¹ Yezu; itshinde otaa, me pwende le boo e Yude otaa la Yordan. Mbala avar me zawa oka nge yinde mpi otin ngena ekom e nde; me bagn nde le long. ² Wa Mfarizi mozo yenwa-nde; mpi momek wa-nde; mo yul-wa nde zuk, mpam efan a sang wal nde li-va? ³ Nde ma kal-nde mvur: nsik e Moyize etib ndamugn? ⁴ Me kal-wa mvutu: Moyize ndamugn efan oson okan le pag ti le sang onkar. ⁵ Mpi Yezu me tib ndawa: ele itsen l'otia bir eno nduk za Moyize etib nde otin ngeni. ⁶ Le luyantik Nzam egang nde mpam ti onkar; ⁷ Nduk za mpan kalim nde l'evra e taa ti maa nde kanab nde nda wal nde. ⁸ Mpi wa p'e kakumwa djung emotuwa. Ani mp'wa le diaka avar ap'e b'e. Kansi wa le djung emotuwa. ⁹ Wur nsuwa be le kabisa nge me bam Nzam. ¹⁰ Ompa nge na wa le evra wa alongoki mo yul-wa diaka oshuong ngeni. ¹¹ Mpam nge me sang wal nde, zuk amevay war inki, amekie oluba. ¹² Zuk onkar ame-lur wum nde, a me vay mpam inki, nda mekie oluba. ¹³ Me yiwa angavan wa nde, kansi alongoki e nde me tun wa lepi avar mbok, le twa avan wa Yezu itsen nda akir, ¹⁴ Yezu ma yen nde, i me zuk nde epwa; mpi me tib nde amwign: sangno angavan waze wa me , sa dib-mowa mbok:ok'ma e dzuk ile itsen la avar nge na bonso angavan ansie. ¹⁵ Yezu wur atiling kimfum e dzuk mbonso van e nse be, wur ngeni a poswie be le ti. ¹⁶ Nde ma avay nde le ngwa e nde, ma-sampul nde wa, ma suk nde ngwa l'otia. ¹⁷ Yezu eyinde le mbok le ka, wur emotuw me zande ivang, me kwande le nku e Yezu, le osu e nde: long e nsa, me nkie otin e nga itsen me mv'e kimfum e kimakul? ¹⁸ Yezu me tib nde: itsen la nge vi yia long e nsa? wur nge le nsa ele k'Nzam nda mimien, ¹⁹ Yia oyia nsik: sa kie olab, sa dzak a avr; sa dzir, sa kie itshu, sa bangik otung; sak taa yia ti maa yia. ²⁰ Nde me kal nde mvur: long me patizitisa me wa nsik ngena kukin bang nge time ingavan. ²¹ Yezu mokiang nde mo lang nde,mpi mokab nde eme kwan emien emotuwa. Ka sar abim ayia konso, vay ek'ra pa angomboo. yia kava yia matabisi le dzuk. Mpi zak, o ndaba. ²² Kansi otum mpasi itsen abim ngena nde laza ele ntal. ²³ Yezu me kang nde pipi la nde, me tib nde nda alongoki e nde: kazawa mpasi la avar a nga ekr'a wa le tshie dzuk e Nzam. ²⁴ Alongoki me yituk wa la eshuong nge tib Yezu. Mpi me tib nde ikaa; avan a me, ele mpasi la anga ekr'a le swhe le kimfum e dzuk e Nzam. ²⁵ Mpi ele mpasi be la ngombe le swhe londum e sidan, kansi nga-ekr'a mp'ele pete be land'e le swhe le kimfum e Nzam. ²⁶ Wa longoki me yituk wa diaka ontshuna. Me tib wa wa la wa: ni nga swhe? ²⁷ Yezu m'akang nde, me tib nde, wur a pokuk be kansi nzam kakuk nde; itsen Nzam pasuk e me konso. ²⁸ Piere me tib nda nde: kang, so kemelime, mpi obabsu yia. ²⁹ Yezu me kal nde mvur: me ntakab-no