¹ Kangagn, ognagn Kristu ayende mpay ne kati e djung i nde, gnuk ku mpi veyagni nginu inagn ; ognagn wur eyiyen mpay ne kati e djung i nde amisukusa na djwi e disumu. ² N'oshin onagn, otin o wur e nagn apikafizinga djwi na mpuy i vear kansi asazinga djwi na nkie luzolo Nziam ne ntshu emisatshuga ne luzingu e nde. ³ ognagn ntshu mingi imila,djwi la nkie luzolo e mpakanu:mpwiy e via ampeam ti ankear, e ndeang vim ensign, iywiy i vean, nkabwana tinkien ne luzingu e potopoto, etun avear, etshia epwo, ti nsama biteke. ⁴ Otin avear a nagni, wa yen ngituka ognagn opitsagni etay wo n'etshia wo e mbug epwo kansi opean ene waikum ontienagni. ⁵ Ayasama wo ne nteang e wur eyabag nkanu avear a zigna ti vear amiwa. ⁶ Eli djwi la kikuma enagn sa long wo evangile na vear amiwa ognagn ,ata ko wamisama na kati evigna wo kasa avear,kansi wazingi kesi Nziam ne kimpeve. ⁷ Nsuka e vim ankum eveagna. Djwi la wo, yiagni wasantu ne kimpeve mpi yiagni avear azigna n'oshin onker ne kati e nginu egnu djwi na bisamu. ⁸ Ne dzug e vim ankum, yiagni na ngagn e biu gnug na gnug, ognagn gagni atsa nde nzub nde olwo e masumu. ⁹ Yiagni na bikalulu e njia ngiamagni na nkwo gnie. ¹⁰ Djwa wur enkum ne kati e gnu avinde ikab emog, sadila wo djwi na nsadisana gnug na gnug. Kiagni otin enagn kamsi avear ajia ngwum makabu eshin n'eshin e ngor eyim etay e Nziam. ¹¹ Yug atuba, eyi dzwina mbilula via atuba Nziam; yug wur akie otshia o Nziam, aki na biu epeya Nziam. kiagni vim anagni djwa, n'oshin onkum, Nziam avi nkembo ne mbug e Yezu Kristu. Nkembo na biu eyi na Yezu Kristu na mvwe na mvwe. Amen. ¹² Amana nsia, oya yitukagni djwi na tshia e mpay enelag gnu ne ti kesi vim emog etozignignu la wo etiyia. ¹³ Konso kiteso e mpay i Kristu inkum ileyen gnu yiagni na kiese, ognang ko yiagni mpi na kiese opean ti n'oseang ntang eyapwe nkembo e nde. ¹⁴ Yug wamotweagni djwi na dzin i Kristo, otiveagni lusakumunu ognagn mpeve e nkembo ti mpi e Nziam eli na gnu. ¹⁵ Kansi ntun wur emog ne kati gnu aleyeneki mpay kamsi wur emidjag wur,nkea-wumu, wur etsankie viapwo to wur epijangwum sekele. ¹⁶ Kansi yug emog ayien mpay ognang ali oKristo eleyugkiki nsogn; kansi api Nziam nkembo djwi na dzin inde. ¹⁷ Ognagn ntagnu e wuu elabana n'evur e Nziam. Ye mpi yug ewuu ebana na su, ayayia wo esinge djwi n'avear apilemfuki otuba Nziam? ¹⁸ Ye yug''wur e masonga alavug na mpay, mbiy ayayia wo esinge djwi n'ompagn ti djwi na wur masumu). ¹⁹ Djwi na wo, avear ayen mpay ne luzolo e Nziam wapi moyo iwo na Ngangi e kivuvu mpi na nkiaka ne ntagnu enagn vi a wuo.