¹ Yezu me tum-nde alongoki ande lepr'e nguma Olive e Betani. ² Kano le waa oso, ntang nga pweno, no kayen no ivan impun, nga me bam'wa lesim, ngena ata wur apa to sadil be, surno wa esin, zano na za. ³ Kozuk wur a ma yul no: itsen lange, nga vey no za, kal ne nde mvur: nk'ma a le la mfum eza, nde kaze kalnde za sesep na. ⁴ Ntang me kawa,wa me yen wa ivan impun le lien efuk, ti le mudzung e mbok, e wame sur wa za. ⁵ Nda avar ngeyi leti ewa me tibe wa: na kie ne nge? itsen nge, nga surno ivan impum? ⁶ Wa me kal wa, otin nge tiba Yezu. Wa-me sang wa ivan mpun le tar. ⁷ Alongoki me twal wa Yezu ivan impun, mo surwa a lama ngeyi leti nde, Yezu me kier nde anse le djuk eza. ⁸ Ivre avar me zung wa ensang le mbong, avar a mwa me biag wa nkaya. ⁹ Avar a mwa me ful wa oso, amwa me ze lab wa Yezu, la nkung le tiba: Hozana, lokum iza le wa wur nga za le dzen inzama. ¹⁰ Lukum iza lukum nge ize,lukum le waDavid, ta so, hozana loka ngena ledzuk. ¹¹ Yezu me swende le Jeruzalem,leti evre enzama, tang ngo pa wa lukum,kanso ayuwa retar,nde me kande le Betani eti alongoki ande dzum lipe. ¹² Ompa mpiy, le mbey nde me pwende, me kande le Betani, wa me kalwa. ¹³ Ntang nge yinde kota fioti nde me yen nde osung e Figi, nde me kande le kiang kozuk za yiwa la mbur. Ntang me kum nde pipi lo sung ngeni, nda ata yen emie be, ke nkaya, sam ntang-eyia,le wura mbur apa to kuk be. ¹⁴ Lembey Yezu me tib nde osung ngeni, avar a po la be mur iyia, alongoki ende me zuk wa otiba ngeni. ¹⁵ Le ntang me kum wa le Yeruzalema,Yezu me swende evle enzama, nde me koum-nde avar ngeyi e sar, la avar ngeyi esum leti evre Nzama, nde me mvum-nde wa mesa avar pa shuoama-wa ekra eti wa kiti avar nge sar wa pizion. ¹⁶ Ata wur be nge vara abim ngeni evle enzama. ¹⁷ Nda yinde along wa nde, wa pa toson be lo nkan enzama: evre eme kazawa evre e bisam,itsen la familia ewur kanso, kansi no me shim-no za evre anga wima? ¹⁸ Ansur angan nzama eti ankum ansik, ompa me zung wa, me ling wa mpil,la lodjak nde, kansi wo me zuk wa, womo, isten ishura avar ayiwa sadil malong ende. ¹⁹ Ompa me yie oshu, Yezu me pwende le wa enen. ²⁰ Mafe nge leng nde, alongoki me zawa me yen wa osung e Figi a me zum ti le nsimbul. ²¹ Pier me kan nde oshuong nge tib Yezu, ntang me liawa,Yezu me tib nde: Rabi kiang, osung nge sing yia. ²² Yezu me vey nde otiba me tib nde: zano la lukwikil e Nzama. ²³ Yezu metib nde,me ta kabe masong, kozuk yia o me lowa otun le wa nzama, yo len le tiba ledzuk e nguma ngena, lim ani ,ka lok le nza, kozuk yia ota za be lotum epe-pe; kayirya eme nge tib yia, ya kasalama wa,yi mpi ka kieya. ²⁴ Itsen la za, me ta kab no,konso eme nga ling no, lobuk e bisam, yirno, za no la lukwikil me no kavano za, lembey nzama kapande no ya. ²⁵ Ntang nga zayia onzuma, nge sam ya nzama, kozuk emie epwa la wur inki,lolul nde limbey ta nzama nge na le dzuk,kololulnde yia mpi le makab. ²⁶ Kozuk yia, ope lolul be, ta nzama nge le ledzuk, apo lolul mpi be le makab. ²⁷ Yezu eti alongoki me kalwa Yeruzalema,ntang Yezu nge yinde etara letie evre nzama, ansura a ngang nzama, alongoki, eti ansura ansik me zawa. ²⁸ Wa me yulwa Yezu: yia kiyek ngena, nge kieya abin ngena? wur ni ngo paya kiyek za? ²⁹ Yezu nda mugne,me mpi me nte yul no; okab no e le bir eni pa kieme avi ngena? opano mvur me mpi ka kab me no. ³⁰ Wur ni nge tshing Yoan le pa avar mbotika, Nzama ka tib nde, me mpi ka pa me mvur. ³¹ Wa me mbagn le tsek nteb wa la wa, kansi so kakal so mvur: nzama wur ngo tshing nde, nde ka yul nda avar: itsen la ngie no pe kukwikil no eshuong e Yoan be? ³² Ozuk so me kal mvur: avar ka lur wa avar womo, sam avar kanso aye wa, we Yoan ayinde Profeta e kieleka. ³³ Lembey Yezu me kalnde wa nde: se pe ye be, ibun Yezu me tib nde, me mpi me nka kab no be kiyek nga mpa kieme itsen esshuong ngena.