¹ Yezu me tib nda wa la bingan. Wur emotuw ekum nde osung e vine. me kielnde za opang me shwiy nde avar otshia, nde me kien nde boo inki. ² Le tang le kuwu mbim, nk'mu me tshing nde avar otshia e vr'e itsen le vay mbun e vin. ³ Kansi wo okir wa nde, modzakwa nde,mo kum wa nde mekal nde ngwa epu. ⁴ Me tshing nde diaka wur inki; wa modzawa l'otia ompi mo bayewa eshuong. ⁵ Me tshign nde wur otatu; mo dzagwa; ti amwan inki, ma kiwa lisul,ma dzakwa. ⁶ Eyiwa ti van emotuw nge palang wa mingi; m'otum nde nasam, nde amwign kazawa la luzir itsen la van me. ⁷ Ankie livil me tib wa, wa la wa: kang van nde; zakno-kodzakno-nde mpi a bim e ta nde so k'vay. ⁸ Mo kir wa, mo dzakno-nde mpi, mowuwa le ndwong. ⁹ Nge ev'l kakiende etshengie? nde kakiende nde nga wa, ka dzaknde avar otshia, mpi kapinde ev'l l'avar inki. ¹⁰ No oti tang no onkan nde na be: itar nge p'le wa mason ntu emekun ti tar e mfum mingi le kir kukwin evra. ¹¹ Ele leluzol e Nzam nga m'kum wa mfum mpi itsen la so ele ngituk. ¹² Wo eyiwa la ngin lokir nde,kansi e bang wa mbal avar watiyia; kingan ngena Yezu a mepi itsen la so. Me lim wa mpi me kien wa. ¹³ Me tshign wa a Mfarizi ti avar e Erobi; itsen le lab otib e Yezu. ¹⁴ Mpi me za wa, me tib wa: long so keyio yia ol'masong, yir e yiyia op botuka la wur be; yia eyiyia op son ifa be; yia pa long yia otib e Nzam la masong. Le fri itara ebuy nsa to epwa le waa Cezar? ¹⁵ So k'fr to k'sang? Yezu e yia ondzim ewa, ma kal nde mvur: itsen la ngie endeb-no me? ¹⁶ Ongi no ekr'a Yezu ma yul nde efa ngena eni? wa me tib wa ele Cezar. ¹⁷ Mbosa kabno wa Cezar nge le e Cezar, le waa Nzam e Nzam. Avar me yituk wa l'osu e nde. ¹⁸ Eyiwa we tib wa mugn lufutumuk epoya be,me ya wa pipi la Yezu, moyul wa nde. ¹⁹ Long, kang nsik nge son Moyize: otung eyia e mpam emewa, a me shwiy wal nde a me vay onkar ngeni l'iva, mpi wa ti wur van be ti onkar ngeni. ²⁰ Wa eyiwa avan a mpam isambia,osu me ta nde iva, me wa nde, ati swiy wan be. ²¹ Ozole me vay nde onkar mpi me wa nde ati swiy van be. Otin e motuw otatu. ²² Ata emotuw be nge swiy van lembiy ewa,onkar me wa nde. ²³ Le lufutumuk, onkar ngeni kaza nde walni? wa kanso wa to vay nde l'iva. ²⁴ N'eyindul no kifu,itsen no op'yiano eshuong ngena l'onkan be,mpi op'yiano bir e Nzam be? ²⁵ Le lufutumuk ampan wa po way avar be,onkar impi otin emotuw. Kansi kazawa nse Awanzio le zuk. ²⁶ Itsen la lufutumuk, avar, no oti tangno be onkan e Moyize, nge tib Nzam. Me nde Nzam Abram, Nzam Isak mpi Nzam et Yakobo? ²⁷ Nzam mpa le Nzam avar a nga wa be,kansi avar nge zing, no olino le kifu enen. ²⁸ Oson onkan emotuw nge suk ondam ngeni ti ameyia mvur e nsa mepi Yezu le waa. Me pusan nde,mpi mo yul nde: nsik osu le kati wa nsik konso ele ngie? ²⁹ Yezu mo kalnde mvur: kang nsik osu: yuma, Israyel nk'ma, Nzam e so, abuy nk'ma; ³⁰ Mpi: yia kalang yia nk'ma, Nzam e yia, mpi le bir eyia kanso. ³¹ Kang ozole: yia kalang yia otung mbonso nge palang yia, yia nga ya. Nsa nsik nga meling nsik ngena be. ³² A son enkan me tib wa nde: ele nsa; long;yia o me tib nsinsok, Nzam ale nda mimien, nsa wur be ngena nse nde. ³³ Lang-no nde otum okin e wa; mabanza okinewa,moye okine wa,la bir okinewa mpi langno atung bonso yia ngawa. Eme ling makab ti mambote kokin. ³⁴ Yezu, me yen nde ame kal mvur ti ayel, yia mpo lo otaa be la kimfum e Nzam. Wur a payul eshuong mpapam be. ³⁵ Yezu, me lab nde le long le tempelo, me tib nde: otin e nga wa nson ekan wetib wamugn, Klitu ale van Dawid? ³⁶ Dawid nda, amimien abuy la molim mosantu; nge tib: nk'mu etib nda nk'me e me: ka anse le ewa eme ewum, tii ompa nga kitul me wa amben eyia ntam-inku. ³⁷ Dawid nda mimien ovi nk'mu. Nde aza van e nde l'otin nge? mbal avar eyiwa wolab otib ngeni nsansa. ³⁸ Le malong e nde;nde etib nde: keb-no l'ason enkan, palang wa le tar la mvwel etita,mpi pa langwa wa piwa mbor le mbal avar; ³⁹ Paling wa kiti osu le evra e Nzam,mpi oka osu le fet; ⁴⁰ Pa piwa ankar nga mewil avum mpasi, mpi padjim wa lekie bisam etata. Mbo ewa kaza wa bir. ⁴¹ Yezu, nga kier anse l'osu embak makab, e yinde e kang otin ngeyi mbal avar we pi makab. Ivri ange ekr'a etshuk wa ebo ekr'a. ⁴² Me yen nde ombo onkar emotuw nga me wil wum nde etshuw nde bivan a fala ap'e; kiteso itey in'gn e fala. ⁴³ Yezu, nga me vinde Alongoki e nde, ma tib nde: me nta kab-no nsunsok; onkar ombo nga me vil we ngena na me pi onsuna le embak. ⁴⁴ Avar konso nga me pi, wa me tshuk ndam e kimvwam, kansi nde a me tshuk ya konso nge na nde la ya, ya konso ngeyi zing nde laza.