¹ Le tang ngeni, avar ayiwa olala, Yezu me vi nde a longoki nde, mpi me tib nde wa: ² medazuk mpasi itsen lavar ngena, wa meki ntswi isar ti me, kansi wa buyi lolile, lila be. ³ Kozuk wa kale le waa la nza, kayenne wa mpasi le mbok, itsen avar amwa, waa ebuyi ota. ⁴ Alongoki me tib wa Yezu, kavaso olile lenge itsen lipa avar ngena? So buyi leti oshu. ⁵ Yezu me yule nde wa : obuyino la amwen ikwe? me kale wa mvur: isambia. ⁶ Yezu me tib nde nda avar ekokin, kierno anse. Yezu me vey nde amwen isambia, me sakamuna nde za, me pa nde lewa alongoki nde, likabisa avar ekokin. Alongoki me kabisa wa za. ⁷ Alongoki iyuwa mpi eti nse, Yezu me vey nde za, me sakamuna nde za, me pande alongoki likabisa avar ekokin diaka. ⁸ Wur ekokin me la nde mpi me yur nde, abim me tshig wa. Alongoki me tshuk wa za leti along isambia. ⁹ Avar eyiwa million ini (4000 ), Yezu ma kal nde wa, le waa. ¹⁰ Le mbey eshwong ngeni, Yezu me vey nde maswa, me ka nde le waa nge fa vi wa Dalmonota. ¹¹ Wu nga vey e wue, me tib nde, me nda yen avar nse eten e sung e atar. ¹² Yu me vey diaka ngwa e nde me tsuk nde le vey e nde, mpi wur ngeni me yen nde nsa. ¹³ Yezu me tib nda nde, kale levele ya, blolo she leti waa be. ¹⁴ Walonkoki me ying wa litwa amwen leti maswa, iyiwa ke limwen emotuk. ¹⁵ Yezu me tib kino keba itsen la amwen a mvu e wa Falizayo ti Eroda. ¹⁶ Walongoki me bim wa e ndama leti wa itsen lotib e Yezum wa yie ke leti wa amwen be. ¹⁷ Yezu me tib nde nda wa itsen lange na abin e ndama leti eno itsen no buyi no limwen be? No peyieno kaka be, ayiel a no e buyi okiak. ¹⁸ No buyi no la veyi no pe yeno be? no buyi no lati no pe zuk no be? No pe yieno diaka be: ¹⁹ eshu nge kabisa me no imwen le wa avar million itena (5000) a long amwen ikwe nge tshig? Me kal wa mvur djum lipe (12). ²⁰ Eshu nge kabisa me imwen le wa avar million ini (4000), a long amwen ikwe nge tshig? Me kale wa mvur: isambia (7). ²¹ Yezu me tib nda wa, no piyeno kaka be? ²² Yezu me kum nde le waa nge fa vi wa Beteza, avar a waa ngeni me zawa la wur e vey nga wue, me ling wa Yezu libikisa wur ngeni. ²³ Yezu me veye nde wur e vey nga wue mo twande lekle waa. Me veyi nde antshwe nde, me tsuk nde le vey e wu nga wue, me veyi nde ngwa nde me tsuk nde lotia nde, me tib lande : ya yen? ²⁴ Wu nga vey e wue, me tib nde, me nda yen avar nse eten e sung e atar. ²⁵ Yezu me vey diaka ngwa e nde me tsuk nde le vey e nde, mpi wur ngeni me yen nde nsa. ²⁶ Yezu me tib nda nde, kale levele ya, blolo she leti waa be. ²⁷ Yezu nde a longoki nde, me ka wa diaka le wa waa ngele pipi la waa Sezara e Filopo. Leti e mbok me yul nde alongoki nde, avar wa tib nge itsen la me? ²⁸ Mokala wa mvur, avar amwan wa tib, yo buyi Yowane, avar anki wa tib yo buyi Eliya, avar anki diaka wa tib yo buyi mbikudi. ²⁹ Nde me yul nde wa, itsen lano, me buyi ne? Petolo me kala mvur yo buyi Masiya. ³⁰ Yezu me tib nde wa, blolo kab wur inki be. ³¹ Lembeyi eshwong ngeni ekokin Yezu me ba'en nde lilong a longoki nde: Van wu kayokama nde mingi. A nganga a Nzama, ambur a libun eti avar nge fa tib mbo e Ta Nzama ko kiwa nde mpasi, ko dzaka wa nde, kansi le mbey intshwi isar nde nga zwiyi nde lewa. ³² Me tib nde nsansa eshwong za. Petelo me vinde Yezu le mpebeni me ba'en nde litib nda nde, sanga atib mbosa. Yesu me kiande alongoki nde, mpi me tib nda Petolo lem pe, yo buyi Satana, ngine eya pe buyi ngine e Ta Nzama be. Ngine eya e buyi ngine avar. ³³ Yezu me vinde alongoki ende ti avar ekokin, mpi me tib nda wa: ³⁴ Kuzuk wur aling liza lewa me nda sang eshwong nde ikokin mpi nda var kulunsi ende, nda ndab me. ³⁵ Wur nga ling ke lusing nde ngawa, apel va za be, kansi wu nga ling, kansi wur nge kayene mpasi itsen lame e mpi nge kaling liyie eshwong eme, wur ngeni ka va nde lusing nde. ³⁶ Nsa nfun be, kozuk wur ame va abim ikokin e boo ngena, kansi nde atava lusing nde be? ³⁷ Nde ka fere nde nse nge, itsen liva lusing e nde? ³⁸ Kozuk wur azug ntswen eme ti ntswen lilong otib eme le wa avar e lwana nge faki masum, wur ngeni va wur mpi kazuk nde ntswen nde, ntang kaza nde le kembo e ta nde eti andjelu.