¹ Ne mby i mvwe djum n'inign, akeyme ntsa diaka Yeruzalem ti Barnabasi, mvara mpi na Tito. ² Atsime Yeruzalem djwi, ne mpeve, Nzeam ankabinde na ntsa mpiug. Atendulime wog along atsame ndong ne kati empaagn. Asulikime n'ikiri ma vear ayii ankum a mvuru i Nzeam iwo. Djwi alelurikime nkakie otshia o mpama. ³ Kansi ata Tito, eyike nda me mpi eyii Greki, wakaling ombag djuung na biuu ve. ⁴ Atwung apwo ayiwo etay esu n'oziy djwi na ndir oshin oyikikisu otshia o Kristu. Alingikiwo sikum ampfum onkwon. ⁵ Sikaleang ngyug vii awo ve djwi along a Nzeam ayilong su asatsiga k'oshin omog etay egnu. ⁶ Kansi vear ayitekabike wuwun wali ankum a mvuru i Nzeam wakantum na nkie ata vim emog ve. Ayikiwo wanagn nteang, enagn empindir me ve. Nzeam apitsu ngya n'ontshey ve. ⁷ Ajirwo wuwun Nzeam antumnde djwi na ndong empaagn, kamsi Petelo eyitum nde ndong waYuda. ⁸ Djwi ko Nzeam emog eyikii ne kati e Petelo djwi n'otshia onde o ntumwa djwi na waYuda, ko ndug Nzeam enagn alekii ne kati eme djwi n'empaagn. ⁹ Ntangu emijiawo ngrasia e Nzeam eli ne kati eme, Jaki, Petelo ti Yoani, wo vear ali atag a wantumwa s'atepiwo wum ewuo, Barnabasi ti me. Djwi na nkab wuwun watijir sikii otshia ondii omog, su sitsu etay empaagn, wo etay e waYuda. ¹⁰ Atewigniwo ko na nkwon ndjing emva, enagn eli vim emizigame na nkie. ¹¹ Kansi ntangu eyikum Sefasi ne Antioshi, atun me vii ande ne viy a vear djwi akiinde ipwo. ¹² Ntangu eyii vear ayitum Jaki watokum ve, Petelo alikinde ondii omog ti empaagn. Kansi ntangu emikum vear anagn, anam nda wo, akum n'ikri, djwi na ndur waYuda. ¹³ Mpi ikab imuu i waYuda s'akum wo ndjie epier oyang e Sefasi. ¹⁴ Ntangu emiyen me memen akristu anagn wapikien diaka ne mbug along a Nzeam ve, s'atubime ma Sefasi ne viy a vear ankum memen: "Yug yie oli oyuda, olepier kamsi ompaagn, epa kamsi oyuda ve, oshin nge esitum yie ompaagn na biu djwi wazingi kamsi waYuda ? " ¹⁵ Su semie vear ali waYuda yum k'eyitewurwo mpi epa eli empaagn e masumu ve, ¹⁶ sijia susun kaku wur eyabag wo ewu djwi n'etshia onkwon ve, kansi ayabag wo ewu djwi na lukwikilu ya Yezu Kristu. Su ko, ayisu na lukwikilu ya Yezu Kristu djwi watebag ewu ne mbug e lukwikilu ya Yezu Kristu kansi epa ne mbug etshia e nsiku ve. ¹⁷ Kansi yug ntangu eleling su Nzeam djwi atenungisi ne dzin i Kristu, sili su semie vear a masumu, Kristu asikum nde wur esarisa vear na nkie masumu ? Epa ngwign ata fyoti ve ! ¹⁸ Mpama ve, yug ndakea nkeara vii a nsiku ayitun me, asikum me memie wur emilog ne nsiku. ¹⁹ Ne mbug e nsiku, ndi ngiwa djwi na nsiku, mby nzingi djwi na Nzeam. ²⁰ Ankwog wo ne kulunsi ti Kristu. Epa diaka me wur ezinga ve, kansi Kristu wur ezinga ne kati eme. Luzingu ezingame opean n'osugn, ngyazinga na lukwikilu ya Mon e Nzeam eyindeang mpi eyipii djuung inde djwi na me. ²¹ Epa ntun ngrasia e Nzeam ve, djwi yug masonga eyi ne kati e nsiku, enagn Kristu anayiawo awinde ko mpama !