¹ Lembeyi eshu le num, Maria e Magdala ti Maria maa Yakob,ti Salome,me shum wa nanegne leka letsug lopiak e Yezu. ² Leshu oming,me kawa le maziam,mafe, lenkam evun. ³ Eyiwa etib wa la wa lembok: wur nga lim avar itar , ngele lodum e maziam ngeni ne ? ⁴ Ntang me pe kiawa, me yen wa ma itar ngeyi ana enga lim. ⁵ ntang na, me swe wa leti e maziam, me yen wa van. ⁶ Ma kab nda mugne: No eling no Yezu e Nazaret, nge tsug wa le kulunsi; nge futumuka, ndana be; kiano eka ngeyi nde. ⁷ Kansi ka kab alongoki ti Pier nde ama ka dul no oso le Galileya: koyen no nde ko, ke mpil nga kab nde no. ⁸ Ankar ekwa me pwe wa le maziam, elur wa otaa, letier la womo. Wa ta kab nsa wur emwotuk be: womo. ⁹ Ntang me sum Yezu lewa eshu oming mafe, eke pwe nde osu oka ngeyi Maria e Magdala ekwa nge pur nde ampeve ipwa isambia. ¹⁰ Maria ekende ekab eshuong nge yen nde lewa avar ngeyi ti Yezu. A yende wa we lie, eyira la ngi enen. ¹¹ Kansi,ntang Maaria ma kab nda mugne: Yezu e num,me moyen nde wa pe yir be. ¹² Lembeyi, Yezu me ze pwende lewa alongoki ende ipe, lembok, ntang ngi kawa loshi. Nde yinde eyen otin inki. ¹³ Ntang nge ze kalwa, me kab eshuong ni alongoki emwa. Kansi wa te yir mpi be. ¹⁴ Lembeyi, Yezu me ze pwende mpi lewa alongoki djum lemotuk, ntang ngeyi wa ela le mesa. Ma ngang nde mbo: itsen lange te yir no avar nga kab wa mugne, me nte pema, no obuyi no otia bir, no lukwikil be. ¹⁵ Ke nde ma kab nda mugne: ka long no nsang ewuo lewa avar konso, le boo okin. ¹⁶ Konso wur nga yir ti nga vey mbotik, ka guluka nde. Kansi konso wur ka kwan leyir, ka vey nde ndol. ¹⁷ Avar ngayir, kakiewa bidim ngena: le dzen eme, ka pur wa ampeve ipwa,ka tib wa etib ezanga. ¹⁸ Ka kir wa andzwa, ozuk enowa ndikil, za po kie wa ata emie be,ka tsug wa a mbefo ngwa, wa ka zug wa nsa. ¹⁹ Ntang nge tib Yezu otin ngeni,Nzama motombol nde ledzuk,mpi me kende eza lewua ewum e Nzama. ²⁰ Alongoki me kawa le long mp're konso. Nk'mu Yezu eyinde asarsa wa ntang ngeyi wa bikamwisi, eyinde ekab avar nda mugne malong ewa ile dji-dji.