¹ Liragni oliang nge Tea emiselea nde, djuna wavi aviar aman a Nziam, mpe sug sili aman Nziam! djuala wo, okir epi te jia, djua okajia Tea. ² Aman a nsea, eyum luo sili aman a Nziam, otshin eya yiasu etozabani. Siya jia ntangu eyayia Kristo, ayayiasu otin eli nde, mpi ayoyen su otin eli nde. ³ Wurenkum ali na lukuikilu na vialeyi djuna Kristo atieme luzingu ende, otshin eli ndemie ngitieme. ⁴ Wur elefuli na nkie ipwo apilemfuki na onkuon, djuna disumu eli nkuon ndefuka n'onkuon. ⁵ Oya jiani gnu gnu Kristo ayinde djua na ndima masumu isu, ye mpi yande kaku disumu ve. ⁶ Wur enkum epier n'ande apafikie masumu. Wur enkum aleki masumu atoyen mpi ato oji. ⁷ Aman asu, ya siangagni wur adjimagni. Wur ekie via masonga ali wur e masonga, otshn o Kristo ndemien alindi wur e masonga. ⁸ Wur elekiy disumu ali wur e diabulu, djuna diabulu amikie masumu eyum itshi i buu. Djuana wo mon e Nziem azabani nde djuna ndjak etshia diabulu. ⁹ Wur emibutuka na Nziam epikii disumu, djuna nkeni e Nziam eli na nde. Apiku mfula na nkie masumu, djuna amibutama na Nziam. ¹⁰ Djuna wo, aman e Nziam na aman e diabulu wami zabakana. Wur epiki masonga apali e Nziam, wur epileang otung ende apali e Nziam. ¹¹ Liragni viy ayi yugnu eyung itshin i buu:si fuete ndiagni sug na sug . ¹² Epa otin e kayina eyi wur e diabulu mpi eyi djag otun ende. Mbi dju na nge eyodjag nde? Djuna etshia ende ayu ipuo, kansi etshia otung ende ayiwu masonga. ¹³ Oya yitukagni ve, atung, yu okir elotunagni. ¹⁴ Siyajia nde siyum n'ewa simisue ne luzingu, djuna siyaleang atung. Wur ekuon oleang n'ande, atisatsia n'ewa. ¹⁵ Wur etun otung ende ali ondjag wur. Mpi oyajiani nde luzingu e mvue na mvue kakuwu na ondjag wur. ¹⁶ Simijia oleang djua Kristo awindi djuna sug; sug mpi, si fuete mpea luzingu esu djuna atung. ¹⁷ Kansi wur elina vum ankum a buu, mpi ayen otung na mpay, amotshung etura mpe akosadisa, otshin nge oliang e Nziam asiyiawo na nde? ¹⁸ Aman ame, sikuon ndiang n'otuba ti n'odjum, kansi n'etshia mpi ne masonga. ¹⁹ Djuna wo, ayajiasu nde sili ne masonga, ye mpi aya kiyasu itura ne ntiang ende. ²⁰ Djuna yug etura isu etefugn, Nziam ali onen kuluta etur'esu, ayajia viy ankum. ²¹ Aman a nsea, yu etura esu epitefugn, sili na ekagni biu na Nziam. ²² Vum enkum esolingasu, asiviasu n'ande, djuna sitiwum enkuon ende ye mpi siyakie wa vum eleang nde. ²³ Ene eli onkuon ende, djua si jir ne dzini Mon nde Yesu Kristo, mpi siyiagni na ngagn sug na sug, otshin eyiteleang nde ndemien. ²⁴ Wur ewum enkuon e Nziam apier ndia Nziam mpi Nziam apier na nde. Djuna wu,siyajia nde Nziam apier ndia sug, ne mbug e mpeve eyitepi nde.