¹ Na ileam iyi na atono a bule, a kwi, s'atiyiwo ileam djwi na vear akie otshia ne evuru e santu, mby wakie ileam imisakumuna wo djwi na Aaron, oshin oyitubi yaweh nda Moize na nkie. ² Wakie eleam e nking e wolo, oshing o bule ti e kwi, ti marikagn. ³ Washima eleam e nking e wolo mby s'abag wo ne eshing, washwer eshing ewo ne ileam ili na atono a bule, akwi ti i marikagn; watiye wog na mbwo ⁴ Watsug wampete ne nseam apag, mby mpete iwo, ita yim nsuka ti nsuka. ⁵ Akiwo okaba ko oshin omog ti eleam e nking, watsug wog ne dzug i eleam e nking. Okaba ayiwo na wolo, na oshing o bule, e kwi ti e marikagn, ko oshin oyitubi Yaweh nda Moize na nkie. ⁶ Wadjing wog na wolo, na atari a onikisi, ne dzug iwo, wafugn vn a aman Israel, kamsi etsawo mbeam tampo. ⁷ Watsug wog ne mpete ne eleam e nking enagn djwi na nkanaka aman Israel, oshin oyitubi Yaweh nda Moize na nkie. ⁸ Wakie eleam e ndwer ne ebimi, watiye na mbwo, oshin omog ti eleam a nking, na wolo, na oshing o bule, e kwi ti marikagn. ⁹ Otey ti onen ewo ko oshin omog. Akiwo eleam e ndwer ne ebimi ipe: otey ewo kamsi ikagn ewuo, onen ewo mpi kamsi ikagn ewuo; ayiwo ipe. ¹⁰ Wadzub na atari ndwong inign; olwong o nteang, sardoine emog, topaze emog, emerode emog. ¹¹ Olwong ozole; eskarbukele emog, safir emog, diama emog; ¹² olwong otatu; opale emog, agate emog, ametiste emog; ¹³ olwong oya; krizolite emog, onikisi emog, jaspe emog. Atari ane ayiwo ngishwer ne ebaay ewo e wolo. ¹⁴ Atari awo ayiwo djum na ipe, ne isuu i vn aman Israel. Ayiwo ngibeam kamsi tampo, emog na emog na dzin i okwo emog ne ekwo djum na ipe. ¹⁵ Ne dzug eleam e ebimi enagn, Wakie eman ayag a wolo eli kaku mbin, emitwung wo kamsi oshing. ¹⁶ Wakie kadrema ipe i wolo ti akwiy ape a wolo, mby watsug akwiy ankeapene eleam e ebimi, ne nsuka na nsuka. ¹⁷ Watsug eshing enkeape e wolo ne akwiy ankeape ili ne eleam e ebimi; ¹⁸ esuka ne nsor eshing enkeape eli ne kadrema ipe emitsug wo ne mpete ili ne eleam e ebimi. ¹⁹ Wakie ayag ape amuu a wolo, watsug wog ne nsuka na nsuka e eleam e ebimi, ne opim oli neti, eli mbeama na eleam e ebimi. ²⁰ Wakie akwiy ape amuu a wolo eyitsug wo ne ngie i mpete i nseam apag, mbeama na ikuu, ne dzug i okaba e eleam e nking enagn. ²¹ Watshung eleam e ebimi ne akwiy a eleam e nking enagn ti okuo o bule, djwi eleam e ebimi eleg ne dzug i okaba, ekwon naam na eleam e nking, oshin oyitubi Yaweh nda moize na nkie. ²² Wakie olobo, atiyiwo enkeankum na eleam e bule. ²³ Ne ngnina olobo enagn, ayiwo na ondii o ngama djwi na nshwer ote. Itwunu inagn ayiwo na opim owo emidjing, djwi olobo onagn ekwon ngyay. ²⁴ Ne opim e olobo onagn, watsug wambeam i bule, i kwi ti i marikagn. ²⁵ Wakie wangele-ngele na wolo, mby watsug ngele-ngele inagn ne ngnina i mbeam inagn: ²⁶ ngele-ngele emog ti ebeam emog, ngele-ngele emog ti ebeam emog, ngidjing ne opim o olobo, djwi na nkie otshia na wo, oshin oyitubi Yaweh nda Moize na nkie. ²⁷ Wakie kazag na marikagn, atiyiwo djwi na Aaron ti aman ande; ²⁸ impu i marikagn, ti ampu a nsor-nsor na marikagn djwi walwer, ti eman e kupe ilwer wo neti, na marikagn; ²⁹ okaba o marikagn, ne opim owo, na eshing e bule, e kwi, oshin oyitubi Yaweh nda Moize na nkie. ³⁰ Wakie ipaag na wolo eli kaku mbin, "e santu djwi na Yaweh", wafugn neti, kamsi etsawo mbeam tampo: "Osantu ya Yaweh." ³¹ Watshung wog na oshing o bule na impu, ne dzug, oshin oyitubi Yaweh nda Moize na nkie. ³² Enagn oshin oyishiriwo etshia enkeankum e tabenakulu, evuru e santu. Aman Israel akiwo inkum iyitubi Yaweh nda moize, wakie mpi ko oshin onagn. ³³ Wajie tabenakulu enag ya Moize: evuru e kapo ti vim ankeankum ayiki neti, entshway, abaya, etandala, ataga, ti ibaay; ³⁴ mbulanketi e epuy ameme, na atono a kwi, mbulanketi e epuy e dofe, ti eleam emibag wo ntn; ³⁵ sanduku e ntiegn ti etandala ewo, ti ondii o ndima mbin; ³⁶ mesa, wampuug inkum, ti mampa imbag itign-itign; ³⁷ mwinda e wolo eli kaku mbin, mwinda inkeankum, mwinda imiwong wo, wampuug iwo, ti vir a mwinda; ³⁸ kunda e wolo, vir a lusakumuna, ti ananagn a nsuu, ti eleam emidzub wo ne mbwung e evuru e kapo; ³⁹ kunda e ewuu, epfug ewo e ewuu, etandala ewo, ti wampuug iwo, mpuug eninen ti ebaay ewo e ngie. ⁴⁰ Eshing e eleam e nteang e evuru e sntu, ataga awo, ibaay iwo, ti eleam emidzub wo ne epfug e nteang e evuru, esing ewo, entshway ewo, ti wampuug inkeankum djwi na etshia e tabenakulu, djwi na evuru e kapo, ne ondii o nkwung. ⁴¹ Ileam otshia djwi na ondii o santu, ileam i lusakumuna djwi na Aaron wur ekie empea, ti ileam aman ande djwi na otshia o nganga-Nzambi. ⁴² Aman Israel akiwo etshia ene enkeankum, alaniwo ko oshin oyitubi Yaweh nda Moize na nkie. ⁴³ Moize alir otshia onagn enkeankum, ayen watikie ko oshin oyitubi Yaweh na nkie, akiwo ko oshin onagn. Mby Moize s'asakumuninde wo.