¹ Ntangu emiyen wo Moize atiyia etean na nkra ombimi, wayia ndjing Aaron, wuwun: "Tey, oteki nzeam emog esikienaka ne nteang esu, djwi wur eviewo Moize ene, eyitepur ne Ejipiti, sipijia ve oshin omokum nde." ² Aaron atuba nda wo ndenden: "Limagni ayag a wolo ne atii a aveari agnu, ti aman agnu ampeam, ti aman agnu ankear, onjiagni wog." ³ Wo mpi, walima ayag a wolo ayike ne atii awo, watsa mpea ya Aaron. ⁴ Avey wog ne mbwo iwo, atwomo ne mpuug e tshiya, ekiye, mby s'akiwo imon i ngombe . Mby watuba wuwun: "Israel, yen nzeam eyie eyopur ne buu e Ejipiti !" ⁵ Aaron ntangu emiyen nde oshin onagn, atwung kunda ne nteang ende, adzama olie na biu ndenden: "Nampign ayayia su na okina djwi na lokumu e Yaweh !" ⁶ Mpimpign enagn, wabiy ne lii-lii, wakie empeab, wadjag wagnam djwi na nkeara nsag-na-vie. Vear wagneme, wala, mpi wagnua, mby s'ayimiwo s'akien wo. ⁷ Yaweh atuba nda Moize ndenden: "Tshwag, kra, djwi vear ayipur yie ne buu e Ejipiti, watilog ne masumu. ⁸ Watikagn naam eveang na mbug eyalag me: watikie imon i ngombe e wolo, wale kr abong ne nteang ende, watokie empeab, watuba wuwun: 'Israel, yen nzeam eyie eyopur ne buu e Ejipiti !'" ⁹ Yaweh atuba nda Moize ndenden: "Ndayen vear ane wali na isur ne nking. ¹⁰ Opeane, onsiangi, nkier ime asilog wo ya wo mpi asabwo me tshiya, kansi yie, ayopura me yie vear entsign ne okuu oyie. ¹¹ Moize aleama Yaweh, Nzeam ende, ndenden: "O Yaweh, Djwi na nge nkier iyie ifwete ndog ne dzug i vear ayie ayipur yie ne buu e Ejipiti na biu eyie mpi ne ewuo eyie e biu? ¹² Djwi na nge eleang yie vear a Ejipiti watubi wuwun: 'Nde, apur nde vear anagn djwi atsu adjag ne ombimi, djwi ashiri vear ande anagn ne buu? Keya nkier iyie mpi tshima etura na vii apwuo aling yie nkie ya vear ayie. ¹³ Kea nkana Abraama, Izaaka ti Israel, vear ayie otshia, yie yemie asili yie, atubi yie ya wo yeyen: 'Ayasianga me aman agnu wakum entsign kamsi weer ne olung, ayapeame ya aman agnu buu ene enkum eyitubi me, mpi ayasawo pier neti otshwag-otshwag.'" ¹⁴ Mby Yaweh s'atshimi nde etura na ipwo inakie nde ya vear ande. ¹⁵ Moize s'akey nde, akra ne ombimi, ti wamesa i ntiegn inkeape ne mbwo inde. Mesa inkeape wamifugn etay inkeape, wamifugn na etay, na etay. ¹⁶ Wamesa inagn ayiwo Nzeam wur eyikii, ata vii amifugn wo neti, eli Nzeam wur eyifugn ne dzug i mesa inagn. ¹⁷ Yozue ayug elie etsug vear anagn, mby akaba Moize ndenden: "Ntiyug olie e mbaagn ne ntn esu." ¹⁸ Moize okeara ndenden: "Epa olie e vear aminunga ne mbaagn ve, epa mpi olie e vear amivea ekwa ne mbaagn ve: eyug me ene, eli otuba o vear ashuwe lim." ¹⁹ Ntangu elevangi nde mbeama na ntn, ayen imon i ngombe ti vear wakagn. Moize ayug nkier, afanga wamesa iyi ne mbwo inde ne ngie ombimi, mesa iwo imog. ²⁰ Avey imon i ngombe iyikiwo enagn, s'atwomi nde ne tshiya. Ekiye enkeankum, s'atwomi nde wog ne mbing e vay, bmy apea aman Israel vay anagn wagnua. ²¹ Moize atuba nda Aaron ndenden: "Nge emokie vear ane djwi osiangi wakii disumu eninen oshin one?" ²² Aaron akeara ndenden: "Oli nkum eme, oyatotsug nkier ve! Ojia yemie yeyen vear ane wali na vii apwo. ²³ Eli wog vear ayitubi wa me wuwun: 'Otekii nzeam elekien ne nteang esu, djwi Moize ene, eyitepur ne buu e Ejipiti, sipijia ve oshin omokum nde' . ²⁴ Mby s'atubime ma wo memen: 'Vear ankeankum ali na wolo, waye na wo.' Mby wampea wog, s'atwomi me ne tshiya, mby imon i ngombe ine s'apwiwo." ²⁵ Moize ayen ndenden vear wali na vii apwo, mpi Aaron atasianga na nkie ipwo inagn, atasianga wo ne mbwo i wambeni inde ²⁶ Moize s'ayimi nde ne epfug e nshwe ne ntn epier wo, atuba ndenden: "Vear ankum aleang Yaweh, waye etay eli me." Mby aman ankum a okuu o Levi s'ayiwo mbeama na nde. ²⁷ Akaba ndenden: "Yaweh Nzeam Israel atuba ndenden: 'Wur na wur avey ompien onde e vur epe, atsug ne ikini inde, kienagni ne ntn ene enkum, evuru na evuru, wur na wur adjag otwung onde, ata tea nde." ²⁸ Aman a okuu o Levi wakie ko oshin omatum Moize: etitign e vear awug asar s'awiwo eshuu enagn. ²⁹ Moize atuba nda aman a Levi ndenden: "Luo ene, otikumagni vear akie otshia o Yaweh, asikug yie ndjag ata mon yie, ata otwung oyie, djwi Yaweh asopeagni nde lusakumuna." ³⁰ Mpimpign enagn, Moize atuba nda vear ankum ndenden: "Otikiagni disumu eninen. Opeane, ndavean, ndtsu etay e Yaweh, mbala emuu asivea me ndolula e masumu ignu." ³¹ Moize akea ntsa etay e Yaweh, atuba ndenden: "Ah! Vear ane wean watikie disumu eninen, watikie Nzeam e wolo. ³² Lolula wo disumu ewo, yug kaku, ondimi me ne onkean omifugn yie." ³³ Yaweh atuba nda Moize ndenden: "Wur esilima me ne onkean ome eli wur emikie disumu etay eme. ³⁴ Tshwag, vara vear ankum etay eyokabi me. Wanzio eme ndean asikienaka nde ne nteang eyie, kansi eshuu eyakeara me mbela, ayapeame wo ndola e dismumu ewo." ³⁵ Yaweh adjag nde vear anagn djwi akiiwo imon i ngombe e wolo, eyikii Aaron.