¹ Amana me nsiya, oyandimagni mpeve inkum, kansi, jiagni lunguka, mpeve djwi na nja yug eli e Nziam, djwi wa ngunza oyang wa misue n'ebuu. ² Kokog, ayijiagnu mpeve i Nziam- mpeve inkum eya jia Yezu Kristo ayinde na djung aviar ali e Nziam. ³ Kansi mpeve inkum epindimi Yesu, epa e Nziam. Eli mpeve e mbeni e Yezu e yug gnu eleye, ti luene, eli buu. ⁴ Oliagni e Nziam, amanam'eliang me, ota lungagni, djwi wure n'ekati gnu aleng wureli ne buu. ⁵ Wali ne buu; kangagn ekume tuba wuo eli ebuu mpi aviar buu wa ya yug. ⁶ Sili e Nziam, wure nkum eja Nziam a se yug. Wure epa e Nziam apateyug, djui na wog siya ja mpeve eviavi ti oyang. ⁷ Amana me ansiya, si yagni, na ngagn sug na sug, djwi ngagn eli e Nziam; mpi wure nkum eleang ayim etaye Nziam mpi ayo jia. ⁸ Wure etun aviar a pija Nziam; djwi Nziam ali ngagn. ⁹ wi na sug; to lir Nziam atumi nde mon nde emok n'ekati buu siviya luzingu djwi na nd. ¹⁰ Djwi na wog eli ngagn, epasug aviar eleang Nziam, kansi nde wure eteleang, a tshini nde mon nde atshu vwer djwui na masumu e sug. ¹¹ Amana me ansiya, yug ya kieleka Nziam aleang aviare, sug mpi si leangagni sug na sug. ¹² Kaku wure miyen Nziam, yug si leang sug na sug, Nziam ali na sug, mpi oleang ende emimonika penza na sug. ¹³ Djwi na woo, si yajia sipier n'ekati nde ndiko mpi apier nde kati esug, ognagn a te pia mpeve i nde. ¹⁴ Si m'iyien mpi si mindima Tea a mitum mo n'ende djwi ayi ngulusi e buu. ¹⁵ Wure nkum ekia ndja Yezu aii mone Nziam, Nziam ali na kati nde, nde mpi n'ekati Nziam. ¹⁶ Sug mpi, simijia simikwikila nde Nziam a s'eleang. Nzian ali ngagn, wure epiere n'ekati ngagn a piere mpi n'ekati Nziam, Nziam mpi apiere n'ekati nde. ¹⁷ Djwi na woo ngagn e Nziam emikum wuo mingi kati esug, ogniang si yi n'ekagn n'esue e mpum e woo, ogniagn otshi no yinde, otshino elisug n'ebuu ene. ¹⁸ Ondii eli ngagn wom epiku ngia neti. Kansi, ngagn e nsign ekema womo, djwi wom ekab ndola. Wure nkum eyug womo aka ya na ngagn e nsign. ¹⁹ Sa leang ogniagn Nzeam amite leang nteang. ²⁰ Yug wure atuba ndenden : "Ndeang Nzeam " kansi apileang otwungnde , ali nkea oyang. Ognang wur epileang otwung oyende na viy, apikug ndeang ve Nzeam etoyen nde ve. ²¹ Ye ku diaka ene eli onkwon omiveasu etay ende : wur enkum eleang Nzeam afwete mpi ndeang otwungnde.