¹ Ayakieyie evuru e santu eli watapi djum, ti ileam djum i marikagn, ileam ili na atono a bule, atono a kwi-kwi, ayatsug yie ignignig i wakeribe imikiewo na mbwo. ² Otey e tapi emog ayayiawo metelo omab na iniani, mby onen ewo, metelo inign; watapi inkeankum ayayer wo ko oshin omog. ³ Watapi inagn, itean ayayiawo ngiyung etay omog, itean imuu ngiyung etay emuu. ⁴ Ayakieyie eshing e bule ne opim e tapi e nsuka ne woog e nteang, ayakieyie oshin omog ne opim e tapi e nsuka ne woog ozole mpi. ⁵ Ayatsug yie eshing otean ne tapi e nteang; ayatsug yie eshing otean mpi ne opim e tapi e nsuka e woog ozole. Eshing enkeankum ayayiawo ko oshin omog. ⁶ Ayakieyie entshway e wolo otean, mby ayayung yie watapi inagn emog na emog na entshway enagn. Mby evuru enkum e santu ekum ko vim emog. ⁷ Ayakieyie watapi imuu na viey i mbur, djwi na nkie evuru e kapo neti evuru e santu; ayakieyie wog djum nemog. ⁸ Otey e tapi emog e viey e mbur ayayiawo metelo osar, mby onen ewo ayayiawo metelo inign; tapi inkeadjum ayayer wo ko oshin omog. ⁹ Ayatsug yie tapi i viey e mbur itean etay ewo, isom imuu etay ewo mpi; mby ayabeam yie watapi isom inagn, emuu ne dzug iwo, ne nteang e evuru e kapo. ¹⁰ Ayatsug yie eshing otean ne opim e tapi e nsuka e woog e nteang, mby eshing otean emuu ne opim e tapi ontete e woog ozole. ¹¹ Ayakieyie entshway otean na ewuu, mby ayashwer yie entshway enagn neti eshing. Mby evuru e kapo enkeankum ekum ko vim emog. ¹² Ogniang watapi ili ne evuru e kapo ayasawo shuna, kati-kati ileam iyasashuna, ayakeawo ndog ne tapi e nsuka e evuru e santu. ¹³ Otey ewo etay na etay, eyasayia ne dzug i tapi eli ne evuru e kapo, ayakeawo ndog ne woog inkeape e evuru e santu djwi na ndzub wog. ¹⁴ Djwi na evuru e kapo, ayakieyie nseam na mpuy ameme awum, na atono a kwi, mby ne dzug iwo, otsug nseam emuu na mpuy i dofe. ¹⁵ Ayakieyie abaya djwi na tabenakulu, ayakieyie wog na eshung akajia, ayayiawo ngiyima. ¹⁶ Otey ibaya imog ayayiawo metelo djum, mby onene ibaya ¹⁷ imog ayayiawo metelo emog na ndamu. Konso ibaya ayayiawo na ondii osisiama nde na ibaya imuu, ayakieyie ko oshin onagn djwi na abaya ankeankum ali ne evuru e santu. ¹⁸ Ayakieyie abaya omab djwi na evuru e santu, woog e sudi. ¹⁹ Ayatsug yieibaay i etiempar onign djwi eyii ne ngie abaya omab, ibaay ipe etiempar djwi na nkir ibaya imog- imog. ²⁰ Ayakieyie abaya omab djwi na woog ozole e evuru e santu, qmpaagn e nordi, ²¹ mpi ti etiempar ewo onign, ipe-ipe ne ngie ibaya imog. ²² Ayakie yie abaya asom djwi na wog e nsuka e tabernacle, etay elog vuna. ²³ Ayakie yie abaya ape djwi na akuu a nsuka e tabernacle, ²⁴ abaya anagn ayabeam wo ape, yim ko ngie, mpi ngitshung wuo-wuo ne nsor iwo na inkwunkwiy; ayayia wo ko oshin omog ti abaya ape amuu ayatsug wo ne akuu ankeape. ²⁵ Oshin onagn, ayayia wo na abaya iniani, ti vim a etiemparewo, eling ntuba etiempar djum n'isom, etiempar ipe-ipe ne ngie ibaya imog-imog. ²⁶ Ayatsug yie eshung etean e akazia djwi na abaya ali ne wog emog e tabernacle, ²⁷ eshung etean mpi ne wog emuu e tabernacle, ne nsuka etay elog vuna. ²⁸ Oshung omuu ayatear wo ne ngninaabaya, yim nsuka tii nsuka. ²⁹ Ayadzub yie abaya anagn na wolo, ata aveama awo ayayabaka yie ne eshung enagn, ayatsug yie wolo, ti eshung enagn ayadzub yie wog na wolo. ³⁰ Ayatwung yie tabernacle enagn ko oshin eyoyegni me ne dzug ombim. ³¹ Ayadzub yie eleam e bule, e kwi ti e marikagn, ne oshin o wuo eyatiye wo. Neti eleam enagn, ayakie wo ignignig i wa Keribe (cherubins). ³² Ayatsug yie eleam enagn ne dzug eshung enign akazia, ayadzub yie wog na wolo. Eshung enign enagn ayayia wo na nshob i wolo kamsi ndob, mpi ayayab wo ne dzug i vim a etiempar. ³³ Ayatsug yie eleam enagn ne dzug i aveama anagn, mby ne kati eleam enagn eli ondii oyashwer yie sanduku e ntiegn, eleam enagn eli djwi na nama ondii o santu ti ondii emilega santu. ³⁴ Ayatsug yie (propitiatoire) ne dzug i sanduku e ntiegn ne ondii omilenga santu. ³⁵ Ayatsug yie mesa nelien e eleam enagn, ti mwinda ne nteang e mesa, ne wog e sudi; mby mesa, ayatsug yie ne wog e nordi. ³⁶ Ayatsug yie eleam edzub ne mbwung e evuru e kapo; eleam e bule, e kwi ti e marikagn, enagn ayatiye wo na mbwo. ³⁷ Djwi na eleam enagn, eshung akazia itean, mpi ayadzub yie wog na wolo, ne nsor iwo, ayayia wo kamsi ndob, mpi ayatsug yie ne eshung enagn, ibaay iwuu itean isikir wog.