¹ Bania mafe ansura A ngang Nzama eti Ansulu inki leti alongoki ensik, Esarnadrine me zawa oka emwa. Lenim nge yuwa oka emwa wa Yezu, mo twu wa, me pawa nde le wa Pilato. ² Pilato me zul nde, yia wur nge na ntotil ayuda? Yezu nde: yia o me tib za. ³ Ansura a ngang nzama me bagne wa le fun Yezu la bim ivre. ⁴ Pilato mo yul nde ika, yia o pe tib be? ye yen ivre eshuong ngo fun wa?. ⁵ Yezu oto kal ata mvur emotuw be, la za Pilato me yen nde za ngituk. ⁶ Konso kinsi wa yiwa e per wur ngolok le mpil ngeti eling oshiang. ⁷ Ayiwa la wur ngolok ledjen et Barabasa, ndi-wur ende itsen wa dzak-wa wur lita le Yerusalema. ⁸ Avar kanso ngeyi ani me kawa le wa Pilato, wo me mbeywa le ling le wa nde, lekie bonso mutin pakiewa konso nsuk emvia. ⁹ Pilato ma zul nde wa: no lang no wa shuino Ntotil ayuda? ¹⁰ Sam nde yinde Ansura Angang Nzama apawa Yezu le ewa wa itsen la kimpal. ¹¹ Kansi ansul a ngang nzama me tshieng wa ivre avar kokin le ling le wa Pilato le sang Barabasa. ¹² Pilato me pa zul nde wa mbal inki: itsen la nge wur ngena no vino nde: Ntotila a Yuda, na lang no, ne-na mugne, mo kie nde nge? ¹³ Wa me kalwa mvur lotib ebir, gom nde le kulunsi. ¹⁴ Pilato nde: emie nge obe nga me kiende? kansi wa me kal wa lotib ebir ika we: gom-ne nde le kulunsi. ¹⁵ Pilato ayinde elang avar wa yen osak, lembey nde nda mugne nde Barabas ntang ngena nge me kab nde asoda ende, lawa le le nuk Yezu fim. Lembiy nde me pa-nde nswa la le gom Yezu le kulunsi; itsen wodzak nda awe. ¹⁶ Asoda me twa wa Yezu leti evle, kisondil le verada, wa me kuk wa, wa wanso. ¹⁷ Me lwar wa Yezu mvel efi, mo tung wa impu atiene,mo lwar wa nde le mbwing. ¹⁸ Me bagn wa lopa mbor: mbor nk'mu Ayuda! ¹⁹ Wa yiwa wo nugn obaagn le dzuk embwiy, mo f'le wa asue, me kam;wa le nku ende. ²⁰ Ntang mo zier wa twa othsok, mo surwa mvel efi,mo lwar wa ende iseng ende mwa, me kawa nde le ngan itsen lale log le dzuk ekulunsi. ²¹ A yuwa,wur emotuw e wa Sirene dzen ende Simona,ta nde Alezadre eti Rufuza me zande le ling le mbok ni, ntang nge f'ande oswi, Asoda mo kab wa le twa kulunsi e Yezu. ²² Me ke swing wa Yezu loka emwa nga aviwa Golgota kium ele ena:" oka le dzak wur" ²³ Wo me pawa van, van ngeni ayiwu la mwing, wa eti nkie ya, kansi nda ata na be. ²⁴ Wu mo gom wa nde le kulunsi, me kab wa alama nde, me pur wo za lae boo, itsen la wur emwa kavey nde ikwe? ²⁵ Wo gom wunde le nkong o tatu. ²⁶ Me son wa leti kulunsi, itsen ewa: Ntotila e Yuda. ²⁷ Mo gom wa mpi anga wuma ipe oka mwa ya Yezu,emwa le we ewum emwa lewa ewala. ²⁸ Otine nge lomban nsik, nda yende eshuong avar ipwa. ²⁹ Avar ngeyi aling le mbok ni a yiwa otwe,mo shwing wa mbwiy me tib wa: eya, ban evre enzama, yo mpi otung za le nim eswi isar. ³⁰ Avar amwa, we tib gulusa yi imie,za-keya le kulunsi. ³¹ Ansura a ngang a nzama ti ankum ansik mo ywa ntwa, wa la wa , emwa me tib nda wa: gulusa avar amwa, nde mpi a gulusa mpi nda imie. ³² Yezu e nga; Ntotila Israel, key le ntang ngena le kulunsi itsen so yena e so yir ! avar nge gom wa le kulunsi wa nde atiwa otwi mpi nde. ³³ Ntang isomo me lung wa, nsem ivre me zawa le boo kakin ti le ntang iwaa. ³⁴ Le ntang iwaa Yezu me zab nde lotib ebir:" Eli, Eli Sabatan, kisongidil, Nzama eme, Nzama eme! itsen lange me nsang yia me. ³⁵ Ndam avar nge yi ani me zuk wa otin nge yinde ezab, kang nde evi Eli. ³⁶ Wur emwa leti wa pe,mo yinde epozi la van epwa, mo pa nde le na, nde me tib nde:" sang, kang kozuk Eli kaze keynde. ³⁷ Kansi Yezu,le ntang nge zab'nde, nde me fulmun nde. ³⁸ Fuk evre enzama me barza itey ipe, bagn dzuk ti le boo. ³⁹ A nk'ma Asoda nge yi le mudzung wa Yezu nge yen wa otin nge fulmun nde la bir,me tib wa, e masong,mpan na ayi nde van Nzama. ⁴⁰ Ayuk mpi eti ankar nge yele kang lo-ta,nkansi wa yiwa, Maria e Madelina, Maria maa Yakob inga van, Joze eti Salomona. Ankar, nge yi elab Yezu la nge yi o sadil nde ntang nge yinde le boo e Galileya. ⁴¹ Ankar amwa mpi ayiwa nuna, me yawa obuk emotuw wa Yezu le Yeruzalema. ⁴² Onsu me yewa, eshwi za, ayiwa eshui e kitana, eswi nge na avar wa fetele le pung eswi nge lab le lab eswi nge pe-ma avar. ⁴³ Ntang ngena Yozefo wur e wa Arimata,me ze kum nde, nda ayinde wur emotuw leti e kimvuk enen Ayuda, wur ngeyi ewa luzir, nde mpi ayinde wur nge lura nde kimfum e Nzama kazawa. ⁴⁴ Pilato me yituk nde ntang ngo kab wa, we Yezu ame wa. Lembey nde me vey nde nk'ma Asoda mo yul nde, kan Yezu a me wa bay le-tan. ⁴⁵ Ntang nge nku'ma, nku'masoda me kab nde, Yezu a me wa bagne le tan, Pilato me pa nde Yozefo nswa le vey dzung e Yezu. ⁴⁶ Yozefo me kande le suma iseng ewo, iseng ngeni ayiwa iseng ise, me za nde le lwar Yezu le dzung. Nde mo swiy nde le kulunsi, nde me bab nde iseng ngeni,me swerde le maziam nge tum-wa ipuk leti atar. ⁴⁷ Maria Madagala eti Maria maa Yozefo me ye kang wa oka nge miang wa dzung e Yezu.