¹ Vim ayi l' itsin i buu (ayi yug su, ayi yen su la viy asu, ayi lirsu ti ayikirsu na mbwo isu) le dzug otuba o luzingu. ² Luzingu wemie mpi eyipwi le viy avear ye eyi yensu, ye mpi sikab oshong l'avear. Silokabagni oshong o luzingu e mvwe na mvwe, eyiyiki ondi omog nda Tea Nzeam, mpi eyiseyegniwo su. ³ Vi ayiyensu ti eyiyugsu, silokabagni mpi, djwa oyiagni na ngindu imog na su. Kimvuka esu eli su na Tea Nzeam ti na mon nde, Yezu Kristu. ⁴ Silofugnagni ku vi ane djwi na oseang to kiese esu eyi ofugn. ⁵ Liragni oshong oyiyugsu etay e nde mpi okabagnisu : Nzeam ali mwinda mpi ye ne kati ende kaku mpib ata fioti. ⁶ Yug situba nde sili kimvuka su sa na nde kansi silekien ne kati e mpib, sidjim oyang ye sipitubi viavi. ⁷ Kansi yug sitikien ne mwinda oshin olinde ndemie ne kati e mwinda, asiyiasu ne kimvuka sug na sug ye alung a Yezu Kristu, mon nde asisetiemewo mpi asiselimawo masumu inkum. ⁸ Yug situba susun kakusu na masumu, sidjim sie mie oyang ye mpi viavi kakuwo na su. ⁹ Kansi yug sifunguna masumu isu, ali wur epea oyang mpe wur e masonga ye asiselolulande mpi asisetiemende ne vi apwo akie su. ¹⁰ Yug situba susun sipiki masumu, silopur nde nkea oyang ye mpi otuba onde kakuwo na su.