¹ Yezu ma kab nde diak mbon:" me nta kab dji-dji: Amwa alana apowa be tii kayen wa kimfum e Nzama ngize labir. ² Lembeyi enshu isambia, Yezu me vey nde Pier, Yakob et Jang. Me ka nda wa le ngum etaa; luna eyiwa kewa nge wa. Dzung ende me shwome wa le veyi iwa. ³ Alama nde me kumza le tshiam, me kum za see. Nsa wur emwotuk le boo afwan etsuk wa mbwini. ⁴ Ntang ngeni, alongoki asar me yen Eliya nda, Moyize we zam wa Yezu. ⁵ Pier me tib nda Yezu nda mugne: kazawa nsa so kizano ana; so tung no ntente isar, emwa itsen laya, emwa itsen la Moyize, emwa itsen la Eliya. ⁶ Itsen nde eyinde apeyia be eme nga tib nde, itsen nde eyinde la we na eti alongoki amwa. ⁷ Lundende, ebung, me kwaza oka nge yiwa. otib emwotuk me pweza leti:"ngena ale van me nge pa lang me ivre. yuk no nde". ⁸ Mbal emwotuk, alongoki me zawa le kiang, wa te yen wur inki be, k'e Yezu nd'imie etiwa. ⁹ Ntang nge yiwa ikeye ngumu, Yezu ma pande nsik: ope kab no ata wur be eshuong nge me fa no leyena, tii van nzama ka zum nde lewa. ¹⁰ Etib wa eshuong ngeni avar asar, me yul wa, wa la wa: lezum le wa,olak nge? ⁵ Yezu me yule nde wa : obuyino la amwen ikwe? me kale wa mvur: isambia. ⁶ Yezu me tib nde nda avar ekokin, kierno anse. Yezu me vey nde amwen isambia, me sakamuna nde za, me pa nde lewa alongoki nde, likabisa avar ekokin. Alongoki me kabisa wa za. ¹⁴ Ntang nge kal wa oka ngeyi alongoki emwa,me za yen wa oka ameyu. Along ansik eyiwa etsuk ntem wa longoki nge tshig. ¹⁵ Ntang avar konso me yen wa Yezu, me yawa bama,mpi me kien wa lepi Yezu mbor. ¹⁶ Me yul nde alongoki nda mugne: ntem nge, nge tsuk na wa? ¹⁷ Mpi wur emwa e kimvuk ni mokal nda mugne: long,me moyil van me empam, mpeve epwa amo tsuk nde nk'le. ¹⁸ Konso tang, ozuk mpeve ni amokir nde, za efetele lotom nde le boo, ful-ful epwe lodum, nde dzera adzen bir, dzung ende bir nso osung. Nduk me ze wuon me alongoki eya lale pur mpeve ngeni, kansi, wa ta kuk be. ¹⁹ Yezu nda mugne: A, no lukwikil be !kaza me ma no tii ntang nge? me efetele lakang no etum tii le ntang nge ? ongino van za ana. ²⁰ Moyil wa van. Ntang van ni me yen nde Yezu,mbal emwatuk, me nik za van. Me kwande, me tshi-tshim nde le boo, ti ful-ful lodum. ²¹ Yezu me yul nde taa van;" nkang na ame bagne ishu ngie? Taa nda mugne, bagne oliang ende. ²² Mpeve po ban za nde ivre letshia ti levey. Pa ling za ke lodjak nde. Kan yo lang le kia konso ngeni, wila avar ngi, sarsa so. ²³ Yezu nda mugne: yo me tib za : ka-na, kan yo ka kuk. Eshuong kokin mpe le mpasi be la wur nge yir. ²⁴ Taa van ngeni me tib nde lotib ebir: me me yir, kansi onsarsa me, itsen kudim eme ile itshi. ²⁵ Ntang Yezu nge yen nde avar ize ivre, me ngang nde mpeve epwa: ye mpeve nge me kumisa van ngena nkle, nge modjak ati,me nto kab ya: pwe lewa van ngena,yo pokuk lekal diaka ledzung