¹ Aman ame aliang, mofugnagni vum'ane, djua okuonagni ndog ne disumu. Yu wur atilog ne disumu, sili na wur'etuba etay e Teya, Yeso Kristo wur e masonga. ² Ndemien amitsha vwer djuana masumu isu, epa kaka isu, kansi aviar ebuu ofugn. ³ Yu simiwum enkwon e Nziam, elintuba simojia. ⁴ Wur etuba: mijia Nziam, kansi apiwum enkuon ende, ali wur'oyang, kakunde na viavi. ⁵ Kansi wur e wum otuba e Nziam, ngagn e Nziam eli ofugn etay ende: siyajia nde sili siande. ⁶ Kansi wur etuba apier na nde afuete nkien otshin eyikien nde ndemie. ⁷ Aman a nsiya, epa eli onkuon empa emofugnagni me, kansi onkuon e ntama eyivignu eyum itshin i buu; onkuon e ntama, eli otuba eyi yugnu. ⁸ Kansi, eli onkuon empa emofugnagnimi gnug, eli djui djui na nde ti na gnug, djuna mpib etilim ye mwinda e wuo epiey. ⁹ Wur emituba ali ne mwinda, kansi apileang otung, ali ntete ne mpib. ¹⁰ Wur eleang otung ende apier ne mwinda, apalog n'ibawu. ¹¹ Kansi wur etun otung ende ali ne mpib, alekien ne mpib, apijia etayi eletshinde, djua mpib eto tshung viy. ¹² Ntofugnagni, aman aleang, djuana masumu ignu ivia ndolula djuana dzini nde. ¹³ W'atea, ntofugnagni, djua omijiagni wur eyiyii ntama n'itshin i buu. Ntofugnagni , inkuoo, djua ominungagni nkia'oyang. Mofugnagni, aman aleang, djua omijiani Tea. ¹⁴ Ofugnagni me waTea onkean, ognang omijiagni wur eteang eli itsin ivi ankum. Ofugnagni me enkwo onkean ognagn alagni biu, ognagn mpi otuba e Nziam emipier na gnu, ognagn mpi ominugnagni nkiy-oyang. ¹⁵ Opileagnagni buu ene ti vim ale buu. Yug, wur emog aleagn buu, ngagn e Nziam epikungia na nde; ¹⁶ Ognang vim ankum eli ne ti e buu, mpusa e djung, mpusa e vim aleang viy, na omwong e luzingu e buu, ipikungim etay e Tea Nziam, kansi eyim etay e buu. ¹⁷ Buu enelag, na mpusa inde mpi ; kansi wur ekie luzolo e Nziam ayapier nde ne buu mvwe na mvwe. ¹⁸ Aman alieng, ene eli ntangu e nsuka; oshin emiyug gnu nde antiKristu aleyi; lwo ene wantiKristu wayikum mingi: kog enagn sijia nde sikum ne ntangu e nsuka. ¹⁹ Avear anagn wamipwe ne kati esu kansi wakayia avear a su; ognagn yu, wayi avear a su, anasatsuga wo na su; kansi kangagni emonana polele nde waji nde avear ankum wakayia avear a su. ²⁰ Djwa gnu, omiveyani vir a Nziam l'ewuo e wur eyi santu, mpi omijani vi nyankum. ²¹ Ntofugnani, epa djwa opijiani masonga ve, kansi djwa olajiani mpi kaku oyang omog ve etsanzum le masonga. ²² Wur eyi oyang, eli wur epijir ndenden Yezu ali Kristu. Wur enai ali mbeni e Kristu, etsantun Tea Nziam ti Nziam e Mon. ²³ Wur enkum epijia Mon, apijia Nziam e Tea ve, wur enkum ejia Mon, ajia ku Nziam e Tea. ²⁴ Nding vi amiyug gnu eyum itsin i buu isatsiga la gnu. Yug vi amiyug gnu eyum itsin i buu atisatsiga la gnu, asisatsigagnu ne kati e Mon ti ne kati e Tea. ²⁵ Elac eyopiande eli lzingu otshwoc. ²⁶ Mo fugnagn' onkeana djula aviar a lodjimagni. ²⁷ Djula gnu, vir a Nziam evignu epier ndagnu kaku mfunu'endongagni ve, ka via Nziam. olongagni nde via kuma, viavi, epa vi oyang ve djiagni kalong amiviagnu. ²⁸ Ntagene aman ame yiani yande, eswi eya yiande si payen nson ve ntama mpi ve. ²⁹ Youg oyandima viande, jiawo wur enkuma ekie woo ayim lande.