¹ Petelo, ntumwa e Yezu Kristu, n'angigien amipagn ne buu enkum, n'avear amisonwo, etay e Pontusi, Galatia, Kapados, Azia mpi Bitinia. ² Oshin o Tea Nziam etii ndjia vi ankum, e Mpeve eyison nde djwi la bulemfu ti mpi djwi n'alung ayitshag Yezu Kristu. Sianga ngrasia eyi na gnu mpi ngemba e gnu eyi ensign. ³ Siangagni Nziam, Tea e Nkum esu Yezu Kristu avi lusampulu. Ne ndolula e nde enen, amitepia mbutuka empa djwi na ekagn e vii amisasuvey. Vii amisasuvey eli ne mbug e mfutumuka e Yezu Kristu ne kati avear a ngiwa. ⁴ Ene eli djwi na vii ayasasu vey eye epayawa, epayakum mbin mpi epayagnugn. Enai wamowumagni le dzug. ⁵ Wamowumagni djwi la biu o Nziam ne mbug e lukwikilu, djwi na evug eyi pipi na nzabana ne ntangu e nsuka. ⁶ Oyayenagni kiese djwi la wo, ata yug opean eli mfunu djwa oyiagni na ntantu ne ti e wampay etshin n'etshin. ⁷ Etiyia ngigni djwa wasey lukwikilu egnu, lukwikilu elenga wolo la wuo, wolo etsambia yug watitsug ne tshia. Ene etiyia djwi na lukwikilu egnu evi na ifuta iwo n'osiang, ne nkembo ti lukumu ne ngia e Yezu Kristu. ⁸ Gnug okoyenagni, kansi oyoleangagni. opeane opoyenagni, kansi oti ndimagni nde e pi omopeagn kiese enen mpi nkembo. ⁹ Opeang otiviagn kamsi ekab i lukwikilu e gnug;lobiko e moyo e ngug. ¹⁰ Lobiko na ngrasia ene eyo wumagni wo gnug, wa profeta aling wo njia bikuma inkuma. ¹¹ Aliang wo na njia djuna nagni mpi ntangu nge mpeve e Kristo atukinde ndia wo. Viane alak'wo nntangu eyitubiki nde via mpay e Kristo na wa nkembo iyayia mbiy. ¹² Omoniki na wo nde waka kie etshia ewo wemie, kansi gnug, ntangu etubiki wo vum'ane etubba wo opeane n'aviar elongiki wo along a Nziam ne mbug e mpeve santu eyum dzug(vum edza ndiag ndir wa wanjio). ¹³ Ebuna, yimagni, yiagni viar akie viy nna kiteso. Yiagni na ekagni ofugn ne grasia eyo jiani wo n'esuie eyayia Yeso Kristo. ¹⁴ Kansi aman a bulemfu, oya kangamagni ne wa mpuy eyi djiki gnug ntang ekajiakagnug. ¹⁵ Kamsi wur eyo viagni ali santu, gnug mpi, yjagni wa santu n'ekwen e gnug enkum. ¹⁶ Djuna wamifugni:''yiagni wa santu, djuma memie nde sant''. ¹⁷ Yu oyanviagmni''Tea'' wur'bag viy epithinson n'ilung na etshia aviar, veagni ntangu ekien e gnug n'ondur. ¹⁸ Oyajiagni nde ekayia n'ekeri to na wolo etsha mpuon eyo limagni wo ne mbug e gnug ipwo eyolongagni a Tea gnug. ¹⁹ Kansi, ochumagni wo gnug n'alung a mbalu e Kristo eyeyi kamsi imene ekwon bifu na ekom. ²⁰ Ason wo Kristo nteang okili na nsalema, kansi opean, ne ntangu ene e nsuka, amizabana etay e gnug. ²¹ Oya jiragni Nziam ne mbug ende, afutumuki nde na kati aviar a ngiwa mpi na nde opiwo nkembo djuna lukwikilu ti ekagni esu eyi na Nziam. ²² Otitiemagni moyi ignug na mbug e ndemfukka ne viaviy. Ene ayiwu oleang atung e djui dju, leangagni biu gnug na gnug n'etura ofugn. ²³ Omibutukagni impa, epa djuna nkeni e ngi pwon, kansi na nkeni epitsi mpwon ne mbug e otuba e luzingu otsok e Nziam. ²⁴ Djuna wur enkum ali kamsi idjiu, nkembo ende enkum kamsi fololo e idjiu. Idjiu ayum mpi fololo elog. ²⁵ Kansi otuba e Nziam asatsua otsok'' Eli along a Nziam oyokabigni wo.