ende be. ²⁶ Ntang ngeni mpeve me tib lobal,mpi monik nde dzung bir, za me pwe. van me za nde nse wur e ngawa. Ebo avar eyen wa mugne nde amewa. ²⁷ Kansi Yezu me kir lewa, nda mugne mpi van me zum nde. ²⁸ Ntang Yezu me swende levle ti alongoki ende,ntang me yiwa ke wa la wa, alongoki me yul wa mugne: itsen lange, so pe kuwu lepur mpeve ngeni be? ²⁹ Nda mugne:" lepur mpeve otin ngeni, ope kuk lekie me inki be,kansi yo fetele le sam ke Nzama" ³⁰ Ntang nge lim wa ani,me lung wa le boo e Galileya. Yezu ayinde ape lang be avar ayir wa mugne nda me kum oka keni. ³¹ Itsen nde eka kaka le long alongoki ende nda mugne:" ka sar wa van wur lengwa avar, mpi ko djak wa. Ozuk wodjak nde, lembeyi inshu isar, ka sum nde lewa." ³² Kansi wa ta bakisa ntib ngeni be. ³³ Me pwe wa le Kapernawum. Ntang nge yinde levle, Yezu ma yulnde wa:" ntem nge tsuk no lembok enge?". ³⁴ Kansi,me zawa nie, itsen lombok eyiwa etsuk ntem wa lawa leyia kan wur ne ngele insul. ³⁵ Yezu me kier nde anse, me vinde alongoki ende djum lipe, nda mugne ozuk wur eling leza onter,ka zande onsuk avar kokin mpi wur tshia avar kanso. ³⁶ Me vey nde nga van mpam,mo tsuk nde losu wa, movey, nda mugne: ³⁷ konso wur nga yam,ledzen me, nga van ekiang otin ngena, nda yia ndamugne:" nde pa me ngiam ke me be, kansi nda me yam mpi wur nge tum me". ³⁸ Jang me tib nda Yezu: long, so me yen wur emwa luna eya lim mpeve ledzen eya. Kansi nde pa le wur eso be. Me tib sande sa mugne: obia kie otin eshuong, itsen ye mpe wur esu be. ³⁹ Ke Yezu nda mugne: no pokuk lokang no nde mbok be; itsen wur nge kie eshuong e ngituk ledzen eme, nda pe kug atib eshuong epwa be itsen la me kaka ntang ke ni. ⁴⁰ Itsen wur ngele mben eso be, ale ewur eso. ⁴¹ Me nte tib mano dji-dji, konso wur nga pa no ikop ivey ana itsen no lano avar ame Klitu, nde ka va nde matabisi ende. ⁴² Leti angavan ngena,otumeme ile lewa wur nga bin emwatuk leti e masum. ka zawa nsa lebam wur ngeni itar ibir le nking, wo tom nde le nzaa okuwu. ⁴³ Ozuk ewa eya otwa lekie masum,biak za. Kaza wa nsa leza ewua emwatuk yo va moyo e nsa, ⁴⁴ Ke leza langwa ipe zo twa ya bilung. ⁴⁵ Ozuk eku eya obin lekie masum,biak za. Ile nsa leza leku emwatuk lale za la luzing ekre-kre, ke leza la nku ipe,lemeyi Nzama otum. ⁴⁶ Limf'egne nga pa la enung avar, elewa ape wa be, tshia mpi elewa epe sia be. ⁴⁷ Ozuk dzeyi eya obin le disum, lim za. Ile nsa le za la dzeyi emwotuw,yo shie le kimfum e nzama, ke teza la veyi ipe,zo tom ya le bilung. ⁴⁸ Ani limf'egne nge pa la enung avar, eluwa epe wa be, tshia mpi elewa epe sia be. ⁴⁹ Wa efetele epa makab konso mbok emwatuk ti okumu, konso wur Nzama laloyir nde, nde efetel le ling tshia. ⁵⁰ Okuwu ile emie ensa, kansi, ozuk nken ende eme sia,otin nge nken eza kakal za? Zano nse okuwu leti no, zing no la la ngem leti eno.