¹ Wog enagn,atwung,djwi simokabagni oshin osipier gnu djwi Nzeam ayi n'osiang o gnu,olekiagni mpi oshin onagn, silawugna ya gnu ,ne dzin e Nkum Yezu ,na nkien ko oshin onagn,oleg ntsagni ko nteang. ² Olajiagni wa nsiku ayitubisu ya gnu na nkie, eyim ya nkum Yezu. ³ Vim eleang Nzeam ,eli oyagni na luzingu e busantu,osiangni kinduma; ⁴ eli wur na wur awum djung nde eyi santu na masonga. ⁵ Okwon mpeagni djung ignu ne mpwi i djung,kamsi etsankie empagn epijia Nzeam. ⁶ Seang ke wur emog akwon nkie oyang ti wumu n ' atwung na nde yempi akwon ndeang ko nde avii entsing kuluta avear a muu. Djwi Nkum atsa nde nkeara mbela na vii a nkum ane,oshin simosokabagni su nteang. ⁷ Ogneang Nzeam akatevie djwi na luzingu e mbin e masumu kansi n'epier e busantu. ⁸ Eli n'ekuma enagn ,wur e fogno wa nsiku ene apalafogno avear a buu kansi alafogno Nzeam emopeagni Mpeve Santu ende. ⁹ Djwi na ngagn egnug-na-gnug kaku mfunu ve wofugnagni n'onkean ,djwi Nzeam amosologni: oleangni gnug na gnug. ¹⁰ Eli kowog enagn etsagnu nkie y 'atwung ankum alin'ebuu e Macedoine enkum.kansi si wugna ya gnu atwung ,ngagn egnu eyi ko ntangu enkmu onen. ¹¹ Mpi ozingagni pwo,okiakagni etshia egnu nkeangna gnu na mbwuo ignu ,n'oshin otekabisu gnu. ¹² Kiagni viane djwi okienagni wuo -wuo n'enteang a vear ene lien (dibundu) djwi okwon ngiagni na mfunu e vim. ¹³ Atwung sipikundeang okwon agni njia djwi na vi a vear a vur lwong djwi okwonagni ngia na mawa kamsi vear a muu a kwon ekaagn. ¹⁴ Djwi sidjir susun Yezu a winde yempi a mifutumuka,ekug wo mpi sidjiragni susun,Nzeam ayakeara nde ne luzingu ne mbug e Yezu yempi na nde nduong emog avear amiwa. ¹⁵ Yenagni vi atuba su oshin otuba otuba onkum : so avear ali ne luzingu,amisatsuga djwi na nkung eshu eyayia Nkum ,si paya tsa ne nteang a vear amiwa. ¹⁶ Djwi Nkum ndemie ,ayayia nde yim dzug na olie emog,n'otuba e Arkanji,ye mpi n'otuba e kelelo e Nzeam,mbyi aveara ayiwi ne kati e Kristu aya futumukawo nteang-nteang. ¹⁷ Mbyi su, aveara a luzingu ,amisatsuga ne buu aya telima wo sankum ti wo ayatsa su ne mafuba,djwi na nsagna ti Nkum ne dzug opepe,mbyi asusu yia na Nkum mvwe na mvwe. ¹⁸ Siamisagni gnug na gnug djwi n'otuba ene.