¹ N'oshin onagn ntangu ekakug su na nkung diaka, sa banzi su elomo sisatsuga se mie na Athena. ² S'atum su Timothee, otwung ekiesu otshia E Nzeam n'evanjili e Kristu, djwi opeagni biu mpi na nsiamisa lukwikilu gnu. ³ Akiesu ngagn djwi wur akwon gnug ne wa mpayi oshin-oshin. Djwi ojia yemie mpayi ayayiawo. ⁴ Viavi ntangu eyikisu etayi gnu okabagni su otshog -ntshie a fwete su na ngien mpayi mingi,ye mpi via wo ekum oshin ejiagnu. ⁵ Wog enagn, n'oshin ekakugme nkwung enagn s'atum me wur emog djwi ayinkaba me vii a lukwikilu. Mbalemu wur etsangiong vear ne mpukumuna akologagni , otshia osu okatsa mpama. ⁶ Timothee ntangu eyum nde etayi e gnu asekaba oshong wuo e lukwuilu mpi e lutondo egnu. Asekabin ndindin omitsatsika nokan wuo djwi su,yempi olingagni nkea teyen oshino mog su mpi si leling nkea onzenagni. ⁷ Djwi na wo ,atwung ne kati kati e mpayi su ,lukwikilu egnu ase siamisi wo. ⁸ oneang opeane silezingi djwi na gnu oyimagni biu ne kati e Nzeam. ⁹ Matondo nge esunkug su nkeara etayi e Nzeam djwi na gnu djwi n'osiang onkum eleyensu djwi na gnu ne nteang e Nzeam. ¹⁰ Mbyi otshu, sila sama Nzeam na inaagn nkum djwi atepiy mbug djwi so yenagn,yempi si kukisi vii amuu akuon ne lukwikilu e gnu. ¹¹ Nzeam ndemie ,tea so,yempi na nkum esu yezu Kristu wa wong mbug esu djwi siyi etayi e gnu. ¹² Seang nkum aki djwi na lutondo egnu efwi-kofwe ne kati egnu yempi n'enteang avear a nkum,lutondo eyisu djwi na gnu, ¹³ djwi na Nzeam api itura egnu biuu djwi ikwon ipwo, ne kati busantu n 'eteang Nzeam tea su ,eshu eyayia nkum esu yezu Kristu ti wa santu inde inkum..