¹ Fangagni wagn enkum epwo, oyang 'enkum, ilung ipe, mpuyi epwo etien. ² Kesi aman emibutuka empa, ligagn mabele inziam djwa n'ande ofui yagn na woo ne lukwikilu. ³ Yug omimekagn Nziam ali woo. ⁴ Yakagn etayi ewur eli itari luzingu iyi fanga woo n'aviar, kansi emi son Nziam mpi eli na ntina djwina n'ande. ⁵ Otchuno mog oliagni kamsi atari e luzingu emi bongisa djwi e kum evure empeve, djwi e kum ondiyi e santu epea kimenga e mpeve e ndima Nziam n'embug e Yezu Kristo. ⁶ Otuba e Nziam eya tuba:''tolir; ntchug ne sioni itari ekwo evrur, eson nde wure nkum etchug etura etayi nde apa yug nsogn''. ⁷ Lukumu eli djwi na ngu aviar amindima kansi ''itari iyi fagn aviar etungi, ekum ntina djwi na ikuo evru.'' ⁸ Mpi, ''ibang , ti itari e ndog aviar''. Wa le log ovuma, wa pi lemfuki n'otuba e Nziam eikiwoo djwi na woo. ⁹ Olagni kimvuka aviar emison Nziam, otshia o kinganga Nziam, ogniagn o longagni etshia kuluta woo e wure olimagni n'empib djwi n'onvaragni ne mwinda nde e wo. ¹⁰ Nteang nteang okayagn okwo, kansi opeane oliagni okwo e Nziam. Akaviagni ndolula, kansi opeane oviagni ndolula. ¹¹ Amana nsiya, ndo longagni gnu eyi kesi angingiene pe yungani na ntun mpuyi idjun elebundisi moyo egnu. ¹² Yagni n'epiere woo n'enteang empagn djuna yug wa yobeangagni ole kiagni via pwo wayen etshia gnu awoo mpi api nkembo na Nziam eshu e yande. ¹³ Lemfukagni na nkum a buu djwa na Yezu, lemfukagni e mpi na ntotila kesi nkum enenen, ¹⁴ Mpi na wa guvernele emitum woo djwi na mpea ndola n'aviar pwo ye djwi na nkumisa aviar akiye woo. ¹⁵ Ognagn eli luzolo e Nziam nde ntangu ekieye viya woo, otshung odjum e wa zoba, ni tuba tuba iwo. ¹⁶ Otshing epi lignu anfum ve, bonsomignu ekwon nzub ipwo ignu, kansi yagni kesi wa nsadi e Nziam. ¹⁷ Peagn lukumu n'aviara nkum, leagni atungagnu, yagn na wom e Nziam, pea lukumu na nkum e buu. ¹⁸ Wa nsadi lemfukagni na nkum agnu na luzitu enkum, lemfukagni epa kuna nkum agnu ayi woo ti ngagn e viar, kansi lemfukagni mpi na nkumagnu ayi na viya pwo. ¹⁹ Ogniagn si fuete nkumisa wur yug aleyen mpayi, notchini epi fuani ve ogniang na mabanza eli ndi na woo na Nziam. ²⁰ Ogniagn lukumu nge eli na wo wur emipea woo ndola djwa mikieye lisumu? Kansi yug omikiegni woo mpi oleyen mpayi ntangu emo pea wo ndola, eli lukumu neviya Nziam. ²¹ Eli djwi na woo e yo viagni Nziam, djwa Kristo mpi ayen nde mpayi djwi nagnu. Amososhungagn mbanu djwa olanagni ekuu ende. ²² Yezu akakie ata lisumu emog ve, kaku oyang ata emog eyi pwi n'odjum ende. Ntang ole twiki wo, aka vuraka iti. ²³ Ntangu e mpayi akakiaraka i pwo kansi atshuki nde etura na wur ejia mbag vi./ ²⁴ Avari nde ndemien masumu esug n'edjwung nde n'ekulunsi, djwa sikwon mvara lisumu mpi sizingi djwi na masonga, n'embug e wa mpur e nde aveyi gnu lubiko. ²⁵ Ayignu nyankum oleyunganagni kesi ameme imi vila. Kansi opeane otiyagni etayi e ngungudi ti wur ewum moyo ignu.