¹ Etshiwa k'nsu ipe la leta nkinsi e pak ti e mapa pi levure. Wa nsulu angang a nzam ti avar nga palong nsik,eling wa mpil le bama Yezu adzi itsen wo kir nde mpi wo dzag nde. ² Etibwa: mpil lekie etshu e fer be, zuk be avar wa kaza olale, mpi wa katombok. ³ Kansi Yezu eyi nde le Bethanie,le evra e simo, nga nkang e bala. Ompa nge Yezu ela onkar emotuwa meswiende. le ewua eyinde ti olang e malasi e ntal ivri. onkar ngena me dib nde malasi, me tshiagnde ikokin lotia e Yezu. ⁴ Avar a mwa eyen wa epwa; mpi metib wa, wa la wa: mfum nge le bung malasi e ntal otin ngena? ⁵ Yiza wa nsa wa sar za le nkam-isar, e ntal ngeni ele itshi, ekra ngeni wa kabisa a nga omboo. Wa me zuk wa onkar ngeni okene. ⁶ Kansi yezu me tib nde : sangno nde; itsen lange ngo pano nde mpasi? emien nga me kie nde lo esu eme ebuyi nsa. ⁷ Kansi angaomboo pazano na wa konso eshu. E fan no akilnowa mamote konso eshi nga langno. kansi me mpi pazane me ma no, nshi konso be. ⁸ Nde amekie eshuong, ngena nde apova mpil le kie be. Nde ametshuk malasi le zung e me itsen le pung za, osu le mfegnme. ⁹ Me takabno nsunsok, oka konso le boo okin nga long wa malong e Nzam, ka kabwa oshuong nga me kie onkar ngena. ¹⁰ Le kati a ntum dzum l'ipe, emotuw dzen e nde Yudasi Iscarioti, me kiande m'pre ngeyi wa angang a Nzam, itsen la nde le sar yezu le wa wa. ¹¹ Mezuk wa Yudasi, me zawa le kiese, mpi motshuk wa elaka lopande ekra. Yudasi me lingnde mpil e nsa, la losar nde. ¹² Le tshu osu, nge bagnwa le lia mamapa epe levire, itsen leta pake; a longoki e Yezu me yulwa Yezu: lenge ngelang yia leta pake, itsen so ketshe osu, keyilama? ¹³ Nde me shuong nde a longaki e nde ipe, kieno le waa omene, kayeno wur emotuw e var ibung e vay, labno nde. ¹⁴ Oka nga tshiende, no kayulno nga evra ngeni: long eso nde amwing: me ti alongoki e me kalasu pake lenge? ¹⁵ Nde kalang nde no chambre emotuw enene ngena ti akiti, ti mesa: kanu opungno pake lo oka ngeni. ¹⁶ Alongoki me kienwa, me kumwa, mpi me yenwa abim konso otin nge tibnde. Wa mpi me puwa fer e pake. ¹⁷ Ikonk'mu nde me kumnde le oka za nde alongoki dzum lipe. ¹⁸ Ompa nge mezawa le mesa we-la, Yezu nde amugne me ntbno nsik-e nsuk; longoki emotuw le kati e no, nge lia nda su ana kansarde me. ¹⁹ Wa longoki mezawa la ntantu, otuw,motuw me oyulwa nge e me? ²⁰ Yezu makal nde mvur: ele wur emotuw gengen e no avar dzum lipe nge la ti me. ²¹ Wan wur itsen otin nge son wa itshen la nde! obe'ke zuk nde atibutuk be. ²² Ntang nge lawa, Yezu me vaynde mampa, me pande Nzam merci,me bak nde itign-iting,me pinde wa; le odum me tib nde nda mugne: vayno ngena e buyi dzung e me. ²³ Lembiy me vaynde ikob, me pande Nzam merci, ma pande wa,mpi me nawa wakawanso. ²⁴ Mpi nde makab nde: ngena ele akiala me, akiala engagn, nge katshiang itsen le avar ivri. ²⁵ Me takab masong, me mpona diaka be van nga mekiewa la vinu, kaname za ke eshu ngazame le kimfum e Nzam. ²⁶ Lembiy le sow adzim a Nzam,me van wa ngama e olivie. ²⁷ Yezu metib ndawa moyeno ntshwagn, ele nga son me kadzagme ngungudi,le mbiy mameme kapayua bisakasak. ²⁸ Ntang ngafutumuka me, no kaze ndabno le Galileyia. ²⁹ Pier nde amwign ntang ngaza ntshwuagn, me mpoza la ntshwang be ³⁰ Yezu me tibnde: me tokab la masong, yia nwana, otshwu e nwana; ntang ngaza nkowa ozale epagn atovi be, yia kantun yia me mbal isar. ³¹ Kansi me tibnde obal: le okala lotun yia nsa kutu me nbgwe ma yia. ³² Lembiy me kawa oka e emotuw nge paviwa Gesthemane, mpi Yezu metibnde nda antum a nde: kiarno anse ana, ntang nge sam me. ³³ Nde me vaynde Pier, yakob ti Jang,mpi me zuknde wuono ti ntantu. ³⁴ Me tibnde nda wa: moy e me ela ngi ti le ewa e me, tshigno ana, sa bre no ila. ³⁵ Me kien nde itshi osu, me kwande le boo, mpi me samnde Nzam, ndamwigm zuk