1
Yawh atuba nda Moize ndenden:
2
"Kaba aman Israel wanji makabu, asivey gnu wog ya wur enkum esipea n'etura e wuo.
3
Yen vim asivey gnu ya wo djwi na makabu: wolo, etiempar, ti iwuu;
4
ileam ili na atono a bule, i kwi-kwi, i marikagn ti viey e mbur,
5
mpuy ameme a wum ili na atono a kwi, ti mpuy i dofe, eshung e akajia;
6
vir djwi na mpiey mwinda, ananagn a nsuu djwi na nkwe ne djuung;
7
atari a onikisi ti atari amuu djwi na ngwong ondii o meara ti epiy evuru.
8
Ayankie wo me ondii o santu, mby ayapieraka me neti.
9
Ayakiegnu (tabernacle) ti wampuug iwo inkum ne oshin esoyegne me.
10
Ayakiewo sanduku emog abaya na oshung akajia, otey ewo ayayiawo metelo ipe na ndamu, onen ewo, eli metelo emog na ndamu.
11
Ayadzub yie wog na wolo eli kaku mbin, ayadzub yie wog ti neti, ti nelien, mby ayadjing yie nsuka ewo enkum ko na wolo.
12
Ayakieyie wampete inign i wolo djwi na sanduku enagn, mby ayatsug yie ne akwuu ankeanign mpete ipe ne woog emog, mpete ipe imuu ne woog emuu.
13
Ayatsug yie etandala na eshung e akajia, mby ayadzub yie wog na wolo.
14
Ayarsug yie etandala emuu eyashwer yie ne wampete inagn ili ne akwu a sanduku djwi na mvara wog.
15
Etandala enagn ayasawo tsugaka ko neti e wampete i sanduku enagn, mpi wapayafi lima wog ve.
16
Ayatsug yie ntiegn eypeame ne sanduku.
17
Ayakie yie ondii o ndima mbin na wolo eli kaku mbin; otey ewo ayauyia wo metelo ipe na ndamu, mby onen ewo, metelo emog na ndamu.
18
Ayakie yie wa keribe (cherubins) ipe i wolo, ayakie yie na wolo e ngibuye ne nsuka inkeape ne ondii o ndima mbin.
19
Kie keribe emog ne nsuka emog, keribe emuu ne nsuka emuu mpi; ayakiegnu wakeribe isishwe ne ondii o ndima mbin, ne nsuka inkeape.
20
Wakeribe ayashima wo apaab awo dzug; apaab anagn ayadzub wo ondii o ndima mbin, mpi ayaliraka wo nelung wog na wog, wakeribe ayatsug wo ilung iwo etay eli ondii o ndima mbin.
21
Neti e sanduku, ayatsug yie ondii o ndima mbin ti ntiegn eyopeame.
22
Enagn eli ondii eyasangaka me ti yie. Odzudzug e ondii o ndima mbin, ne ngnina e wakeribe inkeape isitsug yie neti e sanduku e ntiegn, ayopeame wansiku ime inkum djwi na aman Israel.
23
Ayakieyie mesa emog na oshung e akajia; otey ewo ayayiawo metelo ipe, onen ewo, metelo emog mby odzeang owo eli metelo emog na ndamu.
24
Ayadzub yie wog na wolo eli kaku mbin, mpi ayadjing yie wog ne nsuka na wolo.
25
Mbeama na wo, ayatsug yie opim e mpign inign; ayatsug yie wolo ne nsuka ewo enkeankum.
26
Djwi na mesa, ayatsug yie wampete i wolo inign, mby mpete inagn, ayatsug yie wog ne konso ikwu i mesa, ne nkuu iwo inkeanign.
27
Wampete inagn ayayiawo mbeama na opim onagn, mby ayatsug wo etandala djwi na mvara mesa.
28
Etandala enagn ayatsug yie wog na eshung akajia, mby ayadzub yie wog na wolo, mpi ayayiawo mfunu djwi na mvara mesa.
29
Ayakieyie alongo ande, akob ande ti wampuug inde na wolo ili kaku mbin; eli mfunu djwi na mwang veana.
30
Ne dzug i mesa, ayatsug yie itign i mampa djwi esayiaka kog ne nteang eme.
31
Ayakieyie mwinda emog eli kaku mbin, mwinda enagn, ayakieyie wog na wolo e ngibuye; otimi ewo ayayiawo ekuu ende, bintuntu inde ayakieyie wog ko na vim emog.
32
Atab asom ayapwewo ne akri na akri; atab asr ayim woog emog, atab asar amuu ayim woog emuu.
33
Ne itab imog ayayiawo na bintuntu isar, kamsi wunu ewo, ti momo ti nkay i bintuntu, mpi ne itab imuu, bintuntu isar kamsi wunu, ti momo ti nkay i bintuntu iwo; ata atab asom amuu asipwe ne mwinda asiyia wo ko oshin omog.
34
Ne otimi e mwinda, ayayiawo na bintuntu inign kamsi wunu ti wamomo, ti nkay i bintuntu iwo.
35
Ayayiawo na momo emog ne ngie atab ape eyapwe ne ngie otimi e mwinda enagn, momo emog mpi ne ngie atab ape amuu, momo emuu ne ngie atab ape amuu agni mpi; ayayiawo ko oshin omog ti atab asom ayapwe ne mwinda enagn.
36
Wamomo ti atab a mwinda enagnayayiawo ko vim emog: enkeankum ayakiewo ko na wolo eli kaku mbin, wolo e ngibuye.
37
Ayakieyie wamwinda ishambia, ayatsug wo ne dzug , djwi na mpea oveanga nteang ewo.
38
Alongo awo djwi na ntsug etuug e tshiya; ayayiawo e wolo eli kaku mbin.
39
Ayavey wo ikutu imog i wolo ili kaku mbin, djwi na nkie mwinda ti wampuug inde inkum.
40
Lir mpi kie oshin eyoyegnime ne dzug ombim.