masong, wur kokin ngalim evra e nde, ank'nam e nde a pam to onkar,ma nde ta nde aven ande; boo e nde itsen lame mpi itsen la nsang e woo. ³⁰ Kavande mbal nkama, le boo ngena, mvra, atung ampam ti ankar, aman, avan mpi wa boo, ti mutugisi, le luzing e mvia la mvia. ³¹ Avar mingi ngeyi ontete kakim wa onsuk kansi wa onsuka kaku'm-wa ontente. ³² Eyi wale mbok leka Yeruzalem, mpi Yezu me yinde l'osu e wa. Alongoki e vay wa trouble mpi wo lab nde le mbiy ti womo. Yezu ma vay-ndu wa kakin dzum lip'e, m'akab nde wa ngozil nde. ³³ Kang, so kivan Yeruzalem,mpi kasar wa van wur le waa ansule angang a Nzam. wa kobeg wa nka ewa. mpi kosar wa nde le waa ampagne. ³⁴ Kozwawo nde twa, kof'lawa nde atshi, konuwa nde afim, mpi kodzak wa, kansi le mbiy e nswi isar kafutumuka nde. ³⁵ Avan Azebed'e, Yakob nda Jang, me pusan wa la Yezu: mpi me tib wa: long, so kelang yia okiel su eme nga ling'so le wa yia. ³⁶ Nda'mwign: eme ngi nge lang no me kie itsen la no? ³⁷ Wa me tib wa mwign: katshuk yia so emotuw l'ewua ewum emotuw l'ekur e wara, ntang nga zayia le nkembo e yia. ³⁸ Yezu ndamwign, no eyiano e me nge lingno ! no kakuk no leyir mpasi nga kayen me? ³⁹ So k'kakuk,mvur e wa: Yezu ma kal nde mvur nsunsok,no kayen-no mpasi nga yen me,mpi no kavayno mbotika. Mbotika otin nga vay me. ⁴⁰ Kansi la leza nga kier ans'e l'ewua e wum i e wala, mpi kafliwa wa me be; ekaa ngeni kapiwa le wa avar nge wum wa. ⁴¹ Alongoki dzum emwana me yen wo okene e Yakob mpi e Jang. ⁴² Yezu m'avi nde wa,me tib nde: var nge paviwa wa nk'mu pa yalwa l'ibir ibir. Yiano avar anene papaywa nsang owu wa le tikiyeke. ⁴³ Kansi no-la-no mpi ele mbosa be, wur nge lang leza insulu le kati no; aza boy; ⁴⁴ Wur nge lang aza ontete e no; aza mpik e wur konso. ⁴⁵ Van wur ezinde ,mpi itsen nda kiel-no, mpi itsen no okiel no nde be, mpi ezinde itsen lepa luzing e nde bonso makab. ⁴⁶ Me kum wa le Yeriko. Ntang nge pwe Yezu ti Alongoki a nde ti mbal avar ene; van Tim'e, dzin inde Bartim'e, ngena paling nde ek'ra le waa avar, mpi viy a payen be, eyinde nga kier ans'e le bukul e mbok. ⁴⁷ Me zuk nde Yezu e Nazaret; me bagn nde levi obal, Yezu van Dawid onzuk ngi. ⁴⁸ Avar eyiwa ongang nde zadzu,kansi nde avi k'obal diaka van Dawid, Yezu onzuk ngi ! ⁴⁹ Yezu me mar nde: me tib nde vino-nde. Wa meviwa wur nge le viy nga wie;me tib wa wa nde tshuk kikesa,mara; nde ovi. ⁵⁰ Wur e viy nga wie me tom nde kazak e nde mpi me mar-nde; me kiende mp'ri eyi Yezu, ⁵¹ Yezu me tib nda nde: E me ngi nge lang yia me nkie itsen la yia? Rabbouni, wur e viy nga wie me kal nde, me te lang viy e me ekang. ⁵² Yezu me tib nde: kiena;lukwikil eyia a mosab yia. ka ntang ngeni viy me kang-wa, mpi me labnde Yezu.