¹ Otin anag, gnu ali'ankear, yagni na ndemfuka n'awumagnu. Kiagni ngang, djula, ayumagni ati apijia otuba Nziam le bug, kikalulu gnu ankear, oji Nziam; ² Djula wamiyen bifu ignu iwo ti luzitu. ³ Vianag asalami epilir vianduer: ndima ayug mpengele athi iwolo, ti iliem ntiluer ntshon. ⁴ Kansi, vi esalemi na bomoto yempi etura, kitoko epwo eyim lempeve okwng otsuru, elila lokumu le nteang e Nziam. ⁵ Djula aviar nteang aluarekiwo osim onang akiwo n'ekagne etay e Nziam mpi ndemfuka la wumawo. ⁶ Otin one Sara alemfukinde n'Abalama oviki nde nkum. Oliang opeana aman ande, yug otikiagni via wo mpi opulunagni mpay! ⁷ Otin omok, gnu ampea, zingagni boyokani na aviaragnu, vey ankior kamsi mpugu epeabiu. Ofetele mpean lukumu kamsi aviar ami kabula mia wo ikabi i luzingu. Kiagn ngagn djula Nziam ayuk losambo. ⁸ Entsuka, gnang nkum, yiagni na ngindu imok, gnagni aviara ajia mpay atung; gnagni na ngagn atung, gnagni itura iwu, mpi aviar akwang omwong. ⁹ Oyakearagni ipo lipio; ata itiy n'itiy. Kansi fulagni na lusakumuna djuna gng oviayignu, mbi osaviagni osak. ¹⁰ ''Wur elinding luzingu e nde mpiyi na tswu wo afete na nsianga etien aviar n'oyang etiang enkuma. ¹¹ Atum via nkuma l'epwo, akiki viali iwo. Aliang ngemba ntango enkuma. ¹² Vi-anziam eyen aviar masonga mpi atiande eyayula via awignayu. Kasi vi-anziam epilir aviar apwo''. ¹³ Wur nagni esokiagni ipwo yug gnu oleangagni vii awuo? ¹⁴ Kansi yug oyenagni mpay djwi na masonga, asiveagnu lusakumunu. Oyaluragni ve vim alelurwo. Oyayiagni ote le dzug le dzug ve. ¹⁵ Kansi sadisagni nkum Kristo n'iturrignu yiagn nkuma na mpea mvutu na wurankum oyo yuakagni djula nge oletsugni ekagne n' Anziam? Kiagn inkuma la malembe ti na luzitu. ¹⁶ Yeagni na mabanzi iwo ognag aviar nsatwe luzingu ewur esamba Nziam le kati Klisto. Wayie na nsogn n'otsng etuba wo ipwo djula gnu kesi olagni aviar apwo. ¹⁷ Elombo wo yug, e Nziam aliang, oyenagni mpay ntangu ekiegnu viawo n'ndiy na kiye wi a pwo. ¹⁸ Kristo ayende mpi mpay mbale emog otshog ntshie djula masumu. Nde wur el'ewo ayende mpay djula sug aviar pwo. Ogng atekeari etay Nziam. Ayunde odja wo kasi mpeve amokeara na luzingu. ¹⁹ Ne mbuk epeve otshundi olong wa mpeve eli opeane lebolok. ²⁰ Wakaling ndemfuka ntango ekwikirinde le nteang eti noya, ntangu etungiwo aswa mpi Nziam abikisinde aviaramu le vay.(Aviar eniani). ²¹ Ene eli kidimbu embotika emowurgnande opean(epeli ntien imbin idgung, eli kesi buu emopea wo na mabanza iwo etay Nziam). Le mbok emfutumuka Eyeso Kristo. ²² Kristo akeagni ansi le yum ewo Nziam amiviar dzug inzeam . Banjio, ankea ikub, ti mpi ankea biu. Wafete ndemfuka lande.