¹ Betisalele, Oholiab ti vear ankeankum ayikug, ayipii Yaweh ntiegn ti waagn djwi na njia ti na nkie, s'akiwo etshia enagn ne evuru e santu, inkeankum ko oshin oyitum Yaweh." ² Moize avie Betisalele, Oholiab ti vear ankeankum ayikug, eyitsug Yaweh waagn ne entwong ewo, ankeankum ayileang ne itura iwo na nkie etshia enagn. ³ Ne nteang e Moize, s'avey wo makabu inkum iyiji aman Israel djwi na nkie etshia ne evur e santu. Akeyikiwo njie makabu konso suka ne nteang e Moize, na luzolo ewo. ⁴ Mby vear ankeankum akug anagn, emiyen wo etshia e evuru e santu etilega biu, walim wur na wur ne ondii okiende otshia; ⁵ s'ayiwo ntuba wa Moize wuwun: "Vim amijie vear na nkie etshia na wo etishuna ne oshin oyitubi Yaweh na nkie." ⁶ Moize s'along nde ne ntn, mby kaku ata omleam yo onkear eyifipeaka makabu ve djwi na evuru e santu. S'atshung nde mbug djwi na vear wakwon mpea makabu. ⁷ Vim ankeankum ayiwong wo, akug wo, mpi ashuni wo, djwi na etshia enkeankum. ⁸ Vear ankeankum ayikug, ayikike etshia enagn, s'akiwo tabenakulu na wa tapi djum na ileam i marikagn, na eshing e bule ti e kwi-kwi, watsug na ignignig i banzio iviewo wa Seribe, ne oshin oyikiwo na mbwo. ⁹ Otey e tapi emog ayiwo metelo djum na inign, mby onene o tapi emog ayiwo metelo ipe; watapi inkum ayerikiwo ko oshin omog. ¹⁰ Abeam wo watapi inagn, itean etay emog, itean etay emuu. ¹¹ Watshung eshing e bule ne opim o watapi ili ne ikab i nteang, wakie oshin omog mpi ne ikab ozole. ¹² Watsug eshing otean ne opim o tapi e nteang, eshing otean mpi ne opim o tapi e nsukaeli ne ikab ozole; eshing ewo ayiwo ko oshin omog. ¹³ Wakie entshway e wolo otean djwi na mbeam watapi, s'abeamikiwo tapi emog ti emuu na entshway enagn. Mby tabenakulu enkum s'akum wo ko vim emog. ¹⁴ Wakie watapi na viey i mbur djwi na nkie evuru e kapo ne tabenakulu. Akiwo djum na emog. ¹⁵ Otey e tapi emog ayiwo metelo djum na itean, mby onen e tapi emog ayiwo metelo ipe. Watapi inkea djum na omog ayerikiwo ko oshin omog. ¹⁶ S'abeam wo itean etay emog, isom etay emuu. ¹⁷ Watsug eshing otean ne tapi e nsuka ne ikab i nteang, eshing otean ne tapi ontete ne ikab ozole. ¹⁸ Wakie entshway e mbeam na iwuu, djwi na ntsug ne evuru e kapo, mby evuru e kapo ekum ko vim emog. ¹⁹ Djwi na evuru e kapo, wakie otwon na mpuy ameme a wum ili na atono a kwi, ti otwon emuu na mpuy i dofe, efwete wo ntsug ne dzug iwo. ²⁰ Wakie abaya djwi na tabenakulu, akiwo na oshung o akazia, atsug wo ngiyima. ²¹ Otey o ibaya imog ayiwo ngnina e metelo emog na ndamu. ²² Konso ibaya ayikiwo na endii epe e nkir, emog eta na emuu; abaya ankeankum a tabenakulu akiwo ko oshin omog. ²³ Akiwo abaya omab djwi na woog e sudi e tabenakulu. ²⁴ Atsug wo ibaay i ngie onign, akiwo na etiempar, ne ngie abaya anagn, ibaay ipe-ipe ne ngie e konso ibaya, djwi na endii epe ekir enagn. ²⁵ Wakie abaya omab djwi na woog emuu ozole, etay e nordi, ²⁶ ti ibaay iwo onign, akiwo na etiempar, ibaay ipe-ipe djwi na ibaya imog ²⁷ Wakie abaya asom djwi na ntsug ne nsuka e tabenakulu, etay elog vuna. ²⁸ Wakie abaya ape djwi na akwuu a tabenakulu, ne nsuka. ²⁹ Ayiwo abaya ape ngibeam, yim ngie tii dzug, ngitshung. Wakie oshin omog djwi na akwuu ankeape. ³⁰ Ayiwo abaya iniani, na ibaay iwo etiempar; inkum ayiwo ibaay djum naisom; ibaay ipe djwi na ibaya imog. ³¹ Wakie etandala itan na oshung o akazia, djwi na abaya a woog emuu e tabenakulu, ³² etandala itean djwi na abaya a woog ozole e tabenakulu, mpi etandala itean djwi na abaya a wog e tabenakulu epea mby etay elog vuna. ³³ Wakie otandala ne ngnina djwi ekir etandala imuu yim woog emog ekum woog emuu. ³⁴ Watsug wolo ne abaya anagn, mpi entshway ewo akiwo na wolo djwi ekir etandala; mby wadzub etandala na wolo. ³⁵ Wakie ileam na eshing e bule ti e kwi-kwi, ti ileam i marikagn, wawong ntwung wog na mbwo, mby watsug ignignig i banzio iviewo wa Seribe. ³⁶ Wakie atagaanign djwi na eleam enagn, wadzub wog na wolo. Ayiwo na wantshob i wolo, mpi watsug ibaay inign na etiempar. ³⁷ Ne mbwung evuru e kapo, wakie eleam emog eyidzub wo, na eshing e bule, e kwi, ti eleam e marikagn. Enagn eli etshia eyikiwo na mbwo. ³⁸ Wakie ataga atean ti wantshob iwo, mby wadzub wog na wolo, ti ne akwuu awo; ibaay iwo inkeatean ayiwo na iwuu.