku, kaku wur emog ve esikug ndjag elag e Nzeam to mpi ngyika djwi imog neti. ¹⁶ Opean ilaga apiiwo ya Abrahama ti wur eyosokr. Wakatuba ve wuwun, "ti vear ayosokr nde", kamsi djwi na nkab wuwun eli vear entsign, kansi atubiwo "ti wur eyosokr yie", wur ewo eyosokr eli Kristu. ¹⁷ Djwi iling me ntuba eli ngean: alien ayikii Nzeam nteang, nsiku iyisayia ne mby i mvwe nkam inign n'osar epikug ndjag wog ve. ¹⁸ Djwi yug oleama-nzo etoyum ne nsiku, oleama-nzo ewo epanafiyiaka ne mbug elag e Nzeam ve. Kansi Nzeam apinde Abrahama oleama-nzo ewo ne mbug elag. ¹⁹ Mby nsiku mfunu ewo nge ? Nzeam ayikinde nsiku djwi na nkolama tii ko ntangu eyayia wur eyasakr Abrahama, ya wur eyasakr enagn, Nzeam s'apiinde elaga. Banzio vear ayipeagn nsiku iwo ne kati e vear ya wur eyii ntiegn ne kati ewo. ²⁰ Kansi ntiegn ap'ali ko djwi na wur emog ve, kansi Nzeam ali ko emog. ²¹ Nsiku ipileang ilaga i Nzeam ve ? Ep'eli ngwign ata fioti ve! Djwi yug apiwo nsiku esikug mpea luzingu, masonga anafwetewo ngyum ko ne mbug e nsiku. ²² Kansi Masonama emitshung vim ankum ko ne ngie e masumu. Wog enagn, Nzeam s'apiinde ya vear adjir elaga e ntevuga ne lukwikilu ya Yezu Kristu. ²³ Kansi lukwikilu ya Kristu na ntoyia, ayisu nteang ngitshung mpi ngizuba ne kati e nsiku tii ntangu emiteyegne wo lukwikilu. ²⁴ Wog enagn, nsiku emikum vim eletewum tii ko ntangu eyayia Kristu, djwi n'oshin onagn watebagi ewu ne lukwikilu. ²⁵ Kansi opean, ntangu emiyia lukwikilu, epa sili diaka ne ngie e vim eletewum ve. ²⁶ Djwi olagni gnankum aman a Nzeam ne lukwikilu egnu ya Yezu Kristu. ²⁷ Gnu gnankum eyivey mbotika ne dzin i Kristu, omilweragni Kristu ne djuung. ²⁸ Kaku diaka oyuda ve, kaku diaka ogreki ve, kaku diaka ampfumi, kaku ankea buu, kaku ompeam, kaku onkear, olagni gnankum wur emog ne kati e Kristu. ²⁹ Yug olagni gna Kristu, olagni vear amisakr Abrahama, vear ayasavey oleama-nzo oshin ekab elaga e Nzeam.