mpila elekok, lim oshuong nginziel na. ³⁶ Nde amugn: Aba, taa, abim konso itsen la yia e fan isalama, ondima le mpasi ngena. Mpil e le luzol eme be,kansi la luzol eyia. ³⁷ Nde mezekal nde, nka ngeyi alongoki,ma yende wa nga bri ila. otiza odjiy be ata ntang emotuwa. ³⁸ Zano odjiya, samno Nzam, itsen no osagno le kwa le masum. Molim e yir kansi dzung a pekung be. ³⁹ Yezu me kalnde mbal ozole, me lingnde le waa Nzam otin nge lignnde osu. ⁴⁰ Me kalnde, me zayendewa nga bri ikaa. Viy awa eyira e me za epib, loondum mvutu be. ⁴¹ Me zande mbal otatu,mpi me tibnda wa: brino ntang ngena, lemno dzung, e me kuk atang emekuk, kiang van wur wa mosar le waa avar e masum. ⁴² Sang-no ntsano, kiang, wur nga me sar me ndon ise. ⁴³ Mpi etan be, pang ato may latib be, Yudasi longoki emotuw me ze pwe nde nda mbala avar, ti enduw esung, insulu angang nzama, a son enkan ti en nsul e dibun avar ma tshing. ⁴⁴ Wur ngo sar nde eyinde amalawa kidimu la loyia nde:wur nga pame bise, ele nde, kirno nde mpi twano nde nsansa. ⁴⁵ Ke nge kum wa, nde me pusa pipi la Yezu,me tib nde:Rabbi! mpi mopa nde bise. ⁴⁶ Avar za me kirwa Yezu. ⁴⁷ Longoki emotuw me bin nde ipaga,me nug nde wur otshia e nk'mu, mpi mobagnde iti. ⁴⁸ Yezu, metib nde a mugn: no omezano, bonso abandi ti apaga,ti esung, itsen lintwa me. ⁴⁹ Me eyime nsu konso me ma no,me elong me le evre nzama, no oti nzukno be. Lukan e Nzama esalama. ⁵⁰ Alongoki motshiy wa nda mimien, me lurwa. ⁵¹ Van epam emotuw ma bab-nde, nde eyinde ti drap le king, ompa nge kir-wa drap,nde. ⁵² Me sangnde za,me lurnde opu-opu. ⁵³ Metwa wa Yezu wa insulu e ngang Nzam,oka ngeyi wa ngang Nzam we kutana, ti ansulu e dibun ti anson ekan. ⁵⁴ Pier molab nde malem malem ti lopang e insulu en ngang Nzama. Me kiernde anse e zor tshia. ⁵⁵ Ansulu angang Nzam ti wa mf'arizi eyiwa we ling oshuong ngena efan elak ipwa e Yezu itsen wodzaga. Kansi wa tiyen nsa oshuong be. ⁵⁶ Avar mingi eyiwa nse tib eshuong e luvun itsen la Yezu. Kansi ata oshuong nge kakok be. ⁵⁷ Avar amwa me marwa,mo bamwa oshuong. ⁵⁸ So ozuk so nde etibnnde: kabanme evre e Nzama ngena,lembiy e ntshi isar katung me inki me na mpi wur le kakiza be. ⁵⁹ Ata oshuong ngeni mpi eyiwa elung be. ⁶⁰ Insulu a ngang a Nzama me marnde li iywa avar me yulnde Yezu, mpi metibnde : yia ope kal ata emien emotuw be. Eshuong nge tib wa ena ele eshenge? ⁶¹ Yezu me zand-dzu. Insulu a ngang Nzama moyul nde diaka mpi me tibnde: yia ole Klitu van e Nzama? ⁶² Yezu me kalnde mvur mbwa kotin nge tib yia. no kayeno van e Nzama nga kiere anse le ewa eta e wum, mpi nde se le ebung e zuk. ⁶³ Insulu e ngang a Nzama me kagnde alama ande. Mpi me tibnde: mfum nge elingno elung? ⁶⁴ No omezukno otin nga me twinde Nzam. No eyindulno insenge. Wa konso me tibwa: nda fetele lewa. ⁶⁵ Wur emotuw mof'la ashi le mbugna, me dub-wa ilam le viy, mpi monuwa ikofi; me tib wa nde kab avar dzin e wur nga modzak yia. A Suda movay wa, mo nuk-wa ambar. ⁶⁶ Ntang ngeyi pier mp're ngie opang nge tibwa mbo. Wur otshia e insulu angang a nzama me yennde Pier. ⁶⁷ Nga meyen nde Pier ezor tshia, mokiangnde,mpi me tibnde nda nde: yia mpi,eyiyia ya Yezu e Nazareti? ⁶⁸ Nde me tun nde: mpoyia nde be, eshuong nge tib yia ngesa mpe yia za be. Le mbiy me lim nde lo oka ngeni, me kande mpri'efuk. Mpi nkowa meviwa. ⁶⁹ Van onkar,moyennde; moyulnde mbal ozole le viy avar: wur ngena me yinde nda avar ngena? ⁷⁰ mpi me tun-nde. wa meza itshi avar ngeni me tib wa pier: nsunsok yia ole wur ewa; itsen yia ole wur e Galileya. ⁷¹ Le mbiy me bagn nde le tib mpi le sila me mpoyia nde be. ⁷² Ka ntang ngeni, mkowa ozole me viwa. Pier me kan nde otib nge tib Yezu nda nde: kantun yia me mbal isar ntang ngaza nkowa ozole epang ato vi be. Pier me liende ntang nge me yindulnde.