¹ Wur enkuma endima Yezu owur la Nziam. Wur eleang Tea ajliang mon nde. ² Djuna woo siyajia siliang mon'eNziam: Ntang' eliang yie Nziam bi sadila onkwon. ³ Lir oshin, oliang su Nziam:yug siyawum enkwon, enkwon epiyie lampay ve. ⁴ Wur enkuma emindima Nziam amivia elung le buu:lukwikilu esu. ⁵ Wur e wu nagn emivia eloung le buu? eli wur endima Yezu alinde mon'eNziam. ⁶ Tolir wur emiyia la vay ti alung: Yezu akayia kaka la vay, kasi ayinde la vay ti alung. ⁷ Wali wasar wakwb vi ochin oyiwo. ⁸ Mpeve, vay ti alung, isar ine wayokana. ⁹ Yug si yandima vi aviar, via Nziam ali koluta. ¹⁰ Wur endima mon'Enziam akap vi ochin oyende. Wur enkuma epindimi ve avey Nziam wur oyang, djula nde akandima ve via tubi Nziam djula mon'nde Yezu. ¹¹ Lir viatubi Nziam, amipiya aviar luzingu emvwe la mvwe, luzingu ewo elila mon'nde. ¹² Wur emindima mon Enziam a la luzingu; wur etun mon, kakunde na luzingu ve ¹³ M'ofignagni viane djula ojiani, yie ola luzingu emvwe la mvwe, djula gnu aviar andima Yezu mon Enziam. ¹⁴ Yempi, ekagne sug eliya nde; yuk si yawigna vin sande lochin eliande,nde ayuk aviar. ¹⁵ Yempi siyajia ayuk aviar, vim enkuma esiwignasu, sijia sitivia vin ewignisu. ¹⁶ Yug wur ayen ontwung onde akie lisumu evara le wa sambila djuia nde. Mpi Nziam oyompeande luzingu. Via tubime eli djula akum' aleki masumu epivari ewa; epantuba na nsama djula wo ve. ¹⁷ Vi a pwo ekum eli lisumu eli la lisumu emok episi mvara lewa. ¹⁸ Siya jia wur'emibutuka na Nziam apitsikie masumu ve. Wur emibutuka na Nziam atsande batela luzingu ende, wur wepwo apokie ipwo ve. ¹⁹ Si jia siyim ya Nziam bi buu ofung elile mbwo ewur epwo. ²⁰ Kasi siya zia wuo mon Enziam ayindi amipea aviar wagn enziam wur ensatuba viavi, alilekati e mon inde Yezu. Nde Nziam ekieleka, mpi luzingu emvwe la mvwe. ²¹ Aman ame, luragni biteke.