¹ Yug djwidjwi omikea mbiyagni ndwong emog ti Kristu, lingagni vim a dzug olung, ondii omigneme Kristu ne wum ewuo e Nziam. ² Tsugagni nginu ignu ne vim a dzug, epa ne vim a buu ve. ³ Djwi omiwagni, luzingu egnu wamiziy ne dzug, ondii omog ti Kristu. ⁴ Ntangu eyayia Kristu, nde wur eli luzingu egnu, gnu ko ayayiagnu gna nde ne nkembo. ⁵ Wog enagn, ne djuung ignu, limagni vii ankum apwo a buu ene, kamsi akey, vii a nsogn, nziya e vim a buu, mpuy e mviya entsign, enkum ene eli mfukimina biteke. ⁶ Vii ankum ane atsawo mbin nkier i Nziam. ⁷ Nteang alekienikignu ne mbug enagn ntangu eledjikignu vii a masumu. ⁸ Kansi opean, fangagni vii ane ankum: nkier, nginu ipwo, ntwe vear, otuba opwo osikug mpwe n'odzum ognu. ⁹ Yadjimagni oyang gnug na gnug ve, djwi omilimagni djuung iyignu na wo nteang ti etshia ewo. ¹⁰ Omilweragni djuung impa, djuung ilekum mpa ntangu enkum djwi na waagn e kieleka e njia ekug n'ignignig i wur eyoki. ¹¹ Nendien, kaku ogreki, kaku oyuda, kaku wur emibag wo djuung na etobag wo djuung, kaku wur emitoma, kaku osegni etotomi, kaku ampfum, kaku ankum kansi Kristu ali vii ankum mpi ali ne vii ankum. ¹² Wog enagn, oshin olignu vear amison Nzeam, olagni vear ande kibeni, aman ande aleang nde, lweragni itura i ndolula, itura i wuo, itura i ngy, itura i nkea ngie ne nteang atwung, itura i njia nkwung. ¹³ Tshungagni itura mpi lolulagni gnug na gnug. Yug wur agnie djwi n'ipwo imokie otwung, ekug wuo otshungagni itura mp ololulagni gnug na gnug oshin omog enagn ko Nkum amololulagni gnu. ¹⁴ Kansi ne dzug i vim ankum ane, tsugagni lutondo. Djwi ngaagn eli vim esokiragni gnug na gnug ondii omog. ¹⁵ Ngemba e Kristu eyi n'itura ignu. Eli djwi na ngemba enagn, Kristu s'oviagninde djwi oyiagni gnankum djuung imog. Kearagninde nsag-na-viye. ¹⁶ Otuba o Kristu eyi n'itura ignu. Na waagn enkum, longagni mpi peagni ilag gnug na gnug ne mbug i wapisomi ti wankunga i mpeve. Shweagni ne kati itura ignu lim inkeara Nzeam nsag-na-viye. ¹⁷ Mby vim ankum akiegnu, eyi n'otuba to n'otshia, kiagni inkum ne dzin i Nkum Yezu. Ne mbug ende kearagni nsag-na-viye ya Tea Nzeam. ¹⁸ Ankear, lemfukagni gna awum agnu, oshin oleang Nkum. ¹⁹ Ampeam, leangagni avear agnu, mpi oyayugagni wo nkier ve. ²⁰ Aman, lemfukagni gna atea ti amea agnu ne vii ankum, djwi enagn eli wuo ne nteang e Nkum. ²¹ Atea oyapeagni aman agnu nkier ve, djwi wakwon ndem ne djuung. ²² Ampfum, lemfukagni gna ankum agnu a buu ene ne vii ankum, epa ko ne viy awo ve oshin otsankie vear atsanding lokumu, kansi lemfukagni gna wo na itura i masonga. Yiagni na womo e Nkum. ²³ Vim enkum esikiegnu, kiagni wog n'etura emog, kamsi okiagni Nkum, epa kamsi okiagni vear a buu ve. ²⁴ Ojiagni gnugnun Nkum ayopeagninde ifutu to oleama-nzo. Eli otshia o Nkum elekignu. ²⁵ Wur enkum ekie ipwo ayaveande ndola djwi n'ipwo ikii nde, mpi ya Nzeam kaku ontshey to okab o nseg ve.