¹ Betisalele akie sandukuabaya na oshung o akazia; otey ewo ayiwo metelo emog na ndamu, onen ewo mbeama na metelo emog. ² Adzub wog na wolo, ti neti, ti nelien, mby ne nsuka ewo, adjing wog na wolo. ³ Akie entshway e wolo inign, atsug wog ne akwuu ankeanign; entshway epe ne wog emog, entshway epe ne wog emuu. ⁴ Akie etandala na oshung o akazia, mby adzub wog na wolo. ⁵ Ashwer etandala enagn ne entshway enagn, ti ne akwuu a sanduku djwi na mvara wog. ⁶ Akie ondii ondima mbin na wolo, otey ewo ayiwo metelo emog na ndamu mby onen ewo mbeama na metelo emog. ⁷ Betisalele akie banzio ipe iviewo wa Seribe na wolo, wolo eyitsug nde ne tshiya, ne nsuka inkeape ne ondii o ndima mbin; ⁸ Seribe emog ne nsuka emog, Seribe emuu ne nsuka emuu. Akie wa Seribe ilepwi ne ondii o ndima mbin ne nsuka inkeape. ⁹ Wa Seribe watishima apab awo dzug ne ondii o ndima mbin, mby walira wog na wog. Ilung iwo wakea ndir etay eli ondii o ndima mbin. ¹⁰ Akie mesa na oshung o akazia, otey ewo ayiwo metelo emog, onen ewo ayiwo kati-kati e metelo emog, mby odzeang owo ayiwo mbeama na metelo emog. ¹¹ Adzub wog na wolo eli kaku mbin, mpi atsug opim owo, adjing wog na wolo. ¹² Atsug ne nsuka ewo opim empign inign, ne dzug iwo, s'adjing nde wog na opim o wolo. ¹³ Akie entshway inign i wolo djwi na mesa ne akwuu ankeanign, akwuu ayiwo ne nkwu inkeanign i mesa. ¹⁴ Entshway ewo ayiwo mbeama na opim, mby etandala ashwiki wo neti djwi na mvara mesa. ¹⁵ Akie etandala na eshung e akazia, mpi adzub wog na wolo, enagn djwi na mvara mesa. ¹⁶ Akie wampuug ifwete wo ntsug ne dzug i mesa, alongo, wansom walutu ti akob djwi na mwang veana na wo; akinde wog na wolo eli kaku mbin. ¹⁷ Akie mwinda na wolo eli kaku mbin, akie mwinda na wolo e ngibuye, ekuu ewo mgie, otimi ewo, atab awo, momo iwo ti bintuntu iwo ayiwo ko vim emog. ¹⁸ Epwe ne empagn ewo atab asom, ompagn one atab asar, ompagn omuu atab asar mpi. ¹⁹ Ne itab imog ayiwo na mbeam isar kamsi wunu, ti wamomo na bintuntu ; mpi ne itab imuu, mbeam isar kamsi wunu, ti wamomo na bintuntu; ne atab ankeasom ayipwi ne mwinda, ayiwo ko oshin omog. ²⁰ Ne otimi e mwinda, ayiwo na mbeam inign kamsi wunu, na momo iwo ti bintuntu iwo. ²¹ Ayiwo na momo emog ne ngie atab ape amipwe, momo emog mpi ne ngie atab ape amuu. Ne atab ankeasom ayipwi ne mwinda, ayiwo ko oshin omog. ²² Wamomo ti atab a mwinda ayiwo ko vim emog; ayiwo enkeankum ko wolo eli kaku mbin, ti wolo e ngibuye. ²³ Akie wamwinda iwo ishambia, akob awo ti alongo awo, i wolo eli kaku mbin. ²⁴ Avey ikutu imog i wolo eli kaku mbin, djwi na nkie mwinda ti wampuug iwo inkeankum. ²⁵ Akie kunda e ananagn a nsuuna eshung e akazia, otey ewo ti onen ewo ayiwo ko oshin omog woog inkeanign, ayiwo kati-kati e metelo emog. Asig apwikiwo ne kunda. ²⁶ Adzub wog na wolo eli kaku mbin, dzug iwo ti empagn ewo enkeankum, ti asig, mby akie opim owo, adjing na wolo eli kaku mbin. ²⁷ Ne ngie opim owo, akie entshway epe e wolo ne empagn epe, atsug wog empagn enkeape djwi na nshwer etandala e mvara wog. ²⁸ Akie etandala na eshung e akazia, mby s'adzub nde wog na wolo. ²⁹ Akie vir djwi na lusakumuna e santu, ti ananagn a nsuu, eli kaku mbin, oshin oyikike wur etsankie ananagn a nsuu.