¹ Yaweh akeara Moize ndenden: "Ntabgu ene asiyen yie vim esikieme Faraon. Asiyen yie, na ewuo eme e biu ene, asasianga nde. na ewuo eme e biu ene, asakma nde ngikma wapwi ne wiya nde." ² Nzeam akea ntuba nda Moize ndenden: "Ndi Yaeh. ³ Apwime ne vy a Abraama, Izaak ti Yakob, ayegni me memen ndi Nzeam e biu, kansi nkaakab ve memen dzin ime Yaweh. ⁴ Akiime alien ti wo, atubi me memen ayapea me buu e Kanaana, ondii oyipieriki wo kamsi angingien. ⁵ Opeane, ntiyug iluu i aman a Israel, oshin oleliyi wo, oshin olapi wo mpay, emikum wo ampfum a vear a Ejipiti, mpi ndekani alien ame ti wo. ⁶ Mby, kaba wo ngean: 'Me, ndi Yaweh. Asolimagni me ne etshia e biu-biu ti ne ampfum a vear a Ejipiti. Asayegne me biu ome mpi asapea me ndola eninen, mby opafiyiagni ampfum ve. ⁷ Asoveyagni me memie kamsi vear ame, mpi asiyia me Nzeam egnu. Asijiagnu gnugnun ndi Yaweh, Nzeam egnuemolimagni na ngya ampfum a vear a Ejipiti. ⁸ Asoshweragni me ne buu eyisili me na mpea ya Abraama, ti Izaak ti Yakob. Mug Yaweh, ayopeagni me wog otshwag.'" ⁹ Moize akaba aman a Israel vii awo, kansi wo, wakaleang ngyug vii ande ve, djwi ayiwo watilem na mpay. ¹⁰ Mby Yaweh atuba nda moize ndenden: ¹¹ "Tshwag okabi Faraon, vwi e Ejipiti, asiangi aman a Israelwalim ne buu ende." ¹² Moize atuba nda Yaweh ndenden: "Yug aman a Israel wakangyug me ve, mby esinguyg me ko Faraon, mug wur eli na inkuma?" ¹³ Yaweh atubinde nda Moize ti Aaron ndenden atatum djwi Faraon, nkum e Ejipiti, apur aman a Israel ne Ejipiti. ¹⁴ Ane andundu awo ayiwur wo, eli na vn a okuu owo: Aman a Ruben, aman a nteang a Israel, ayiwo, Hanok, Palu, Hesrom ti Karmi. Ane andudnu ayipwi ne okuu o Ruben. ¹⁵ Aman a Simeon ayiwo, Yemuel, Yamin, Ohad, Yakim, Zohar, ti Shaul mon eyiyur nde ti onkear o Kanaana. Ane andundu ayipwi ne okuu o Simeon. ¹⁶ Ene ndwong aman a Levi ti aman ayisapwe ne okuu onde. Ayiwo: Gershom, Keath, ti Merari. Levi apier nde ne buu mvwe nkama emog na osar na ishambia. ¹⁷ Aman a Gershom ayiwo: Libni ti Shimei. ¹⁸ Aman a Keath ayiwo: Amram, Izhar, Hebron ti Uziel. Keath apier nde ne buu mvwe nkama emog na osar na isar. ¹⁹ Aman a Merari ayiwo: Mali ti Mushi. Ane wog andundu ayipwi ne okuu o Levi, wankum ti ankean awo. ²⁰ Amram atsug ndenkignam e tea nde Yokobed, eyowuri Aaron ti Moize. Amram apier nde ne buu mvwe nkama emog na osar na ishambia, mby s'awinde. ²¹ Aman a Izhar ayiwo: Kora, Nefeg ti Zikri. ²² Aman a Uziel ayiwo: Mishael, Elzafan ti Sitri. ²³ Aaron atsug nde Elisheba, mon e Aminadab mpi nkignam e Nashon.Elisheba awur nde nda Aaron aman anign: Nadab, Abiu, Eleazar ti Itamar. ²⁴ Aman a Korah ayiwo: Asir, Elkana ti Abiasaf. Ane wog andundu ayipwi ne okuu o Kora. ²⁵ Eleazar eyi mon e Aaron atsug nde mon e Pitiel. Onkear one awurinde Eleazar mon dzin inde Fineas. Ane wog andundu ayipwi ne okuu o aman a Levi, wankum ti ankean awo. ²⁶ Moize ti Aaron, wankeape ayitum Yaweh ndenden: Puragni aman a Israel ne buu e Ejipiti, okuu na okuu na ndwong ewo." ²⁷ Aaron ti Moize watuba wa Faraon, nkum e Ejipiti, na mpea wo mbug wapur aman a Israel ne Ejipiti. Moize ti Aaron ayiwo ko oshin omog. ²⁸ Ne Ejipiti, Yaweh atubinde nda Moize ndenden: ²⁹ "Me, ndi Yaweh, tshwag okabi vwi e Ejipiti vii ankum amituba me ma yie." ³⁰ Kansi Moize akeara ndenden: "Mpijia ntuba ve, oshin onkagn Faraon asingyug nde me?"