¹ Opayapagna vii oyang ve. Opayayia ondii omog ve ti wur epwo djwi akopeagni ntiegn oyang. ² Opayalana oluy o vear ve djwi na nkie ipwo; mpi ne ewu, opayashwe etay eli vear oluy ve, djwi na nkwon ntuba vii a masonga. ³ Opayashwe onshiey ve etay e nkea omva ne ewu ende. ⁴ Yug otisanga na ngombe e mbeni eyie to mpunda ende emitsa ntu, keara nde wog ne wiya. ⁵ Yug otiyen mpunda e mbeni eyie alekeari ne buu na odzuru, oyayia na itura ipe-ipe ve djwi n'ondima ikab odzuru onagn, sarisa nde na ndima ikab odzuru ne mpunda ende. ⁶ Opayapiy ewu e nkea omva ve yug nde atinunga. ⁷ Opayabag ewu ne oshin opwo ve, mpi opayatum ve wadjag wur epijia ata djwi ve, mpi wur e masonga, djwi me, wur emikie ipwo apyanunga ve. ⁸ Opayavey makabu ve, ogniang makabu atsawo mbuye viy a vear ayen, mpi atsawo nkomo otuba o vear a masonga. ⁹ Opayapea ongingien mpay ve, ojiagni mpay itsangyug ongingien; djwi gnu mpi, ayikignu angingien ne buu e Ejipiti. ¹⁰ Mvwe isom, ayafuyaka yie vim mpi ayakeagaka yie. ¹¹ Kansi ne mvwe ishambia, ayasianga yie, etosayor, emva eli ne buu egnu watosayen osiang owo; wagnam n'okwun watosala vim ayasatsuga. Ayakie yie ko oshin onagn mpi djwi na evur eyie ti eshung olive iyie. ¹² Ayakie yie etshia eyie tii ko nshuu isom. Kansi eshuu ishambia, ayayoraka yie, ogniang ngombe eyie ti mpunda eyie wayor mpi, ogniang mon e mpfumi eyie ti ongingien wayor mpi. ¹³ Ayakir gnu vii ankum amokabagni me ene, mpi opayadzimagni ata vn a wanzeam imuu ve: wapikug ngyug ve epwe ne odzum ognu. ¹⁴ Ayakiaka yie ekina esar ne mvwe emog djwi na lokumu eme. ¹⁵ Ayakiaka yie okina o mampa ekwon ete. Nshuu ishambia, yug ntangu ewo etikug, ne ngwon e ebiiy antu, ayalaka yie mampa ikwon ete, oshin oyitubime ma gnu na nkie djwi na ngwon eyipwignu ne buu e Ejipiti, mpi ne nteang eme, opayayia mbwo mpama ve. ¹⁶ Ayakiaka yie okina o nkeaga vim ne evur. Vim a nteang, ne otshia oyie, ne vim ayafuy yie ne evur, ti okina onkeaga vim ne evur, ne nsuka e mvwe, ntangu eyakeaga yie mbeam iyim ne ivur iyie. ¹⁷ Aman ampeam ankeankum ayapweaka wo ne nteang e Nkum Yaweh mbala isar ne konso mvwe. ¹⁸ Gnam eyadjag yie ne empeab djwi na me, opayampea me ve ti mampa imitsug wo ete, mpi opayawum ve vir a gnam enagn ekeami vuna. ¹⁹ Ayavara yie ne evuru e Yaweh Nzeam eyie, vim a nteang asikie yie ne vim ayifuy yie ne buu. Opayafum ve imon i mbur ilegnui aviyo a mea nde ²⁰ Yen, mean ndatum wanzio emog ne nteang eyie djwi alolirike ne mbug, mpi djwi ovari yie, okum ne ondii omiwong me. ²¹ Yima ko biu ondii oli nde, mpi yug otuba onde; oyakie ote biu ya nde ve, djwi apayololulagni ve na masumu ignu, ogniang dzin ime ili ya nde. ²² Kansi yug otiyug otuba onde, mpi yug omikie inkum isokaba me, asikum me mbeni e wambeni iyie, asitag me vear otag yie. ²³ Wanzio eme asikien nde ne nteang eyiempi asovara nde etay e vear a Amorea, vear a Heth, vear a Ferezia, vear a Kanaana, vear a Hevi ti vear a Yebusia, mpi ayaashira me. ²⁴ Opayababa ne nteang i wanzeam iwo, mpi opayakr abong ne nteang ewo ve, opayalana ve vear angan ne bifu iwo, kansi ayadjag yie, ayabuye yie ignignig iwo i biteke. ²⁵ Ayasamaka gnu ko Yaweh Nzeam egnu, mby ayasakumuna nde mampa ignu ti wavay agnu. Mby ayalima me wankeang etsu etey na gnu. ²⁶ Ne buu eyie, epayayia ata na onkear omog ve eyapur djim, ata onkear ekuba. Ayayura me nshuu i luzingu eyie. ²⁷ Ayatum me womo ome nteang eyie, ayapagna me vear ankeankum ali ne ondii oyakum yie enagn, mby ne nteang eyie, ayatshima me mby ya wambeni ieyie inkum. ²⁸ Ayatum me wa(frelons) nteang eyie, ayakma wo etey na yie, vear a Hevi, vear a Kanaana ti vear a Heth. ²⁹ Mpayakma wankeankum ko mvwe emog ve, ogniang buu ekakwon vear, wagnam nokwun wakafiwur entsign djwi n'ontag yie. ³⁰ Ayakmaka me okwog-okwog, etey na yie, tii ko eyakum gnu entsign, mby oveayagni buu enagn enkum esakum egnu-gnu. ³¹ Ayatsug me enduu eyie yim ko nzey e kwi tii konzey e wafilistia, mpi yim ko buu e ndzum tii ko nzey enen, ogniang ayopeagni me ne mbwo ignu, vear apier ne buu enagn, mby ayakma gnu. ³² Opayakie alien ya wo ve, ata ya wanzeam iwo ve. ³³ Wapayapier ne buu eyie ve, djwi wakologo ne masumu ne nteang eme. Yug omisama wanzeam iwo, enagn asita yie ne ilung imipig wo djwi na yie.