¹ Ayakie yie kunda na eshung akazia; otey ewo ayayia wo metelo ipe na ndamu, onen ewo mpi metelo emog na ndamu, empaagn enkeanign ko otey emog, mby odzeang owo ayayia wo metelo emog na ndamu. ² Ayakie yie asig anigneyapur yie ne akuu ankeanign e kunda. Ayadzub yie wog na ewuu. ³ Ayatsug yie ondii ongyung tshiya, mpao, alongo anen-anen, wansom, ti wampuug, vim ankum ayayia wo na iwuu. ⁴ Djwi na kunda, ayakie yie eking eli atwunu-atwunu, mby ayatsug yie aveama anign na ewuu ne akuu ankeanign. ⁵ Ayatsug yie eking enagn ne ngie e kunda, yim ngie tii ko ne kati-kati e odzeang o kunda. ⁶ Ayatsug yie eshung e ngikeg djwi na kunda, na eshung e akazia, ayadzub yie wog na ewuu. ⁷ Ayashwer wo eshung enagn ne aveama , mpi eshung e ngikeg enagn, ntangu e mvara, ayatsug wo empaagn enkeape e kunda. ⁸ Ayakie yie kunda ewo epuu neti, na abaya, ayakie yie wog ko oshin eyoyegni me ne ombimi. ⁹ Ayakie yie nteang e evuru djwi na tabernacle. Djwi na nkie wog etay e sudi, ayatsug yie eshing e ileam i marikagn eyadjing wo, otey ewo eli metelo otean, ne ompaagn o nteang, ¹⁰ ataga omab eyayim wo ne dzug iwuu omab, mby nsor iwo ayayia wo kamsi ndob, ti aveama awo ayayia wo na etiempar. ¹¹ Etay e nordi, ayayia wo mpi na eshing e ngidjing, otey ewo, metelo otean, ataga omab ti ibaay 0mab iwuu iyayim wo neti, nsor ataga anagn kamsi ndob, ti aveama awo na etiempar. ¹² Etay elog vuna, nelien evuru, onen ewo ayayia wo metelo omab n'itean, eshing e ngidjing enagn ti ataga djum, ti aveama djum. ¹³ Etay epwe vuna, nelien evuru onen ewo eli metelo omab n'itean, ¹⁴ asiyia wo na eshing e ngidjing, metelo ishambia na ndamu, na ataga asar ti ibaay iwo ngie ne ompaagn omog. ¹⁵ Ne ompaagn omuu, metelo ishambia na ndamu, ti ataga asar, na ibaay iwo ngie. ¹⁶ Djwi na e mpwe nelien enagn, ayadzub wo eleam e metelo djum, eli na atono a bule, a kwi ti e marikagn emitiye wo, na ataga anign ti ibaay iwo ngie. ¹⁷ Ataga ankum amiyim wo ne nteang evuru, ayayia wo na aveama etiempar, nsor iwo kamsi ndob mpi ayakie wo na etiempar, mby ibaay iwo na iwuu. ¹⁸ Otey e nteang evuru ayayia wo metelo otean, onene ewo ayayia wo metelo omab n'itean ne empaagn enkeankum. mby odzeang owo, metelo ipe na ndamu, eshing ewo e ngidjing ayayia wo e marikagn, ibaay iwo ngie na iwuu. ²⁰ Djwi na ondii o mpiey mwinda, ayatuba yie ya aman Israel wafwete onjie vir a olive, emileam wo wuo-wuo, djwi na mpiyaka mwinda ntangu enkeankum. ²¹ Ne evuru e kapo, ne ondii o nsanga, nelien eleam emidzub wo, ne nteang e ntiegn, Aaron ti aman ande ayaleamaka wo vir awo neti, djwi mwinda epieyike yim ekwo tii ne suka, ne nteang e Yaweh. Ene eli onkwon o mvwe na mvwe, djwi na aman awo, mpi aman Israel warwete ndemfuka na nsiku ine.