¹ Ayakie yie kunda emuu djwi na ntsugaka ananagn a nsuu ne tshiya, ayakie yie wog na oshung akazia. ² Otey ewo ti onen ewo ayayaiwo kati-kati e metelo emog, mby odzeang owo metelo emog. Ayakie yie ti asigi ayapwe ne kunda. ³ Ayadzub yie kunda ewo na wolo eli kaku mbin, dzug iwo, empaagn n'empaagn, ti ne asigi, ayatsug yie mpi wolo ne nsor iwo inkum. ⁴ Ne ngie e nsor ewo enagn, asikie yie akwiy ape a wolo ne wog inkeape, djwi na nshwer etandala na mvara kunda. ⁵ Ayakie yie etandala na eshung akazia, ayakwe yie wolo ne etandala enagn enkum. ⁶ Ayatsug yie elir ne nteang e eleam emidzub wo sanduku e ntiagn, elir ne nteang e ondii o nkie empeab e ndima mbin, eli ne dzug i ntieagn, ondii oyasangaka me ti yie. ⁷ Aaron asibwo nde ananagn a nsuu ne tshiya ne ondii onagn, ayabwoaka nde wog ne tshiya konso suka, ne ntangu eyawongaka nde mwinda. ⁸ Ti ne ngnina otshuu mpi, ayabwoaka nde ananagn a nsuu ne tshiya, ne ntangu eyawongaka nde wamwinda. Ko oshin onagn eyasakiaka aman a gnu mvwe na mvwe, ayabwoaka wo ananagn a nsuu ne tshiya ne nteang e Yaweh. ⁹ Ne kunda, opayapeagni ata empeab empeab ananagn a nsuu emog ve eyim ya ongingien, ata makabu imuu, mpi kaku vim emog ve eyamwang gnu ne buu. ¹⁰ Konso mvwe, Aaron ayamwangaka nde aluung ko mbala emog ne asigi ali ne kunda. Ayakiaka nde empeab e ndima mbin ko mbala emog ne mvwe emog ne kati aman a gnu. Enagn ayayia wo vim emog elenga santu ne nteang e Yaweh." ¹¹ Yaweh atuba nda Moize ndenden: ¹² "Ntangu eyatanga yie aman Israel djwi na njia isuu iwo, wur na wur ayafuta nde ya Yaweh djwi n'oshin eyokea onshum Yaweh, djwi wakwon mvea ata mpay imog ne ntangu etanga yie vear. ¹³ Yen vim eyapea vear ankum ayatanga yie anagn: ngnina e (sikele) ayayer gnu na (guerasi) eli neti e evuru e santu. Eli na (guerasi) omab; kati-kati e (guerasi) eli wog vim eyapeaka wo ya Yaqeh. ¹⁴ Wur enkum eyayia ne vear amitanga wo, bana ko wur eli na mvwe omab tii dzug, asifuta nde ikab inagn djwi na mpea ya me. ¹⁵ Nkea otsun apayafuta eshuni ve, ata omva mpi apafuta okieg ve, ne ngie e kati-kati e (sikele), djwi na ikab ilima wo djwi na Yaweh, ogniang na nkea nshum djuung iwo. ¹⁶ Ayavey yie ekri ya aman Israel djwi na nkea nshum djuung iwo, mby vear ayasakie otshia ne evuru e santu na ekri enagn, ayasakanaka wo aman Israel ne nteang e Yaweh djwi n'oshin omikea me nshum djuung iwo." ¹⁷ Yaweh atuba nda Moize ndenden: ¹⁸ "Ayakie yie mpuug eninen na ewuu, ti ebaay e ngie n'ewuu djwi vear wasuyike djuung iwo. Ayatsug yie wog ne ngnina e evuru e santu ti kunda, mpi ayatsug yie vay neti. ¹⁹ Aaron ti aman ande ayasuyaka wo mbwo ti nkuu ne vay anagn. ²⁰ Ntangu esishwe wo ne evuru e santu, asiyog wo vay anagn, djwi wakawa, mpi ntangu esivanga wo mbeama na kunda, ogniang na empeab esikie wo djwi na Yaweh. ²¹ Asiyog wo mbwo ti nkuu iwo, ogniang wakawa. Enagn ayasawo tsuga nsiku otshwag-otshwag djwi na Aaron ti aman ande, ti aman ankeankum ayasawur ne okuu onde." ²² Yaweh atuba nda Moize ndenden: ²³ Vey (aromati) e wuo-wuo, (sikele) nkama itean i mira ikiye wemie, (cinamome aromatique) (sikele) nkama ipe na otean, ²⁴ (sikele) nkama itean i (casse), ekug na (sikele) eli ne ondii o nkie empeab ti ikob imog i vir olive. ²⁵ Enagn vim ayakiaka yiena wo vir a santu djwi na nkwe wur, vim ayashwe ne ananagn a snuu, ne oshin o wur na wur eyakiaka ananagn a nsuu; enagn wog vir a santu na nkwe wur. ²⁶ Ayakwe yie wog ne evuru e santu ti ne sanduku e ntiegn, ²⁷ ne mesa ti ne alongo na mpuug inkum ne kunda e ananagn a nsuu, ²⁸ ne kunda e nkie empeab ti ne mpuug na alongo ankum ali neti, ne mpuug eninen ewuu ti ne ebaay ewo ngie. ²⁹ Ayakie yie oshin onagn djwi vim ane akum a santu, vim enkum eyata na wo ayakum wo mpi santu. ³⁰ Ayakwe yie Aaron vir anagn, ti aman ande, djwi wakike otshia o nganga-Nzambi. ³¹ Ayakaba yie aman Israel yeyen: Ene eli vir santudjwi na nkwe ne djuung, ti aman agnu ayasawur mby. ³² wapayamwang vir awo ne djuung i wur emuu ve, mpi opayakiagni vir amuu oshin one ve. Ene eli vir a santu, mpi ayaliraka gnu ko oshin oli wo santu. ³³ Wur eyakie vir amuu, atsug ti vim ankum amitsug wo oshin one, to eyakwe vir ane ne djuung ongingien, ayolima wo ne kati atwung ande." ³⁴ Yaweh atuba nda moize ndenden: "Vey (aromate), (stacte), (ongle odorant), (galbanum) ti itsa i wuo-wuo, oki akab ne ngnina. ³⁵ Ayakie yie ananagn a nsuu na wo, kamsi etsa wo nkie, ayayia wo ti okwa neti, e wuo ti e santu. ³⁶ Ayalunga yie wog ekum etugu, mby ayaky yie wog ne nteang e ntiegn, ne evuru e santu, ne ondii oyasanga me ti yie. Enagn ayayia wo djwi na gnu vim emog elega santu djwi na me. ³⁷ Opayakiagni ananagn a nsuu amuu ve oshin onagn djwi na gnu, ayaliraka gnu wog ko oshin oliwo santu. ³⁸ Wur emuu eyakie wog oshin onagn djwi ayug nsuu ewo, ayolima wo ne kati atwung ande.