¹ Mby Nzeam s'atubinde otuba onagn onkum, ndenden: ² "Ndi Yaweh, Nzeam eyopur yie ne buu e Ejipiti, ne evuru eyikiyie mpfumi. ³ Opayayia na wanzeam imuu ve ne nteang eme. ⁴ Opayakie ignignig ve, ata vim amuu ali ne dzug olung, ata imuu ili ne buu, ata ili ne ngie e vay. ⁵ Opayakr abong ne nteang ewo ve, mpi opayasama wo ve, ogniang me Yaweh, Nzeam eyie, ndi Nzeam eli na kimpala, atsame mpea ndola ne ipwo i watea esalog ya aman tii ko ne ndwong isar to inign aman a mby ya vear antun me. ⁶ Mpi atsame ngya na ngy e vear andeang me ti vear akir onkwon ome tii ko ndwong iwug imog aman a mby eyasawo wur. ⁷ Opayavey dzin i Yaweh , Nzeam eyie mpama ve, ogniang Yaweh apayakwon mpea ndola ve ya wur eyakagn na dzin inde. ⁸ Kea nkana eshuu e ngyor, djwi oyii osantu. ⁹ Ayakieyie otshia oyie onkum ne nshuu isom. ¹⁰ Kansi eshuu ishambia eli eshuu eyor Yaweh, Nzeam eyie: opayakie ata otshia omog ve, ata yie, ata mon yie ompem, ata mon yie onkear, ata wur eyie otshia opmeam, ata wur eyie otshia onkear, ata wagnam iyie, ata ongingien eli ne evuru eyie. ¹¹ Ogniang ne nshuu isom, Yaweh akiinde dzug olung , buu, ti nzey, ti vim ankeankum ali neti, mby s'ayor nde eshuu e ishambia: mby Yaweh s'asakumuninde eshuu e ngyor enagn, atsug wog ekum e santu. ¹² Pea osiang ya tea yie ti mea yie, djwi nshuu iyie iyii otey ne buu esopea Yaweh, Nzeam eyie. ¹³ Opayadjag wur ve. ¹⁴ Opayakie itaay ve. ¹⁵ Opayakama wumu ve. ¹⁶ Opayakab ontiegn oyang ve djwi na otwung oyie. ¹⁷ Opayaleang evuru otwung oyie ve, opayaleang wear otwung oyie ve, ata wur ende otshia ompeam, ata wur ende otshia onkear, ata ngombe ende, ata mpunda ende, ata vim emuu enkum eli ya otwung oyie ve." ¹⁸ Vear ankeankum ayugikiwo apfung anagn ti asig ayiburikiwo, ayenikiwo ekb e tshiya ne ombimi epur edjinga. N e vii ayen wo anagn, vear wayug ekukuma, mby watsa ngyima etey. ¹⁹ Watuba wa Moize wuwun: "Yemie otekabike vii awo, asiyug su, kansi Nzeam apikug mfituba nda su ve, yug kaku asiwasu." ²⁰ Moize atuba nda wo ndenden: "Oyayugagni womo ve, enagn eli djwi n'ontesagni mby Nzeam s'amiyiande. Eli mpi djwi oyugagni womo ende ne vy agnu, djwi okwon nkiagni masumu." ²¹ Vear wayima ko etey, kansi Moize avanga mbeama na mafuba, ondii oyike Nzeam. ²² Yaweh atuba nda Moize ndenden: "Asikaba yie aman Israel ngean: 'Otiyenagni ntisula ma gnu yim ko elime ne dzug olung. ²³ Opayakiagni wanzeam ve na etiempar ti na wolo, djwi atsugagni ti me ondii omog; oyakiagni oshin onagn ve. ²⁴ Ayankiegnu me kunda emog e buu; ayankiakayie empeab neti, ti empeab e nkeara nsag-na-vie, na ameme ayie, ti wangombe iyie. Etay enkum eyakanaka me dzin ime, ayayiame mpi, ayosakumuna me. ²⁵ Yug omitwungagni kunda e atari, opayatwung ve na atari a ngibuye, ogniang, ntangu esitsug yie ewuu ne dzug itari, enagn olapiy wog. ²⁶ Opayaveanagni ve ne dzug i kunda eme ne ndwong na ndwong, ogniang vear wakayen wuwun kaku gnu na ileama.'"