¹ Lopwe e Yezu levle e Nzama a Yuda, longoki ende emwa me tib nda nde mbuna: long, kiang avi ewuo ngena otin nge tung wa za nsa! ² Yezu nda mugne:" ye yen evle enen ngena? ata nsa ivi emwatuk ka tshing le dzuk otung be. Avi kokin na kakwaza. ³ Ntang Yezu nge ta nde ta nde anse ledzug engum e sung e olive, loso evle e Nzama, Pier, Yakob, Jang ti Andre eyiwa ani, wa la wa ti Yezu, ke wa mo yul wa nde mbon: ⁴ Eshuong kokin na ikwa eshu nge? kindim nge ka lag ntang nga kwa eshuong ngeni, za me kug? ⁵ Yezu me bagna nde lalong nda mugne: keb no nsa-nsa, ozug be avar amwa ke dzim wa no. ⁶ Ebo avar ka vey wa dzen eme, katib wa mugne:" Me mbuyi Mesiya"!ke wa kadzim wa ebo avar. ⁷ Azuk, ezuk no avar elwa mbagna pipi,to we tib itsen la mbagna ngeyi eso ngeni, obia zuk no wom, eshuong ngeni kakwaza kaka, itsen mpe ka za wa nsuk eshuong kanso be. ⁸ Itsen avar a boo amwa ka kawa le ling avar a boo amwa mbagna. Avar okum emwa kaling le nuanisa avar okum emwa. Boo ka nig za bir. Nza kazaza. Eshuong ni kazawa nse ntang onvar pazande leshuong le luyantik le ntang lewur. ⁹ Okeb no nonga za! wa ling wa lafun no lewa tribunal. Kazab no afim leka nge samno. Ka sam no levey a Guverner ti ewa nk'mu, otin emwotuk,kayia no lekie kitemwe, itsen la me, levey ewa. ¹⁰ Kansi, eme oso, efetele no long no otib e Nzama le boo okin. ¹¹ Ozung akir wa no ti le tribunal, obia yen no mpasi na mugne:"nge kakaso le tib!kansi, ntang ni ka tib no eshuong nge ka kab Nzam, itsen mpe nga tib, kansi mpeve e Nzama. ¹² Avar kasar wa atung wa ngaza lengwa ambe isten lala djagwa; a taa ka kiewa otin emwotuk wa avan awa; avan kakum wa mben a ataa ti a maa wa, kadjag wu wa. ¹³ Avar kokin ka miang wa no itsen. Kansi wur nga kang otum tii le nsuk, ka guluka nde. ¹⁴ Ozuk wur etar le por-por, loka nge kuwu nde leza be, ntang ni avar nga za le boo e Yadeya, nsa wa tun mp're ngele a ngum. ¹⁵ Wur ngele nsam evle, ile nsa nda keyi; nda kwan leswe leti itsen la levey emie. ¹⁶ Mpi wur nga za leti elivle, ape kal diak mbeyi be levey ilam inde. ¹⁷ Ngi ka zawa lewaa ankar adjim ti ngo pa avan avie nshu ngeni! ¹⁸ Sam no itsen eshuong ni ikwan lekwa lentang empio. ¹⁹ Itsen la nshu ngeni, mpasi ka zawa ivre. Kazaza ebir lewa avar nge kwan leyen nge kie Nzama bagna luyantik tii lwan. mpasi otin ngeni epoza diaka be. ²⁰ Ozuk Nzama ate keyi ntal ishu ngeni be, nsa wur emwatuk ngi kug be. Kansi Nzama ekeyi ntal eshu, itsen lavar nge pon-nde leza avar ande. ²¹ Ozug wur aya tib: Klitu ala na, to ndale ani, obia yir no nde. ²² Itsen a Nzama ishu ti wa mbikur amwa ishu ame swe le boo. Kakiewa eshuong wa e ngituk letin, itsen la le djim avan anzam. ²³ Yilamo no: me ma kab no za oso letan. ²⁴ Kansi lewa nshu ngeni, lembeyi e mpasi ngeni, atshu emeyia, ngwan apopa diak nsembe. ²⁵ Ntang avar ngewa ka juyi wa, ankar ti ampam, apo kie makwel diak be, kansi kazing wa nse awanzio ledzuk. ²⁶ Lembeyi, ka yen wa wur kazande leti e lundende la bir ti lukum enen. ²⁷ Ka tum nde a Wanzio ti mp're la mp're e boo, itsen leshuk oka emwa avar nge pon Nzam le boo. ²⁸ Longuk no malong osung e fuge. Ozuk za me bagne lepa nkwaya, yiano ke mvia eme kum pipi. ²⁹ Otin emwa, ntang nga yen no abim ni esalama, yeno na mugne, van wur ale pipi, le fuk. ³⁰ Me nta kab mbwa noza dji-dji, dwuong na epo leng be. ³¹ Dzuk ti boo la leng za,ke etib eme epo leng be, zuk eshuong kokin ni epang kwa be. ³² Leshuong nge kiang eshu to ntang nga za Nzan, nsa wur nge yia be, ata a Wanzio le dzuk, ata van, kansi ke taa ndimie. ³³ Keb no, dub no viy, itsen no pe yiano be ntang nga kwa za. ³⁴ Ka za wa nse ntang ngele wur pa lim nde levle nde,ngi ka ontar, pa yande nsik lewa avar ande, le konso wur otshia ende, lewa wur nge kiang efuk: kang veyi. ³⁵ Ndug za, kang no vey, itsen no pe yiano eshu nge nge ngaze kal nk'mu nge evle: kan ikonkum,kan le midi, otshu-nk'mu, kan lenkoo osu,kan le mafe. ³⁶ Ozuk be, kazande leyen avar lila, ozung eza nde emvura. ³⁷ Eshuong nge tib mano ngena, me nte tib za mpi lewaa avar kokin.