¹ Ntangu emiyug Mardoshe vii aleleg anagn, ayara ileam inde, alwer ibwomo, adziy etuug e tshiya. Atsa ne ngnina oluu o wiya, s'adzamikinde elie na aluu, ² atsa tii n'epfug opeang o vwi. Wur emilwer ibwomo apikug ntsa ngyia n'ondii onagn ve. ³ Konso wiya eyikumike nsiku e vwi enagn, waYuda ayikiwo kongy-ngy, alekikiwo okio, mpi waliye, amuu walelwer abwomo ti etug e tshiya ne djuung. ⁴ Ankear akie otshia etay e Ester ti ampeam amidjag ekwongo, wayia nkaba Ester vii anagn, atuma Mardoshe ileam i ndwer, kansi nde, akaleang ve. ⁵ Mby Ester s'avinde wur emog eli mpi okwongo miwa, eyitsug vwi mbeama na wear nde, dzin inde Hatak, otum na ngyue Mardoshe djwi iwo nge, eyim nonkagn. ⁶ Hatak mpi atsa etay eli mardoshe,ne oluu o wiya, ne teang e mbwung epfug opeang e vwi. ⁷ mby Mardoshe okaba vii ankeankum aleleg, okaba isuu ekri kwe emivey Haman djwi na ntsug n'iteang i vwi, djwi wadjag waYuda. ⁸ Opea mpi onkean owo emitanga wo djwi na oluu o wiya e Suse, djwi na ndjag wo, djwi atsu ngyegne Ester onkean owo. Okaba vii ankeankum. Mby atum Ester atsu nding ndolula djwi na wo etay e vwi. ⁹ Hatak akea nkaba Ester vii anagn emiyug nde ya Mardoshe. ¹⁰ Ester atum Hatak na nkaba Mardoshe ndenden: ¹¹ "Vear otshia e vwi ti vear apier ne viya ili ne wantn wankeankum wajia wuwun eli na nsiku emog epea ndola ewa ya ompeam to onkear esishwe n'opeang o vwi, tii ondii oli mvuru inde, yg vwi otoovi ntete ve, wur enagn afwete ngwa. Wur esivug ko yug vwi esishima ikom inde i wolo ne djuung inde, mby wosiangi. Me mean, yim ko emiyia me, ntikug nshuuosar, vwi atomvi me ve. ¹² Ntangu emikaba wo Mardoshe vii amituba Ester enagn, ¹³ Mardshe atuma Ester mvutu ndenden: "Oyabansa ve yeyen ko yie yemie wur esivug ve, ne kati e waYuda inkeankum, djwi yie oli n'evuru e vwi. ¹⁴ Ogniang, yug omitshung odzum oyie opeane, nsarisa esu waYuda asikug wo ngyim etay emuu n'iky. Mby yie, ti vear ali n'evuru e tea yie, asiwagnu. Nagn ejia, mbala emuu ashwi yie ivea inagn ayiwo ko djwi na oshin o vii ane?" ¹⁵ Ester atum wur na nkaba Mardoshe ndenen: ¹⁶ "Tshwag, kaba waYuda inkeankum ili ne Suse, yiagni ondii omog, kiagni okio nshuu isar djwi na me, opilagni ve, opilagni mpi ve, na mbiiy na otshuu. Me mpi, asikie me okio ti vear ame otshia ankear, mby asishwe me etay e vwi, ata nsiku ewo enagn etun na nshwe, ata ewa, asiwa me." ¹⁷ Mardoshe s'akien nde, akie vii aankeankum ayitubi Ester.