1
Yug wur atikama ngombe to imeme, mpi yug amobag nking to amisar, asikeara nde ngombe itean djwi na ngombe enagn, ameme anign djwi na imeme inagn.
2
Yug nkea wumu enagn ami shwe neti opeang mpi wamotshung, yug wamodjag mpi amiwa, kaku wur emikie epwo na ewa ende ve.
3
Kansi yug vuna emikeam, mby asitanga wo ipwo i ewa ende ya wur emodjag. Asikearande vim awo amikama nde, yug kakunde ata na vim enkeara, asosar wo djwi na wumu ende.
4
Yug vim eyikami nde, ngombe, mpunda to imeme, eli ko ngitien ne mbwo inde, asikeara nde ngam ipe.
5
Yug wur atikie ipwo ne okwun to ne evur, mpi yug amisasugn wagnam inde wasala ne evur otwung onde, asikeara nde vim emilenga mfunu esipwe ne evur ende to ne okwun onde ndemie.
6
Yug emiya tshiya, emisanga ti atiene; mby yug antu, ata imitshung wo ebuye to ili ko ngiyima imishir ndwunga na tshiya, wur eyitsug tshiya enagn asifuta nde.
7
Yug wur atipea otwung ekri to vim na ngwum, mby yug wamikama vim awo ne evuru e wur eyiwumike, nkea wumu enagn, yug wamoyen, asifuta nde vim awo mbala ipe.
8
Yug wakayen nkea wumu ewo ve, nkea evuru asitsa nde mpwe ne nteang e Nzeam, djwi na nkab ndenden akatsug ewuo ve ne vim a otwung.
9
Ne vii ankeankum ali djwi na wumu e ngombe, e mpunda, e imeme, eleam to vim emuu etitsa ntu, eli wur emuu atubi ndenden: "Ene eli vim eme!" Vear anagn asitsa wo etay e Nzeam. Wur esivea ekwa ne nteangb e Nzeam asikeara nde vim anagn mbala ipe ya otwung onde.
10
Yug wur atipea otwung mpunda, ngombe, imeme to ngam emuu djwi na mgwunga, mpi ngam ewo atiwa to atimog ekuu, to watokama kaku wur eyiyen,
11
nkea gnam enagn ti wur emowunga asikie wo ndefu ne dzin i Yaweh, mby wur emiwunga asituba nde ndenden atotsug ewuo ve ne vim e otwung onde; nkea gnam mpi asijir nde otuba onagn, mby wur enagn apokeara gnam emuu ve.
12
Kansi yug akami wo gnam enagn etay ende, enagn afwete nkeara ya nkea gnam.
13
Yug eli gnam emuu atidjag gnam enagn, asiyegne nde oshin omiwa nde, mby apafuta gnam emuu ve.
14
Yug wur atishom gnam ya wur emuumpi yug gnam ewo amimog ekuu to amiwa, yug nkea gnam kuku nde, enagn asikeara nde gnam emuu.
15
Kansi yug nkea gnam ali kog, wapakeara gnam emuu ve. Yug api nde ekri e nkir djwi ashom gnam enagn, ekri enagn etikug na wo.
16
Yug ompeam atilogo osig onkear etoling wo ne ivea, mpi yug amivur ti nde, asifuta nde ovin onde, mby ovey asakum wear nde.
17
Yug tea nde atunn'ompea akum wear nde, asifuta nde ko ekri etsawo mpea ya asig ankear, ne isuu ovin.
18
Opayasianga onkear oli na ilog ayii na luzingu ve.
19
Wur esivur ti gnam asivey nde ndola e ewa.
20
Wur esipea empeab ya wanzeam imuu kansi epa ya Yaweh ve, asoshira wo.
21
Opayapea ongingien mpay ve, djwi gnu mpi ayikignu angingien ne buu e Ejipiti.
22
Opayapea ngy ya nsakwe ve, ata ya mon etsigi mpi ve.
23
Yug omapea ngy, mpi yug wamiyia etay eme, asiyug me iluu iwo,
24
asiyug me nkier, mby asodjagagni me n'ompien e vur epe, mby aveari agnu wasakum wansakwe, aman agnu wasakum itsigi.
25
Yug opea ekri e nshom ya vear ame, ya omva eli nda yie, djwi na nde, oyovey ve kamsi wur ofwete omfuta yie ekri, oyaling ve ofuti yie ekri emuu ne dzug.
26
Yug omivey eleam otwung oyie djwi na vim esifuta nde ya yie, asokeara yie wog ntangu esiyia vuna etojii ntete ve,
27
ogniang eli ko vim emog enagn eledzub nde, ko eleam emog enagn eledzub nde djuung na wo. Asivur nde na nge? Yug amitsug olie etay eli me, asiyug me, djwi me, ndi na ngy e vear.
28
Opayashing Nzeam ve, mpi opayashing nkum e buu eyie ve.
29
Opayakie onshiey ve na mpea me vim a nteang eyakeaga yie ne evur. Ayampea yie aman ayie ampeam a nsom eteang.
30
Ayampea yie mpi mon eteang eyawur ngombe eyie, ti imeme iyie. Ayayiande nda mea nde ko nshuu ishambia, mby ne eshuu iniani, ayompea yie nande.
31
Ayayiagnu djwi na me vear ali osantu. Opayalagni ve wagnam imidjag wo ya wagnam imuu n'okwun: enagn vim eyapeakagnu ya wamva