¹ Djwi na vii alir ntangu ti elag gnu kaku mfunu ve wofugnagni onkean djwi na wog. ² Djwi ojiagni nkeagna gnu,eshu e Nkum ayayia wo kamsi nkea- wumu atiyia ne kati otshu. ³ Ntangu eyatuba avear wuwun: Ngemba ti ngibatela ,mbyi ku ne ntangu enagn mpayi eyayiawo ke n'obavur.kamsi mpayi i lwon o nkear eli na djim.kaku na wur emog eyia kug nkim. ⁴ Kansi, gnu atwung ,gnug opaleagni ne kati empib djwi eshu enagn ekokiragni kamsi nkea-wumu. ⁵ Olagni gnankum amana mwinda ye mpi a aman a mbiy-enkum. Epa sili aman a otshu ,ye mpi epa amana mpib. ⁶ N'oshin onagn sikwon mvur lwong kamsi avear muu,kansi sikeami viy si yi na epier e wagn. ⁷ Djwi a vear atsa mvur lwong ,atsa wo mvur otshuo nkum,mpi anka tsa nzwiy ,atsa wo nzwiy otshuo nkum. ⁸ Kansi ,djwi silangni aman a mbiy- enkum,si yiagni n'epiere e wagn; Siluaragni kuirasi e lukwikilu ye mpi e lutondo,djwi na impuu emabende, djwi ekagne evug. ⁹ Djwi Nzeam akatetum djwi na nkier ,kansi djwi siviy evug ne mbug e Nkum esu Yesu Kristu. ¹⁰ Eli nde wur eyiwi djwi na su ,ata sikeama viyi ,ata sivur sizingi ondie mog n ande ¹¹ Wog enagn peagni ilag gnug na gnug ,twugnagni lukwikilu e gnu kamsi etsa gnu nkie . ¹² Si lomo na gnu atwung,djwi ojiagni mpea lukumu n'avear akie otshia ne kati gnu ,avear anotambwisa ye mpi anolongagni via a Nzeam. ¹³ Yiagni na ngagn entsign na wo djwi na otshia ekiewo. yiagni na ngemba gnug na gnug . ¹⁴ Atwung ,siwugna mpi ya gnu,ngeagnagni vear ali na epier epwo,keagni itura i vear ali na mawa,varagni n'itura gnu vear a milem,yiagni na patiensi djwi na vear ankum. ¹⁵ Osugagni, opukunkearagni ipwo n'ipwone kati egnu. Owundignagni ko na nkie ntangu enkum iwuo ne kati gnu mpi n'avear ankum. ¹⁶ Yiagni n'osiang ntangu e nkum. ¹⁷ Samagni ntangu e nkum. ¹⁸ Kearagni Nzeam nsag-na-vie na vim ankum.Djwi eli luzolo e Nzeam ne mbug e Yezu Kristu. ¹⁹ Oyadzumagni Mpeve ve. ²⁰ Oyatumagni vi abikulawo ve. ²¹ Kansi wondiragni vi ankum wuo-wuo sakiragni vii ali wuo; ²² Luragni na nkie ipwo oshin o nkum. Nzeam e ngemba otshug agni djung opfugn ekum santu ; Mpeve eye,moyo eye ,ye mpi djung eye ikwon bifu tii ntangu eyeyia Nkum esu Yezu Kristu. ²⁴ Wur eyoveagni ali fidele,ye mpi eli ndug eyayia kie wog. ²⁵ Atwung samagni mpi djwi na su. ²⁶ Peagni atwung ankum mbea, ne mbug e mwa -mwa e santu. ²⁷ Ndobondilagni ne dzin e Nkum djwi onkeane ene etangami n eteang atwung a nkum. ²⁸ Siagna grasia e Nkum esu Yezu Kristu eyi na gnu. .